يا بنات انا معي ولد كمل ثلاث سنوات تقريبا نص وقتة يصيح باعلى صوتة جنني ووبهذلني بالصياح حقة ، اذني احس بصرخة صوتة فيها ، بتكلم عن السبب حق صياحة من البداية ،
انا قبل فترة يمكن قبل ٥ او ٦ شهور خطر في بالي اني افتح لة على شاشة التلفزيون مقاطع تعليمية للأطفال ، و كنت اشغل لة المقاطع و مخلية صوتها تقريبا عادي لا هو صوت مرتفع و لا صوت منخفض يعني تقريبا الصوت عادي علشان يسمع الكلام ويتعلم و يرددة ، و فعلا ماشاء الله لقط من الكلام اللي يسمعة و اتعلم منة ، بس من بعدها الولد صاير يردد الكلام اللي كان يسمعة في المقاطع المشكلة يرددة بصياح يصيح باعلى صوتة لما يردد الكلمة ، لة فترة حوالي ثلاث شهور على هالوضع صياحة مو طبيعي ، مو بس الكلام اللي كان يسمعة في المقاطع يقولة بصياح ، اي وقت يخطر على بالة يصيح بس كذا من عندة ، و حتى لما اتكلم معاه عادي يتكلم بصياح ، و زوجي الحين حاط اللوم علي يقولي انتي السبب كنتي ترفعين لة الصوت و انا اقولة الصوت كان عادي بس هو يبغى يصيح على اي كلمة يقولها ،
المهم الحين الولد الصياح مشتغل عليه احيانا يخف و احيانا صياح باعلى صوتة ، تقريبا نص يومة صياح يقضية ، يصيح ثم يسكت و شوي كذا يصيح ثم يسكت و على هالحال ،
و الله انهبلت من كثر الصياح كإن عندي اربع اطفال في البيت وهو طفل واحد بس
انا ممكن اتحمل صياحة بس اخاف يصير شي لحلقة من كثر الصياح باعلى الصوت ، اخاف صوتة يصير لة شي الله يستر لا يروح صوتة من الصياح الكثير ،
جربت معاة الكلام بالطيب و جربت اخاصمة و جربت ضرب خفيف و مانفع معاة لا الطيب و لا البطال و بصراحة الضرب الخفيف يخلية يهجد شوي على الاقل يرتاح حلقة من كثر الصياح
انا اكثر شي اخاف منة يصير لحلقة شي صيااااحة قوووي لما يصيح احسة يطلع الصياح من من كل قلبة بكل قوتة ،
و الله بأنهبل اقسم بالله اخاف يصير لة شي و انا السبب
ساعدوني بالله عليكم تعبت والله من هالصياح
- ايش اسوي معاة