ولد اخويا وعلامات التوحد وحكاية غريبة

السلام عليكم
ولد اخويا كان طول الوقت على طيور الجنة
يرقص معاها ويصفق بس ما يتكلم
عمره سنتين و8 شهور
في البداية كان يقول ماما وبابا فقط
بعدين ماصار يتكلم
يحاول يتكلم بس يطلع من حلقه اصوات زي البحة

في البداية قلنا تأخر نطق
وبعدين لاحظت امه انو لما يتابع طيور الجنة ما ينتبه لاي احد
ولما تقفل القناة بكل هدوء يروح يتمشى في البيت واول ما تشغلها يرجع ويجلس قدام التلفزيون

المهم قررت انها تقفلها نهائيا وهنا اكتشفت انو مهما تنادي عليه ابدا ما يطالع فيها
ومهما صرخت عند اذنه او طبعت الباب ما يحس بحاجة ولا يلتفت
وراجعت عند دكتور اذن قال انو معاه التهاب وموية في الاذن
وبعد العلاج طاب الالتهاب
بس لسه ما ينتبه للصوت
ومن هنا بدات رحلة العذاب
كل شوي تكتشف انو مهارة تختفي منه
مرات لما اناديه يطالع عادي ويضحكلي ومرات ابدا ما يهتم ليا
يعني لو اجيب قنبله وافجرها عنده ما يحس فيها وفجاة لو اهمس له ينتبهلي
وديناه لطبيب نفسي قال اعراض توحد بس مو متأكد
هنا دوركم
ابغى مستشفيات متخصصة في التوحد
وايش هي الخطوات اللي لازم نسويها بعد اكتشافنا للمرض

ماحنا عارفين فين نروح لانو الكل يقول ماله علاج وانو المراكز ما تفيد
ارجووووووووووووووووكم يا بنات قولولي معلومات تفيدني
وارقام متخصصين وعن تجربة
وياليت تدوني ارقام مراكز في المدينة المنورة لانها قريبة من مدينتي
وجزاكم الله خير