تبين الحل والله انه مجرب مني
الدعااااااااااااااااااء
مالك غير هالحل
كل ما يسوي شي خذي نفس عميق واستغفري ثم ادعي له وهو يسمع بصوت الله يهديك الله يصلحك وهكذا
ابدا لا تقولين الله ياخذك والا من هالدعاوي
وكمان حبيبتي ادعي له بجوف الليل وحصنيه وارقيه
وكل يوم اول ما تصحين من النوم عاهدي الله انك ماتمدين يدك عليه سوا اخطا او ما اخطا
سامحينه وغضي الطرف عن التافه وخصصي له وقت
وترا انا ابني مثل ولدك حرررك ويحب اللعب وما يخلي شي بمكانه والتربيه مو عالكيف ولا بالساهل
التربيه جهاد وربي جهاد حنا قاعدين نجاهد بتربية اولادنا خلك قويه ولى زمن الدلال حبيبتي
اهم شي خصصي له وقت تلعبين معاه وتتكلمين معاه انا ولدي الشطانه كلها تجيه اذا شافن جالسه عالنت لانه باختصار يبي يلفت النظر ويبي انتباهك كله له

نفس حركاات ولدي والله كانك تتكلمي عنه..... ويضربني قداام الناس بس لما نرجع البيت ازعل منه مااتكلم معاه ووضحله ليه.... يعني لما يكلمني اقوله لاتكلمني اناا زعلانه منك ياماما ليه تضربني؟؟ الناس يقولولي ولدك مو مؤدب اناا مرره زعلااانه منك واسكت ابدا مارد عليه ...يصير يكلمني ويصرخ بصوووت عاااااااااالي ماااما ماااما وانا اطنشه لحد مايتعب او يبكي واقووله اخر مرره ماتسوي كذا مرره ثانيه وبنبره حزينه اقوله أنا احبك ياماما وابغى الناس تقولي ولدك شاطر ومؤدب واحضنه وابوسه والله خف كثييييير وبطل هالحركه,,, ودايما ااطالع فيه واقوله احبك وانا اشتغل واناا جايه اخذ غرض من الصاله وانا بأكله ..... والله رغم عناده وعصبيته وصرااخه,,,احيانا يجيني فجأه ويقولي ماما احبك......يعني مهما كابر وعاااند ترى بالنهايه هذا العمر تقليد وترسيخ الشي اللي يقلدك فيه يرسخ معاه بااقي عمره فحاولي تتغاضي وتمسكي اعصابك وتكثري من الكلام الحلو ,,,, والتصرفات المحببه عشان يقلدك بالاشياء الحلوه ودايمااتفاهمي معاه بهدوء وخاطبيه كأنه كبير ابدا لاتقولي ماحيفهم علي ..ايواا وكمان لما يجي بيني وبين ابوه ويحاول يبعدنا مانجلس جنب بعض ماصرخ عليه واتجاهل تصرفه وعادي اذا كنت اسولف اكمل السالفه واجلسه بيننا وما اركز على تصرفه عشان ماياخذها عنااد ويبلشناا كل مرره ههههه..... اعذرني قرقرت كثير بس والله حسيت فيك لانه نفس التصرفاااات بالضبط حتى وقفة التلفزيون بس لم كنت اصرخ وكله لاتوقف كذا كمان هو يصرخ علي ومايبغى يتحرك صرت اطنشه بس احاول اشغله بشي ثاني واحطه بعيد عن التلفزيون عشان يجي يجلس عنده وبنفس الوقت يشوف التلفزيون زي مجله اوالوان واورااق او لعبه بس حاجه جديده او من زمان ماشافها عشان تجذبه .... اتمنى اكون افدتك واناا بالخدمه ...
لاتنسني من دعواتك بالوظيفه وربي يهديلي زوجي وولدي.والله يصلح ولدك ويهديه ياارب

ووولدك صغييير ياقلبي انتي ضمميه وبوووسيه ودلعييه وجيبيله العاااااااااااااااااااااب داااااااااااايم
حسسيه بحبك لاتمدين يدك عليه لاتصارخين طوول الووقت
اتحممممليه هذا طفلك اذا ماتحملتيه مين بتحمله
اتوووقع الغلط منكك شكلك كنتي تضربينه خلاص اتعود انك تضربينه وابووه يدلعه
حاووولي تغيرين اسلوووبك نامي جنبه وحكيه حكايه وامسكي يده لين يناام دااايم قووليله انا احبك انا امووت فييك
وشقاووووووة الطفل طبيييعي بالعككس بكره بيكبر وبيصييير هاااااااااااااااااااااادئ
اهم شئ لاتقسييين عليه انتي الام انتي الحب والحننان حسسيه بهالشئئ

عادي ياقلبي لا تخافي ولا ولدك صغير. بس حاولي معه باللين والحب دائما وحاولي دائما تحكيه حكايات وتسولفي معه كثير وتوجهييه من خلا ل الكلام ترى ولدي كان عندي وشقي مره وياذيني عند الناس بس الحين ولا شي الحين سنه خامس ويافلبي عليه يسمع الكلام وهادي وعادي جدا. والله يصلحه. ويهديه

قسما بالله كأنك تتكلمين ولدي ههههه بس ولدي كان ألعن من كذا.
كل شيء جربناه حتى المشايخ هههه والله كنت امد يدي عليه واذا نام أجلس أبكي!
رحت لأمي وقلت لها اذا انت غضبانه علي سامحيني.وابوه كذلك راح لأمه واستسمح منها. حسينا انه عقابنا في الدنيا هههه الله يحفظه لي ولا يحرمني منه ويجعله من عباده الصالحين وولدك يارب العالمين.

الحين صار عمره 4سنين.خف الحمدلله كثير.صار يستمتع بالقصص لما أحكي له..صار نوعا ما يفهم كلمة(ثواب و عقاب) اسويله مفاجااءات .اشياء بسيطة بس هو يفرح فيها كثير..اهم شيء تنفيذ الجزاء ..انا أقوله عشان انت سويت كذا انا باخرج وباخذك معايا وبخلي اختك عند جده(اخته صغيره ماتفهم)فيحس انو بطل.
او اخلي ابوه يودينا السوق واقول عشان انا ولدي رجال ويسمع كلامي خليكم انتو في السيارة وانا باخذه معايا وانزل اخذ لفه او اشتري له شيء بسيط لو بطاطا واخرج ينبسسسسسط مره ويعرف انو فيه مكافئات..
والعقاب الحرمان من نفس الاشياء اللي يحبها ويفضلها.

لازال ملقوف. بس الحمدلله خف كثيررررررررر
نسيت اقولك شغله لا تعصبي لانه بيطلع عصبي ومراح يكون عنده استعداد للتفاهم.
ولا تهددي كثير لانه ح يستهيفك ههه يعني في الاشياء الكبيرة واللي مرة ماتتحمليها ابداي حطي عينك بعينه وقولي له اش ينتظره لو ماسمع الكلام.
وذوقيه حلاوة المكافئات حتى يعرف مرارة الحرمان منها .

الله يصلحهم ويهديهم.