ولدي انقلبت شخصيته الى خواف مطيع ( تحطمت وتدمرت)

أختي أحسن شي إنك طلبتي المساعدة !!

الرجاء من الخبيرات الإجابة والمساعدة .

أنا أشوف الأمر عادي جدا !! وطبيعي .

مشكوره يا مها انك عبرتيني
انشالله الامر عادي
لكن ودي يكون ولدي شجاع وعنده شخصية قوية
وما ودي اشوفه في موضع اذلال
وتدرين اذ لم يتغير الحين ماراح يتغير بعدين




انا حيل تعبانة منه
عنيد وحنان ويبكي كثيرا ويقول كلام وسخ بصوت عالي بس معاي
ومع ابه شاطر ويسمع الكلام



زوجي دايم يقول اني ما اعرف اربي وانا ما اعرف اتعامل معاه وانا وانا وانا



انا ماادري شسويت





ارجو انكم تعبروني ولو تقولون الله يهديه والسلام

السلام عليكم
تياسير ماتديش الموضوع اكبر من حجمه ابنك صغير واكيد هتلاقى حل بسيط وسهل
كان نفسى اساعدك لكن للاسف انا مش خبيره
المهم ماتلوميش نفسك وماتاخديش الموضوع ده على اعصابك :24:

تعرفين شو أساس المشكله ؟؟ أنك انتي وأبوه بينكم اختلاف في وجهات النظر حول تربيته وهنيه المشكله الأساسيه خصوصا لما الأب يبدأ بمعايرة الأم في أسلوب تربيتها مع ابنائها لأن هذا يولد عند الأم نوع من الضغوطات ومع كل تصرف سيء من الولد تنفعل زياده عزيزتي خلينا نبدأمن البدايه:
1- لا تخوفين الولد من أحد من أهله ولا تهديدينه بهم.
2- علشان تنمين شخصيته زرعي فيه الثقه بنفسه،كيف؟؟ دايما سمعيه عبارات مثل أنت شجاع وقوي أنت بطلي ..وشجعيه يسوي أشياء ما فكر قبل يسويها وأثني على كل اللي يسويه ولو كان تافه في نظرك..مثلا خليه يرتب لعبه المنثوره في الصاله ولا نادينه باءسمه قولي له يا بطل قوم ورتب ألعابك وورني شجاعتك وألفاظ من ها الكلام.
3- عزيزتي ما فيه حد يستاهل علشان تعاملين الولد بها الطريقه وخصوصا ها الحريم خليهن يزعلن هذا صغير وبكره يكبرون العيال وينسون.
4- كبريه في عين أبوه، كيف؟؟ اذكري جدامه والولد قاعد بعض التصرفات الجيده اللي عملها في اليوم ودايما قولي البطل عمل كذا أو هذا الشجاع اليوم سوا كذا وكذا.
5- حاولي لما يعلي صوته عليكي اتقولين له انته شاطر والله يزعل من اللي يعلي صوته على أمه.واذا قال كلام مب زين بيني بتعابير وجهك انك مندهشه وردي عليه (البطل ما يقول كذا ) ولفي وجهك عنه وراح يحس بزعلك ولوما بين لك.

يمكن انتي تهاوشينة قدام الناس وتسويلة سالفة وهذا اكبر غلط تغلط فية الامهات