ولدي.. عذاب الدنيا..

السلام عليكم ورحمه الله وبركاته

صدقوني ماني عارفه ابتدي من وين.. هالولد مجنني مطفشني والله العظيم كرهني في نفسي كرهني

في دنيتي والله يعزززززز عليي اشتكيلكم ومتفشله منكم لدرجه ما تتصورونها اني انا ام لعيال

اللي ربيت خواته الثنتين موووووووو عارفه اشلون اتعامل ولا اتفاهم معاه!!

سامحوووووووووني يمكن كلامي يكون ملخبط وايد لاني اكتب وانا مقهوووووووره منه محترررررقه

من امس الظهر وانا اصيح ذابحه روحي لين اليوم الصبح وانا اكتب لكم مشكلتي.

يا ناس ولدي ماهو آدمي.. ما هو انسان.. ما عنده احسااااااس ولا ذره احساس ابدااااااا.

كل يوم.. كل يوم.. بلاوي ومصايب تنزل ع راسي وراس ابوه بسبته.

ف البيت.. معذب خواته اللي اصغر منه.. ما يخليهم ف حالهم.. صراخ وهواش طووووول اليوم ما

نرتاح ولا نهجد الا اذا ناااااااام.

ف السياره.. من نطلع لين ما نرد واحنا طول الوقت اقعد يا فلان.. اعقل يا فلان.. اترك اختك يا فلان..

يستمرررر بعمايله مع خواته لين ما يطلعنا من طورنا انا وابوه.. وياما وياما رجعنا من نص الطريق

وانا دموعي بحرررررر وابوه اعصابه فااااالته.. مخرب ع نفسه وع خواته وعلي انا وابوه طلعتنا.

وف المدرسه.. آآآآآآآآآآآآآآآآه يا المدرسه. سبب البلاوي كلهااااااااااا وسبب التعاسه والعذاب اللي

انا فيه موووووووو مخلي احد ف حاله.. المدرسات يشتكون منه.. الطلبه يشتكون منه.. الاداره

ابكبرها تشتكي منه.. وكله كووووم واولياء الامور كوووووووم. اتخيلوا.. قاعده ف بيتنا بامان

وسلام.. والا داقين علينا الباب.. منو؟؟ انا فلانه ولا فلان ابو الطالب اللي مع ولدكم ف الصف او

الباااااص. نعم خير؟! ارحب فيهم واقولهم تفضلوا حياكم لاني ادري ان ولدي غلطان عليهم اكيد

مسوي بلوه مع ولدهم بعضهم يدشون ويكلموني بادب وبعضهم ما عندهم وقت يسبون ويهددون

ويتوعدون فينا.. ادبوا ولدكم ربوووووه سنعووووووووه ولا بنتصرف معاكم تصرف ثاني.. يعني

بنشتكي عليكم بالشرطه.. ياااااااااه وصلت للشرطه والمراكز؟! معقووووووووله كل هذا يطلع من

ولدي اللي عمره 12 سنه بس؟!

والله العظيم يا خواتي.. صبرت عليه صبرت عليه صبررررررررت لحد ما الصبر مل مني.. يوميا

يجيب لي شكوى مكتوبه من المدرسه.. هو ما يضرب الا نادرا.. بس حركي وايد.. يدخل روحه بامور

ما تعنيه وتسبب له مشاكل وهو ما يدري او ما يتوقعها اصلا.. يتعلف بالكل.. صغير وكبير.. ما يهمه

ابدا.. يرد ع المدرسه بطريقه مستفزه يطالعها ف عيونها وما يكسرها ابدا.. بالضبططططططط مثل ما

يطالعنا انا وابوه.. المدرسه تشرح وذابحه روحها وهو حظرته مسوي روحه مهرج يضحك الطلاب

عليه!! عاقبوه بكل شي وما فاد.. وقفوه.. طردوه من الصف كذا مره.. اتصلوا ف ابوه وراح يتفاهم

معاهم يطلع المدرسه هي الغلطانه.. وهو الصح. كلامه ونظراته وحركاته قوووويه وردوده

اقوووووى تقولون هذا تفكير واحد عمره 20 سنه مو 12 سنه!! يعني لو شنووووو ما ينغلب!

والله لو اقولكم عن حالتي معاه تقولون ابالغ. اعتكفت الناس واهلي وصديقاتي قمت ما اطلع ولا

اروح اي مكان هو معاي لا يسويلي فضايح. لا مره ولا مرتين ولا ثلاث ولا عشررررررر مرات

نزلت دموعي مثل اليهال جدام اللي يسوى واللي ما يسوى من اولياء الامور طووووول عمري وانا

بس امشي واعتذر من الناس واقولهم سامحوني وابروا ذمتي..عقدددددددددني ف شي اسمه موبايل

صرت اخاااااااااف ارد ع المكالمات الغريبه اخاف يطلع ولي امر يشتكي عليه.

ياااااااا ربي تعبت تعبت تعبت تعبتتتتتتت منه ماني عارفه اشلون اتصرف معاه..

ما تمت طريقه الا واتبعتها معاه.. جيته بالكلام والطيب والسياسه ع قولتهم وما فاد.. عاقبته وحرمته

من اشياء وايد اولها النت اللي يموت عليه وهم ما فاد.. ضربته مره ومرتين وثلاث وهممممممممم

ما فاد.. خلاااااص ما عندي شي اقدر اسويه بعد.. المشكله ف كل هذااااااااا انه عديييييييييييم الاحساس

عديم الشعوووووور.. عمره ما جا يستسمح مني ولا من ابوه.. عمره ما قال كلمه آسف حق احد.

كرامته وعزه نفسه فوق كلللللل شي.. على كل اللي يسويه ويصير منه ما يتاثر باي شي.. ما يهزك

ريح ابدااااااا. لو اظل اصيح اسبووووع وهو قاعد جدامي عاااااااادي عنده ولا كاني موجوده.

ابوه يكلمه ويهاوشه وهو يسمع منيه ويطلعه منيه!! ابوه كاسر خاطري لدرجه ما تتصورونها معور

قلبي ان ولده البكر طلع جذيه ماذي العالم وخلق الله :(

ابوه عجزززززز منه عامله بكل الطرق وهم ما فيه فايده.. مو راضي يسمع منه ولا من غيره ما يتقبل

النصيحه وحتى لو قال بصير آدمي يوم يومين ويرجع اخس والعن. والمشكله ان بلاويه ما تزيد الا لمن

يسافر ابوه مع انه يوصيه ويقوله انت رجال البيت اللحين تحمل بامك وخواتك اعتمد عليك يا ولدي.

وهو لا حياه لمن تنادي.. بس اليوم.. لمن دقت بابنا وليه امر وقامت تتشكى منه وهو يطالعها بعينها

دايركت ما يستحي ولا يكسرها لا وينكرررررر انه طاق ولدها بعد وواثق من نفسه طبعا انا صرت ف

دنيا ماهي بدنيا راسي افتررر وما لقيت روحي الا والدموع بحررررر واعتذر واستسمح منها وقمت

اخربط بكلامي كأني اهلووس لدرجه ان الحرمه خافت عليي وقامت تتعذر مني واتقول يعزززززززز

عليي يا ام فلان اني احطج ف هالموقف سامحيني وتطالع ف ولدي تقوله حرااااااااااام عليك تسوي ف

امك جذيه تخليها تصيح جدام الناس مو عيب عليك؟؟ الحرمه لا اعرفها ولا تعرفني مجرد جايه تشتكي

وكانت زعلانه لمن جات بس لمن جافت ردت فعلي وصياحي وبناتي قاموا يصيحون خااااافت من

الموقف وقالت وين ابوه قلت لها امسافر اشفقت عليي اشوي وبتبوس راسي بعد وطلعت وهي اتقول الله

يساعدج على ما بلاج.. تخيلوااااااااا يا ناس.. الغريب حن عليي وهو ولدي من لحمي ودمي ما رمشت

عينه بشي.. احترررررررت شاسوي شاسوي اشلون اتصرف ابوه امسافر ومالي احد غيره بتقولون

وين اهلج ابوج وامج بقولكم انا من تزوجت وانا معتمده ع نفسي عمري ما دقيت بابهم ولا اتصلت

فيهم قلت لهم عندي مشكله تعالوا ساعدوني اللحين ع آخر عمري اتصل فيهم واقولهم ماني عارفه

اربي ولدي اللي عمره 12 سنه؟؟ اش بقولون عني؟!! بيضحكون وبيتطنزون علي!!

وعقب التفكير قلت خلاص اتوكل ع الله واكلم ابوي يمكن يخاف منه ويحط له اعتبار لان ابوي من

النوع القاسي ف الكلام والمعامله وعادي عنده يطقه بعد كنت اتمنى يطقه علشان يبرد قلبي اشوي

بس للاسف ما صار هالشي لان ابوي اعتبر الموضوع عادي وبالعكس قال صج ما عندج سالفه

خرعتيني على شي ما يسوا علبالي فيج شي ولا زوجج فيه شي!! اكتفى بجم كلمه له وهدده وولدي

يطالعه بنظره كانه يقول له يلا اخلص تراك عورت راسي!! والله هذا اللي حصل.

حسيت روحي سخييييييييييييييييفه بدرجه فضيعه صغرت نفسي جدام ابوي بمشكله تاااااااافهه يعني

جايه بكحلها عميتها طول عمري ما يدرون عن مشاكلي وياه واليوم ما تم شي الا وقلته لهم..

ندمممممممممممممممممممممممت اني اشتكيت لهم لاني ما استفدت شي ولدي يطالع ابوي بنظره

ما اعرف اشلون اوصفها لكم وبالاخيييييييير وعقب كل الكلام اللي صار.. محلك سر.. لا حياه لمن

تنادي. ولا عنده احساااااااااااااااااس ولا نطق بكلمه لا ايه ولا لا!! وابوه اتصل يقول اشفيه صوتج

متغير قلت له سلامتك بس عندي زكااااااااام وبرد اشوي طبعا هو ما صدق وتلاقونه اللحين يضرب

اخماس ف اسداس علينا!! انا للحين ما كلمت ولدي والتزمت الصمتتتتتتتتتتتتتت القااااااااااااااااااتل

وهو بعد ما يكلمني بس لمتى بتم جذيه؟؟ اصلا بيحلاله الجو لا رقيب ولا حسيب وهذا هو اللي يبيه.

يااااااااااا ربي شسووووووووي قولولي اهج من البيت ولا اطلعه من المدرسه ويخسر مستقبله؟!

اللي يبرد القلب اشوي ان على حركاته ومشاكله شاطر فى الدراسه وكان متفوق بعد بس هالسنه

انعفس فوق تحت وقام يجيب درجات نازله اشوي حتى المدرسات يقولون انه لو يهدا ويركز اشوي

يطلع الاول ع الصف لكن للاسف الحلو ما يكمل :( دبروووووووني شوووورووووووا عليي علموني

فيه شي ولا طريقه تخليه يعقل؟؟ خااااااااطري ومنى عيني اجوفه قاعد حاله حال الاوادم والاولاد

اللي ف مثل سنه والله ابكي ع حالي لمن اجوف ام مع ولدها واشلون يحترمها ويحترم ابوه ويقدرهم

واقول ما شاء الله الله يهنيهم ف ولدهم.. والله يعيني على ولدي.. عذاب الدنيا.. واردد ف قلبي.. لا حول

ولا قوه الا بالله العلي العظيم انا لله وانا اليه راجعون وافوض امري الى الله ان الله بصير بالعباد.

دعواتكم لولدي بالهدايه والله يجزاكم الخير.