اسم الله عليه مافيه الا العفو والعافيه
ايش اللي توحد ودكتور تخاطب
اسمعي حبيبتي وقفيه قدام المرايه خليه يتكلم وهويشوف نفسه
يقولون لك الدكاتره اكثر طريقه تزين نطق الاطفال انه يوقف قدام مرايه ويسولف او تكلمي معاه وهو يشوف نفسه بالمرايه
وشربيه قهوه تطلق لسانه
وتري اللي فيه منكي انتي لانك ماحاورتيه ولا خاطبتيه وهو صغير
وبالنسبه لتبول عادي يمكن انتم تخوفونه الاطفال اللي يخوفون يتبولون لا ارادي
شوفي لايشرب ما عند النوم واذا جت الساعه 3 قوميه والصبح قوميه يروح للحمام وانتي بكرامه
مع الوقت يتحكم بنفسه
تري انا ولدي مثل ولدك دخل 8 سنين وهو يتبول على نفسه
والحمدلله راحت الان
وليدك مافيه الا العافيع لاتخافي

ان شاء الله مافيه الا العافيه لا توسسين قريبتي والله كل عياله يدخلون المدرسة تخيلي ولا تفهمين اكثر كلامهم وقسم بالله تقولين لغة ماهي عربية شي عجيب حتى يوصلون ثاني وثالث على نفس الحال ما ادري كيف ينجحون لكن الان لم كبروا صاروا عاديين ولا فيهم شي وولدك لسى صغير ما يمنع انك تعرضينه على طبيب لكن انا متاكده ان مافيه الا العافيه

انا قرأت الجمل اللي كتبتيها واللي طفلك يقولها...ماشاء الله كويسة. ليش قلقانة؟ هذا انتي قلتيها انتي عايشة مغتربة وهذا اول طفل لك طبيعي ان تكون كلماته محدودة. والطفل الثاني معروف يجي اكثر طلاقة من الاول. ولدك راح يتحسن من الروضة والمدرسة، بالاضافة الى كلامك معاه. سولفي معاه حكيه عن طفولتك او اي شي، مثلا اساليه عن رأيه في شغله، او حكيه عن ايش سويتي لما راح الروضة، اعتبريه كبير. لاتقولين مايفهم، حتى لو مافهم كملي سواليفك معاه ولاتوقفينها. لان الطفل يتعلم اللغة بالاستماع اول شي وبعدين ينطلق. وللمعلوميه الطفل يتعلم من الاطفال اللي بعمره اكثر من الوالدين. يعني لو فيه جيران أقارب حواليك اجتمعي فيهم، والروضة كمان حل. تواصلي مع استاذته في الروضة وشوفي كيف ولدك، واشرحي لها مخاوفك، صدقيني راح تطمنك وتركز عليه، ويمكن تقول لك حاجات ماكنتي متوقعتها عن ولدك، حاجات إيجابية طبعا، لان للأسف اغلب الأمهات ينظرون لاطفالهم بعين قلقة ومايلتفتون لتقدمهم.

شي طبيعي لاتشيلي هم ان شالله


ولدي كان كذا مايتكلم ويتكلم تخيلي بالاشارات فقط وكل شي يبغاه زي الاكل وغيره مخصص لكل نوع اشاره معينه بس يقول ماما ابغى ويسوي الاشاره بيده وصرت افهم عليه ولما صار عمره خمس سنوات دخلته تمهيدي عشان يطلق لسانه وصاروا ياخذوا قران ومره اتعب بتحفيظهه وجبتله جهاز يردد معاه وبعد الله بفضل القران تحسن النطق عنده كثييير وبداء ينفك لسانه وشوي شوي صار عادي طبيعي اهم شي السمع عند طفلك يكون تمام افحصيه والقصص تساعده برافو عليك ولاتنسي القران السور الصغيره اذا حقظها ورددها بتساعده باذن الله

وقفي العصيرات المعلبه. المراعي وكذا
واعطيه قهوه ثلاث اسابيع شهر بالكثير وان شاء الله يتكلم
واحذفي طيور الجنه وقنوات الاناشيد