Um-Terki @um_terki

عضوة جديدة

ولدي دايم جوعان .. وش الحل؟؟ :(

السلام عليكم

أخواتي أنا عندي مشكله واتمنى من اللي عندها خبره تساعدني

أنا لي 37 يوم والده وطبعا من 3 أيام ابتديت آكل حبوب منع الحمل (جنيرا)

المشكله في حليبي

قل بشكل مو طبيعي ماصار يشبع ولدي أبد :(

المشكله اني ما عودته عالصناعي وآلحين جالسه أحاول أعطيه صناعي مو متقبله أبد

صاير مسكين جوعان معظم الوقت .. حتى نوم ما ينام كويس لأنه دايم جوعان

والله يكسر الخاطر :06:

المشكله اني ما أعرف من المدرات للحليب شي غير الحلبه .. والحين صعبه اشرب حلبه وأنا بروح بيتي بعد كم يوم

اللي ابيه منكم إذا تعرفون أي شي يدر الحليب تقولو لي عليه

والله بتكسبون أجر في هالمسكين اللي ما شبع له 3 أيام :(

ومشكورييييين مقدمآ

يلزم عليك تسجيل الدخول أولًا لكتابة تعليق.

تسجيل دخول

توووت توووت • 15 سنة

شوفي حبيبتي

موانع الحمل تنشف الحليب يعني مع المانع راح ينقطع الحليب
اما انك تاخذين حبوب منع الحمل خاصه بالرضاعه او انك تعودينه على الصناعي

احسن شي خلي الصناعي عندك على طول كل ماصاح على طول عطيه لحد مايتعود

ريماوي88 • 15 سنة

يا عمري حبيبتي كتري من شرب الماء سبحان الله بكتر الحليب بإذن الله
حاولي تعطيه صناعي ولو اني ما افضل بس يعني مساعد لالك

Um-Terki • 15 سنة

اختي توت توت مشكوره عالرد

بس أنا بخاطري ارضع هالمره عالأقل 6 شهور

منها البيبي تقوى مناعته و آنا بعد جسمي يتضبط

وما أقدر أجازف و آكل حبوب الرضاعه لأن فيه ناس حملت وهي تاكلها

أنا ودي بشي يدر الحليب مع استمراري في أكل الحبوب

Um-Terki • 15 سنة

توووت توووت :

شوفي حبيبتي موانع الحمل تنشف الحليب يعني مع المانع راح ينقطع الحليب اما انك تاخذين حبوب منع الحمل خاصه بالرضاعه او انك تعودينه على الصناعي احسن شي خلي الصناعي عندك على طول كل ماصاح على طول عطيه لحد مايتعود

شوفي حبيبتي موانع الحمل تنشف الحليب يعني مع المانع راح ينقطع الحليب اما انك تاخذين حبوب منع...

أول مره اسمع بهالشي
وسويت بحث بقوقل ماحصلت نتايج
ياريت اللي جربت هالطريقه من البنات تفيدنا

مشكوره اختي عالرد جعله بموازين حسناتك يارب

شكرآ اختي ريماوي

اي والله هذا اللي جالسه اسويه والظاهر لولا الله ثم شربي بهالمويه كان نشف حليبي مره وحده

تويتي1111 • 15 سنة

الجرجير لا يفوتك مدر للحليب اسالي مجرب مع كثرة شرب السواتل والشوربه برضو ممتازه