ولدي والعناد

هههههههههههههههه تسعة شهور ويعاند بالله وش فهمه بالعناد
ي قلبي اجل وش بتسوين لوصار عمرة سنتين يأنها بتطلع الشقاااوة والعناد ع اصولها
الله يهديهم ويصلحهم يارب مدري وش فيهم ذا الجيل شقاوتهم بزيادة

اهلا اختي انا كنت بكتب موضوع طويل بس مادري وش صاير فيه المنتدى بس اول سطر تشوفينه الباقي لا تكتبين ع عمياك ،انا اللي استغربه انه يرجع لخطاه بدقايق ويناظر فيني يضحك

ضعيف صغير عقله ماكتمل مايعرف عناد ولا غيره يحسبك تلاعبينه ويرجع ثاني
لاتضربينه على كل شارده ووارده عشان مايتعود على الضرب..الله يخليه لك يارب ويرزقك بره

تسلمين يقلبي،مادري احسه يفهم لانه يجيته احينان يفك الشي اللي معاه واذا رحت رجع له

اختي الغالية
هذا مو عناد
هذا عدم ادراك
لو انه عنده الادراك والفهم اللي عندنا ما كنت انت حاضنته وانت المسئولة عنه ولك حضانته اللي تعني المسئولية التامة من الاخطار
لو عنده ادراك فهم ان الكهرب خطر
والدرج خطر
والسيارة خطر
وامور كثيرة حواليه
انت لازم ما تضربينه في هذا العمر وش خليتي لبعدين ؟
اطفالي بعمر طفلك اسكر المكان اللي فيه ثلاجة واحط القفل على شي مرتفع واللي بيستخدم المطبخ او المخزن يلاقي المفتاح وانا وراهم الين يتعودون ويصيرون يقفلونه
كل شهر يكبر ادراكه اكثر لكن لا تكسرينه بالضرب او بالضغط
وفري له الاشياء اللي تنمي مهاراته ويلعب فيها وابعدي عنه الامور الخطيرة
الان طفلك يعتبر في بداية الاكتشاف واتوقع انه يحبي صح ؟
بكره بيمشي والله يعينك بعد المشي بيصير يتسلق ويركض على الاثاث والكنب والسرير ويامالك من الاخطار حتى من الاثاث العادي مو كهرب وثلاجة اللي اصلا المفروض ما يكونون معه في مكان
نصيحتي لك خذي الامور بهدوء واستمتعي بهذا العمر
وابعديه عن الاخطار ولا تضربينه
ممكن تبدين اليوم تعلمينه الكلمات حتى لو ما نطقها بيصير يعرف معناها مع مرور الشهور
اذا سوى شي غلط قولي : غلط
واذا سوى شي حلو صفقي وقولي بطل او شاطر فلان
وشاركيه لحظاته والعابه وممكن تجيبين له كتب فيها كلمات وصور
جيبي له العاب زي السيارة الكبيرة البلاستك اللي ما فيها قطع صغيرة والعبي معه فيها
جيبي كور بلاستك مابين كور ملونه وكورة متوسطة
وجيبي صحون بلاستك ملونه واستخدميها معه في اللعب
انا كذا اسوي مع اطفالي
ترى مسئولية الطفل الرضيع شديدة ومن قال انجاب طفل امر هين
لازم يكون وقتك مقسم بينه وبين البيت
واتوقع الان انتظم نومه صح ؟ يعني بتلاقين وقت فراغ احسن من اول
لكن في نفس الوقت بيبدا العد التنازلي للمشي وتعب المشي بعده
لازم يكون عندك خطة معينة له بعد المشي وش تسكرين وش تفتحين قدامه وين تحطين الاغراض اللي مهي ضرورية واللي تنكسر
واللي ممكن يتسلقها
تبعدينه عن الاخطار وتوفرين له عندك في غرفة الجلوس العابه الامنة وتكونين هادية معه ودايم تحضنينه وتحسسينه انه طفل محبوب ومرغوب
ترى الطفل العصبي يجي من ام عصبية والطفل الهادي يجي من ام هادية
مر علي من اطفالي العصبي والقليل الصبر لكن بشوي هدوء وقت التعامل خففت من هذي الصفات
صحيح ابوهم عصبي ويخرب في دقيقة اللي ابنيه في شهور ومع ذلك ارجع احاول واحاول
انت اللي تجلسين معهم طوال اليوم وانت المؤثرة الحقيقية فيهم