السلام عليكم خواتي الحوائيات
اسعد الله مسائكم بكل خير يارب
خواتي عندي طفل ابو ٤ سنوات مطلع لي الشيب براسي الله يهديه طبعه جدا غريب عنيد بشكل غريب طلباته غريبه مثلا يصيح الا تنزلون لي سخانه المويا بالحمام تكرمون صياح ويحن يجلس لايام مستمر مايمل ابد اجيه باسلوب يابابا مايصير تطيح عليك هاذي خطيره فيها ماء حار ومن هالكلام لكن ابد ماكني اتكلم نهائي بتقولون لي جيبي له العاب عشان ينسى جبت له العاب الدنيا يطف شوي ويكسرهم جبت له ارانب بالبيت ابيه يتسلى فيهم لكن ابد مافي اي فايده اشياء غريبه يحب غساله ملابس مراوح يصيح الليل والنهار الا عطوني اياهم الا نزلوهم لي قسم بالله لارحت لاحد يطيرني صياح الا يبي المروحه شيلوني لها وعطوني اياها لدرجه اعتزلت الناس ماروح الا لاهلي طلباته ماينقدر عليها غير الحن اللي مايوقف ابد ويستمر لايام على نفس الشي مايستحي ابد من الغريب ولايخاف من شي ولايفرح بشي جيته بكل الاساليب مافي اي فايده عجزت اربيه عجزت اعلمه الصح من الخطا احس ماني قادره عليه اجلس اسولف وافهمه هالشي غلط وانت كبير ورجال بس نهائي مايلقي لي بال وكم مره يلعب بالولاعه وتحرقه ولايتوب ابد يعني اذا صار له شي خطر مايتوب منه ابد يرجع يسوي كذا مره ماخليت شي الا جربته معه جربت العقاب والثواب والحرمان مابقيت شي الا سويته بتقولون طلعيه مكان اطلعه يطيرنا صياح اذا شاف شي غريب يبيه ولايقول ابي البيت عشان المروحه ولا الغساله ولا شي غريب تعبت منه يابنات عطوني حل الله يفرج عليكم ويسخرلكم عيالكم يارب والله اني بهم مايعلم فيه الا ربي ارشدوني دلوني على شي من اصحى الين انام وهو فوق راسي ابي وابي وابي وصياح انحرمنا من الطلعه والجمعه مع الناس بسبته الله يهديه وللمعلوميه عنده اخت عمرها ٦ سنوات وديته الروضه طيرنا محد يعرف يتعامل معه ،،،اللي ماعندها رد ترفع الموضوع وتدعي لي الله يسعدكم
لمى راشد @lm_rashd
محررة
يلزم عليك تسجيل الدخول أولًا لكتابة تعليق.
زُمُــرٌّدٓهًْ~
•
الله يهديه لك ويصلحه حبيبتي لازم تعرضيه على اخصائيين اطفال نفسيين ويشخصو حالته
لمى راشد
•
الله يهديه لك ويصلحه حبيبتي لازم تعرضيه على اخصائيين اطفال نفسيين ويشخصو حالتهالله يهديه لك ويصلحه حبيبتي لازم تعرضيه على اخصائيين اطفال نفسيين ويشخصو حالته
امين ياعيني الله يسعدك ولك مثل مادعيتي اذا وحده تعرف اخصائي اطفال نفسي تعلمني بالقصيم الله يسعدكم
لمى راشد
•
اعرضيه على طبيب سلوك للاطفال احتمال يكون عنده توحداعرضيه على طبيب سلوك للاطفال احتمال يكون عنده توحد
ياليت اذا ماعليك اذا تعرفين طبيب بالقصيم
الصفحة الأخيرة