ولدي وحيد واشغل له طيور الجنه مع علمي باضرارها ساعدوني

السلام عليكم
انا عمدي ولد عمره سنه ونص
ماعندي غيره
انا ساكنه بمحافضه صغيره
ماعندي اهلي ولا اهل زوجي ولا اقارب ولا جيران ابدا
ولا اي شخص
يدخل الشهر والشهر والشهر ومانشوف احد من الناس
وزوجي رافض نوديه حديقه او حضانه اطفال
فيه حضانه. رخيصه وفيها اطفال والام بكيفها تبغين تجلسين او تروحين براحتك
وداه مرتين ثم رفض يوديه
اش اسوي مع ولدي كيف اقضي اليوم
انا يشهد ربي عليه دايم العب معه واسوي معه العاب وانشطه وبرضوا طفشان ويبكي
جت فتره تعبت تعبت شغلت له طيور الجنه صار يسكت شويه مو مررره يحبها لكن اسم انه يسكت شويه
اخاف يتعلق فيها ويصير الولد توحدي ولا شي
من كثر مالولد وحيد
سافرت الشهر اللي راح لاهل زوجي مسوين عزيمه في استراحه
بغى يتجنن ولدي من الصياح والله خفت افقذه يصيح بشكل مستمر مايبغى الناس بكى كثير جلست ااربع ساعات بالاستراحه ورجعت البيت بس يصيح يصيح ويعصب يضرب راسه بالارض حاولت بكل طريقه اهديه رافض بس يصيح اول ماوصلت اابيت سكت وهجد


اللي مثل حالتي كيف تسوين مع طفلك اخاف يصير انطوائي او توحدي او شي

علما باني وديته المسشتفى اكثر من مره واسوي له تحاليل كامله مافيها اي شي يشكي منه

اغلب يومي يبكي يبكي ماحسب انه ينام عشان ارتاح من االصياح

اش اسوي ي بنات
ابوه حلف ايمان مغلضه مايوديه فخلاص غسلت يدي منه

دايم اشتري له العاب يرميها مايبغاه

ادخله المطبخ اخليه يخرب يسوي اي شي مايبغى يبكي

بالله عليكم ادعولي انقل واروح ديرتنا والله العظيم الوضع هنا لايطاق