الجميلة ميار :

اختي الغالية هذا مو عناد هذا عدم ادراك لو انه عنده الادراك والفهم اللي عندنا ما كنت انت حاضنته وانت المسئولة عنه ولك حضانته اللي تعني المسئولية التامة من الاخطار لو عنده ادراك فهم ان الكهرب خطر والدرج خطر والسيارة خطر وامور كثيرة حواليه انت لازم ما تضربينه في هذا العمر وش خليتي لبعدين ؟ اطفالي بعمر طفلك اسكر المكان اللي فيه ثلاجة واحط القفل على شي مرتفع واللي بيستخدم المطبخ او المخزن يلاقي المفتاح وانا وراهم الين يتعودون ويصيرون يقفلونه كل شهر يكبر ادراكه اكثر لكن لا تكسرينه بالضرب او بالضغط وفري له الاشياء اللي تنمي مهاراته ويلعب فيها وابعدي عنه الامور الخطيرة الان طفلك يعتبر في بداية الاكتشاف واتوقع انه يحبي صح ؟ بكره بيمشي والله يعينك بعد المشي بيصير يتسلق ويركض على الاثاث والكنب والسرير ويامالك من الاخطار حتى من الاثاث العادي مو كهرب وثلاجة اللي اصلا المفروض ما يكونون معه في مكان نصيحتي لك خذي الامور بهدوء واستمتعي بهذا العمر وابعديه عن الاخطار ولا تضربينه ممكن تبدين اليوم تعلمينه الكلمات حتى لو ما نطقها بيصير يعرف معناها مع مرور الشهور اذا سوى شي غلط قولي : غلط واذا سوى شي حلو صفقي وقولي بطل او شاطر فلان وشاركيه لحظاته والعابه وممكن تجيبين له كتب فيها كلمات وصور جيبي له العاب زي السيارة الكبيرة البلاستك اللي ما فيها قطع صغيرة والعبي معه فيها جيبي كور بلاستك مابين كور ملونه وكورة متوسطة وجيبي صحون بلاستك ملونه واستخدميها معه في اللعب انا كذا اسوي مع اطفالي ترى مسئولية الطفل الرضيع شديدة ومن قال انجاب طفل امر هين لازم يكون وقتك مقسم بينه وبين البيت واتوقع الان انتظم نومه صح ؟ يعني بتلاقين وقت فراغ احسن من اول لكن في نفس الوقت بيبدا العد التنازلي للمشي وتعب المشي بعده لازم يكون عندك خطة معينة له بعد المشي وش تسكرين وش تفتحين قدامه وين تحطين الاغراض اللي مهي ضرورية واللي تنكسر واللي ممكن يتسلقها تبعدينه عن الاخطار وتوفرين له عندك في غرفة الجلوس العابه الامنة وتكونين هادية معه ودايم تحضنينه وتحسسينه انه طفل محبوب ومرغوب ترى الطفل العصبي يجي من ام عصبية والطفل الهادي يجي من ام هادية مر علي من اطفالي العصبي والقليل الصبر لكن بشوي هدوء وقت التعامل خففت من هذي الصفات صحيح ابوهم عصبي ويخرب في دقيقة اللي ابنيه في شهور ومع ذلك ارجع احاول واحاول انت اللي تجلسين معهم طوال اليوم وانت المؤثرة الحقيقية فيهم

اختي الغالية هذا مو عناد هذا عدم ادراك لو انه عنده الادراك والفهم اللي عندنا ما كنت انت حاضنته...

وتظل الروح مشتاقه💗 :

يووووو يامؤلمه بذكرياتي وينك مختفيه عن المنتدى يمكن سنه ونص أخبارك 💗عساك بخير أتذكر كنتي تتعالجين عشان الحمل أو كنتي متأخره المهم الله يخلي لك ماعطاك وبالنسبه لولدك توه صغير مايعرف لاعناد ولاغيره خلي يجي عمره سنتين ثلاث بيطلع لك نخل برأسك هههه اللهم إغفر للمؤمنين والمؤمنات والمسلمين والمسلمات الأحياء منهم والأموات🥀🥀

يووووو يامؤلمه بذكرياتي وينك مختفيه عن المنتدى يمكن سنه ونص أخبارك 💗عساك بخير أتذكر كنتي...