ولدي للاسوء سااعدوني الله يجزيكم خير

السلام عليكم
ولدي عمره ٥سنين ونص كان في صغره طبيعي جداً وبالعكس اشوفه افضل من بناتي بسررعه يتعلم ماشاء الله ونطق من عمر طبيعي مو متذكره بالضبط لما كبر لاحظت انه ماينطق الحروف صح كون في هالعمر المفروض خلاص يتكلم بشكل طبيعي هو في ازدياااد حتى كلمة بابا ينادي هبا حتى الحرف الا ينطقه لحاله ماينطقه صح مع اني لما اكرر عليه واصحح النطق عنده ينطق الحرف لحاله بعضهم وبعض الحروف نهائي ماينطقهم لكن في كل الاحوال اثناء الكلام ماينطق عدل والكل ملاحظ وغالباً ماحد يفهم عليه بالتالي صار عنده عدم ثقه بالنفس وخجل شديد يعور قلبي 😔وبعض الكلمات يعكسهم مثلا صحن حصن تحت حتت و الناس ماتنتبه وبعضهم ماكأنهم امهات عادي يقولون له مانفهم عادي يتكلمون بشكل يضايقه ويصير حزين ويسكت حتى مايحاول يكرر الكلمه عشان تنفهم .. الا يصير متضايق ويسكت ولا يحب يكلم احد .. تطور للاسوء صار يتأتأ كثيييير يعني الا بيسمعه يمل فماحد يهتم ان يسمعه كون مخارج الحروف مو مفهومه وزياده التأتأه .. صار مايجب يروح الروضه بالغصب يروح اكثر شي غيااب يتجنب يكلم احد وانا اتعمد لما اطلع اعطيه مهام مثلاً اقوله روح اشتر روح قول ابي كذا .. هو يفرح اني اعطيه مهام لكن للاسف يستحي يتكلم وان تكلم ماحد يفهم عليه .. تعبت معاه ويعورني قلبي عليه انا اسلوبي معاه احاول اتجاهل مشكلته لا يحس ان عنده مشكله لكنه يدري ويحس ان غير الاطفال الا في عمره ..وديته مركز واخذ جلسات من غير اي فاايده الا بالعكس اشوفه للاسوء والمشكله ان جداً حسااااس حتى مع ابوه اذا مافهم عليه يقول خلاص مايحاول يكرر الكلمه ويسكت وهو حزين .. ادور على مراكز على مستوى مالقيت .. اخرته سنه عن المدرسه عشان لا تزيد حالته كونه مابيفهمون عليه بالتالي مايقدر يحفظ وغير كذا ماحد بيخاف على مشاعره ويراعيه فبيكون للاسوء وبتنعدم ثقته بنفسه اكثر .. ابي استفيد من تأخيره عن المدرسه ابي اوديه لمركز ممتاز القى نتيجه ملحوووظه .. ياااريت تساعدوني وتفيدوني لو عياده افضل بكثيير او مستشفى عشان بعد ياخذون كافة الفحوصات في اللسان والسمع .. ابي مركز مايحسسونه ان عنده مشكله يعني يكون فيه نشاطات واساليب من الترفيه والمرح بحيث تحل مشكلته وينبسط ويكون اكثر جرأه ولا يحس ان رايح للعلاج .. وين القى مركز بهالمواصفات ؟😔 هو مسكين يقولي انا المفروض اكون في المدرسه وان اذا صار في الروضه بيكونون اصغر منه وانا اقنعه باسلوبي مع ان فيه اطفال من عمره في الروضه ..ياريت تفيدوني بمستشفى او عياده متخصصه بهالشي ومجربه في الشرقيه كل واحد يعرف شي عن هالموضوع لا يبخل علي الله يعطيكم العافيه