ولدي يأشر بالسقف ويقولي طلعيهم يطفشوني

يابنات انا مره خايفه على ولدي عمرو 3 سنوات و 10 شهور يعني بعد شهرين يكمل اربعه سنين بأذن الله
المهم هو نايم دحين وانا منسدحه جمبو ومشغله الاب توب
وفجأه صار يبكي بصوت عالي ودموع اقولو ايش فيك ويبكي يقولي
طلعيهم من الغرفه يطفشوني ويأشر عالسقف والله اتجمدت من الخوف
بس قويت قلبي وقلتلو حبيبي مافي شي وصرت اقراء عليه ودهنتو بزيت مقري
وقعد يبكي ويأشر بالسقف يقولي شوفيهم يطفشوني
من الفجعه مارفعت عيوني بس من كتر مايبكي رفعت عيني بشويش بس ماشفت شي :lookaroun
وصار يقولي ياماما بس يطفشوني خليهم يخرجو ويأشر فوق السرير
قسم بالله ماقدرت ابلع ريقي
اقولو حبيبي مافي شي وشلتو بطلع من غرفة النوم قالي لا تعبان بنام عشان صاحي من اول
ودحين وقت نومو ورجعت لغرفة نومي
وقلت بنفسي اشبي يمكن الولد يحلم عشان يتفرج كرتون
او ممكن عشان كان يلعب مع اولاد عمتو واولاد عمو قبل ماينام فـ صار يتخيل
وفتحت القران على اليوتيوب وصار يبكي لانو يحزن لما يسمع قران ودايمآ اذا سمع يبكي
يقولي يحزنوني ف قفلت القران
وبعدين شربتو مويه ونام وكل هالمناحه والبكا كانت مدتها نص ساعه
وهو نايم يقول عورتوني يعني يتكلم بنومو خلاني اوسوس انو في شي بالغرفه
مع العلم انا ليا 4 شهور بالبيت هذااا ... وماعمري حسيت في شي غريب بيصير معايا

ف دحين ابغى اعرف ولدي طبيعي الي سواه عشان اول مره يسوي كدا ؟؟