ولدي والخوف من النوم تكفون ساعدوني

السلام عليكم ورحمة الله وبركاته

مرحبا حوائيات
اتمنى القى عندكم حل لولدي عمره 3 و9 شهور
عقب ايام العيد والضحايا والغنم ,,
وجيراننا شارين خاروف وطول الوقت امباااااااااااااء مايسكت ابد
لما روع وهبل بولدي صار مايبي يسمع صوته
والله اني كل ذيك الايام فاتحه المكيفات والتلفزيون كله عشان صوت المزيون ولا يفيد يوصل الصوت
ومع كل ثغاء الولد يصيح والا يسود وجهه
قلنا يخلص العيد ونفتك منه ان شاء الله بس لاتطورت الحاله
صاير مو طبيعي طول الوقت خايف ولا يبي يجلس لحاله ابدا
ومايبينا نفارقه دقيقه لا
انا ولا ابوه
ولاجا يطلع ابوه يصلي لازم صياح لاتروح انا خايف اجلس عندي

والنوووووووم آه من النوم هذا لحاله حكايه
يكره طاري النوم وغرفة النوم مع اني اتركه لما ينام من نفسه باي مكان بعدين اشيله وادخله للغرفه واذا انتبه قال قومي نطلع ابجلس بالصاله :(
والمشكله انه تعبان وده ينام بس يصحي نفسه مايبي يغمض,,كله يخاف ويضيق صدره من طاري النوم

ولاقام من النوم ولا لقى ابوه يصيييييييييح وينه كلمي عليه
وانا ماييبين اغمض عيوني :(لا انتبه وانا نايمه يصيح ويصحين بصراخ قومي ياماما فتحي عيونك
ويالله افتح نص عين
والله كسر قلوبنا واتعبنا
ماينام ساعه كامله مرتاح لازم يفز ويصيح
والله وجهه صاير اصفر من قل النوم والخوف
وانا اردى منه تعبت من قل النوم
وحالتي حاله ياما نمنا بالصاله ياما بالمجلس اي مكان بس ينام به انسدح وانام معه
قرينا عليه انا وابوه وعطيته عصفر امس قلت ان شاءلله يفيد
بس ماش مازالت الحاله متأزمه
شوفو الحين بنتم شهر وحنا حالتنا مايلعلم فيها الا الله




تكفون من عنده لي حل
والله تعب الولد وحنا تعبنا معه
شرايكم نوديه لدكتور او فيه شراب ينومه
او يريحه
والله مشتته مدري وش اقول