نفس ولدي بس والسبب عدم الاختلاط ماعندنا احد اللحين يتكلم كلام محدود و يردد السوال بعدين يجاوب لانه مااهتمينا فيهم من البدايه الطفل يبي له احد يسولف معه ولدي الحمد لله يغني صح و اعلمه قران و يحفظ مشاء الله بس كلامته محدود ومحصوره على الي بالبيت مثل تعالي قومي جيبي كلمي بابا هيا نروح الحديقه او الملاهي هيا ناكل بطاطس او بيتزا هذا كلامه اساله يرد السوال نفسه و بعد كم ثانيه يجاوب و لا تخافي بس يبي لك مجهود تكلميه لين تتطفشي و انتي تسولفي معه املي عقله قرقه و سوالف و الي تقول التوحد ترا التوحد معناه عدم التواصل الاجتماعي و الولد يتواصل سمعيا و بصري و كلامي يعني طبيعي مشاء الله ومافيه اي شي بس لانه شكله الاول فكان نتيجه لااخطاء كثيره من جهل الام سبحان الله مع الثاني الام تفهم الطفل زين بس الاول يكون حق تجارب ربي يحفظه لك مافيه الا العافيه اعرف ناس عيالهم وصلو خمس سنوات وست و باقي و لا كلمه و لما دخلو المدارس هذولاك متفوقين

اعطيه علكه صغيره يعلكها
وعلميه كيف ينطق الشهادتين
واي كلمه ينطقها غلط صححيها له
وحفظيه قصار السور واية الكرسي
وكل هذا سويه حبه حبه
وخليك ريلاكس معه يعني لا تعصبين عليه او تضغطين عليه

تفاحة حمراء
حبيبتي اعرضي ولدك على دكتور اطفال
لا تجاهلين وضعه مو عادي

السلام عليكم. اختي اذ ولدك من الا يلعب ع الايباد كثير وع التلفزيون كثير فهذا هو السبب تتاخرو نطق عنده من الاكترونيات عشان كذا انتي ناديه شوفيه يسمع يلتف عليك. والا اكشفي ع اذانه يمكن عنده مويا ورا الطبله وعلاجها سهل وبسيط وقريه قران كثير ف شهر يتحسن سبحان الله وان شاءالله مافيه شي لانه ينطق بعض الكلمات لو ماينطق شي ممكن وربي يشفيه ويخليه لك

اولا أييد راي الاخوات اعرضيه ع دكتور انف و اذن و حنجرة احتمال عنده مشكلة بسيطة فالسمع ما يسمع عدل فما يتنطق عدل و مرت علينا هالحالة فالعايلة ولد و لد عمي كان عنده لحمية فالاذن شالوها بعمية بسيطة حاليا عمره 20 و الحمدلله طبيعي و متفوق
وبعد بنصحك نصيحه كلمي ولدك مثل ما تكلمي اي شخص عادي بصيغة التذكير و التأنيث و بدون تكسير فالكلام و بقولج عن تجربتي مع ولدي ما شاء الله يتجاوب و يقدر يوصل معلومة و عكسه و لد اخوي باقي له كم شهر و يكمل 4 سنوات بطيء فالاستيعاب و ما يعبر عن نفسه و ناادر ما يتكلم اغلب كلامه تقليد لاخته و السبب من امه و ابوه ما يتكلمون وياه امه لاهيه عنه بالتليفونات و ابوه مشغول بدوامه و ان رجع يلعب بالتليفون او يتابع برامج و عيالهم في غرفتهم مجابلين التلفزيون
اجلسي معه و العبي معه و اسأليه و انتظري الرد منه و ساعديه فالرد لا ترضين لين ما يرد عليك
كيف حالك ؟ شو تسوي ؟ شو حاسس؟فرحان زعلان ؟تحب ماما ؟ليش تحبني ؟ و مع الوقت طولي الحوارات خليه يحكي لك عن يوم في الروضه واصحابه فالروضة المهم اشغلي وقته بالكلام