ولدي وحيرتي الرجاء التفاعل معي

ولدي وحيرتي
ابني يبلغ من العمر 6سنوات يدرس في الصف الأول إبتدائي يلعب معي ويحبني ويسأل عني لو غبت وعن ابوه
اللغة الاستقبالية عنده 100٪التعبيرية مو مرة جيدة
بداية الموضوع يوم كان عمره سنتين ونص تأخر بالكلام وقلقنا عليه ودينه كذا مكان في الأخير سوينا له تخطيط دماغ طلع فيه شحنات وقرر يصرف له دوا ديبكاين
طبعا الولد تحسن من قبل صرف الدوا من خلال جلسات تركيز ومع الدوا زاد التحسن طبعا الدكتور قالنا ان عنده فرط حركة بسيط مع تشتت وزاد صرف لنا كبسولات اسمها ستراتيرا تحسن كثير
طبعا الولد ماشاء يحفظ قران بشكل كبير لدرجة باقي شوي ويخلص جزء عم
بدا يكتب الحروف وجيد في كتابتها مع الاستاذ
نسيت اقلكم سويت له اختبار ذكاء طلع 82
مشكلته اللي ذابحتني الآن ومحيرتني انه مايعرف يلعب مع الاولاد وده بس خايف مايفهون عليه
طبعا اذا راح عند جدته او جانا احد يفرط له السبحة حنا رحنا كذا وسوينا كذا بس لما يسألونه تبدا الربكة ومايعرف يجاوب الا اجابات محدده ويصرف نفسه بسرعه


معي يلعب ويستانس ويكلمني بس مش بطلاقة يعني احسه مو مثل اللي بعمره واحسه متضايق من هالشي
كل شي فيه تمام الان الا تواصله مع الطلاب
كاسر خاطري جدا
دعواتكم له
وابي أي وحده عندها خبرة تعلمني واسفة طولت عليكم والله محتارة