ولدي وحساسيه حليب البقر وبدائل حليب الابل الربو

انا عندي وولدي تعبني هو عمره تقريبا سنتين ومن جاء الله يشفيه وهو متعبني معااه هو عنده حساسيه بالصدر وكل اسبوعين مضاد وبخار كل اربع ساعات واحيانا كل ست ساعات وكل يومين بالطوارئ وتنوم خمس مرات انا متابعه له بدله وماني شايفه اى تحسن كل مالها حالته تسووء وقلت خلاص مااعاد اوديه هناك وبحثت بالنت عن مركز خاص بالربو ولقيت المركز الوطني للحساسيه والربو والمناعه واخذت موعد من غير تفكير ورحنا هناك عند دحرب الهرفي رجال كبير بالعمر وهو كان يشتغل بمستشفى الملك فيصل التخصصي لمده عشرين سنه ومن مده خمس سنو ات فتح عياده خاصه فيه المهم مابقى شئ ماسال عنه شنو نوع السكن شقه بيت دور وين موقعه وشنو قريب منكم ويش ياكل المهم ماطافته لاصغيره ولاكبيره وعمل له تحاليل ولقى عنده الحساسيه عاليه جدا يعني الاطفال الي بعمره المفروض 23 ولدي 573 تخيلوااا وشكثر عاليه ولقى عنده التهاب مزمن بالجيوب الانفيه وهذا سببه الحساسيه وقف كل علاجات دله والحمدلله الحين صار لى شهر متابعه عنده شايله جهاز وماشفته وان شاء الله ماشوفه وعمل له اختبار حساسيه ولقى عنده حليب البقر والبيض والمكسرات والفول السوداني المهم قال وقفي عنه كل شئ به حليب (زبادي جبن زبده كراميل <<عاد يمووت فيه ) المهم قلت ويش اعطيه كتب له على حليب الصويا وقال لي انصحكم بحليب الخلفاات (الابل)افضل واحسن ويحارب الحساسيه وقال نلقاها عند الوطنيه للمنتجات العضويه نضيف ومعقم وانا عادابي نصيحتكم مايضره تتوقعون انصحوني انا مقفله معاااااي