فعلا يا اختي احنا صرنا نشغل قناة القران الكريم طول الوقت وابوه يقرا عليه كثير
مرات لما يطالع فيا وهو مبتسم نحسه انو طبيعي بس اول ما نناديه يروح ويلعب ويدور على اشياء ويكتشفها

لا ماله لعبة معينة ولا يحب الروتين يرفرف بيدينه اوقات ويضحك لوحده اوقات
يحط عينه بعيني ويبتسم لي بس ما يطول
بس يحب يلعب بكل حاجة وما يخلي ولا حاجة في مكانها الا ولازم يشوفها
يحب يخرج برا الشارع ويتمشى وماشاء الله عليه ما يتعب بسرعة مهما نخرجه ونمشيه ما يمل

الله يطمنكم عليه يارب
ويشفي جميع مرضى المسلمين

لا اله الا الله ..

امين يارب العالمين
جزاك الله خير


تعرفي يا اختي انو من يوم ما شكت فيه امه انو مايسمع صارت تهتم فيه وتحاول تعوضه وتلعب معاه اكثر شي لانها حملت بعده على طول وانشغلت عنه باخته
وبصراحة هو متحسن عن قبل يعني الاهتمام فرق وبان عليه
بس من يوم ما عرفوا امه وابوه انو توحدي انصدموا وكانهم انشلوا عن التفكير مو قادرين يستوعبوا
لانو ما قد قابلنا طفل توحدي في محيطنا ابدا ولله الحمد
عشان كذا انا حابه اساعدهم واشجعهم

ونعم بالله
انا عارفه ان ربنا هو الشافي المعافي ومستحيل أيأس من رحمة ربي
بس المدينه اللي ساكنين فيها ما فيها مراكز رعاية بالتوحدي
وقرر ابوه انو يوديه مركز في المدينة بس الوقت هو المشكلة ما حيقدر يطول فيها
عشان كذا اتمنى من الامهات اللي عندهم طفل مصاب بالتوحد تقول لي على طريقة التعامل اللي تتبعها
وبايش ابدأ
يعني باختصار ابغى الجدول اليومي تبعها
جزاك الله الف خير عالمعلومات اللي اديتيني هيا