ولدي قفل عليا باب الحمام ؟؟؟

السلام عليكم اخواتي ... اسعد الله ايامكم بالرضا والعافيه يارب

سار لي موقف قبل كم يوم لا احسد عليه بصراحه وحبيت اذكره لكم عشان تاخذو احتياطكم لمثل هالمواقف

عندي ولد عمره 3 سنوات الله يحفظه ويصلحه يارب ملقوف وشقي زي كل الاطفال اللي بعمره ومن فتره بس متعلم ينزل المفاتيح من الباب ويقفل ويفتح بالمفتاح من غير مايسكر الباب طبعامو ذكاء بس تجي معاه صدفه
وانتبهت له مره وهوا يفتح باب الشقه وبعدها سرت اشيل المفتاح عنه وشلت كل مفاتيح البيت جبت مسامير ومطرقه وحطيت فوق كل باب مفتاحه مو عشان خايفه يقفل على نفسه .. لا للاسف لانه ابدا ماجا شي زي كذا على بالي مع نه المفروض مااغفل عن هالموضوع

وكمان فيه مره شا فني قفل على ابوه واوقات اخواني الصغار لما يجوني واقول لهم انا بقفل وادخل لكم المفتاح من تحت الباب وبسم الله عليه لقط هالحركه وسار يسويها اوقات

المهم انا ذكرت هالكلام عشانه فادني كثير بالموقف .. فاللي سار معايا انه كنت انظف البيت ودخلت الحمام اكرمكم الله بحط مويا عشان امسح السيراميك اخذت المفتاح المعلق باطار الباب وفتحته ودخلت ودخل معايا الاخ وبلمحه انا اعطيته قفايا وربي يابنات بثواني بس اخذ الباب معاه وقفل عليا .:(

انا في هاللحظه كنت متماسكه وعااادي جدا ماخفت بس لما بدات استوعب انه ابوه بالدوام ومايخرج الا الساعه 3 العصر والوقت لحظتها كان تقريبا 10 ونص الصباح ارتبكت شوي فحاولت اتماسك واكلمه ياماما افتح يجلس يتكلم كلامه الغير مفهوم طبعا بس ماشاء الله يفهمني زين ياولدي افتح ويرد عليا بكل تناحه ياااربي وجا ببالي افكاااااار كان يومها حر شي مو طبيعي لا اله الا الله والحمام كتمه مررا بس مو مشكله افتح الشفاط طيب انادي على احد كيف ومين بيسمعني بهالوقت اصلا العماره اللي انا فيها شقتين بس انا فوق وجارتي تحت طيب اطالع بالشباك وانصدم بانه قزاز بالجدار على طول ماينفتح .. وتذكرت قصه سمعتها زمااان عن موقف زي كذا طفل قفل على امه وزوجها مسافر واهلها مايعرفو انها ماراحت شي زي كذا المهم ودخلت الحمام وقفل عليها وجلست كم يوم بالحمام ولمارجع زوجها حصلها ميته والولد عند الباب نفس الشي

انا وقتها بدات احس بالرعب وانهرت بصراحه ماجا ببالي انه ممكن اموت بس خفت يسير فيني شي عاد بالحمام الله المستعان ياربي

بس واحاول اضبط نفسي وارجع احاول مع ولدي ويتكلم شوي ويسكت وبعدين طفش مني وراااح :06:

الله يسامحه بس الحمدلله على طول رجع لي وتذكرت حركته لما يسحب المفتاح من الباب ويدخله من تحت وقلت له ياماما اعطيني المفتاح مو مستوعبني ادخله يدي من تحت الباب يمسكها ويضحك فكرني العب معاه

وبعد محاولات وانا مطلعت له اصابعي من تحت الباب ماحسيت الاوالمفتاح بيدي

ياااااربي لك لحمد والشكر و ر بي ماانسى شعوري لحظتا ببكي وبضحك وبحضن ولدي وهوا ياقلبي علي جلس يحضن رجولي وانا واقفه ويبوس حتى هوا كانه استوعب انه سوى مصيبه


اخواتي انا استفدت كثير من ذكر بعض الاخوات للمواقف اللي زي كذا فحبيت اذكر لكم موقفي عشان تحتاطون وتنتبهون من حركات اولادكم وجهلهم
الله يحفظهم ويصلحهم

دمتم بود وسامحوني عالاطاله :26: