ولله ماحدش حيندم لو دخل وقرأ رمضاااااااان جديد

ده ان شاء الله اول يوم اولا انوي صيام اول يوم رمضان
حبدأ من عند السحور ان شاء الله حنقوم بتأخره وبعدين
صلاة الفجر
اللي حينام يبقي قبل اي حاجة اول حاجة حنبدأ بها يومنا هي قراءة جزء من القران
واللي مش حينام يبقي قراءة جزء من القران وبعدين ينام شوية
ولو بتروحي الشغل يبقي ممكن قبل ما تنزلي من البيت وفي الموصلات
نبدأ من الساعة العاشرة صباحا

ترتيب المنزل بنية النظافة من الايمان واثناء الترتيب حنستخدم مسجل او الموبايل او اي حاجة عليها اول ربع من المراجعة اللي عليكي والربع المراجعة ده مهم للبيحفظ قران علشان منتلعش من رمضان نسيين

صلاة الظهر

ربع ساعة فقط من اليوم كله حتكون للنت انا شخصيا لو الموضوع ده مشي حقعد اكمله بسسسسسسسسسسسسسس

المطبخ الافضل انا تدخولي بدري خصوصا لو عندك عزومة يعني من بعد صلاة الظهر وبردوا المسجل معاكي عليه الربع المراجعة

واعملي الكل لحد ان شاء الله صلاة العصر

صلاة العصر

لو خلصتي بدري اقرأي كمان حزب قبل الفطار علشان ايام البريود مش حتقدري تقرأي وعلشان ينفع تختمي
ولو اصلا عندي البريود راجعي اكبر كم من المحفوظ حتي لو جزء عما

قبل المغرب بعشر دقايق حضري في دماغك كل الدعوات اللي انت عايزة تدعيها ومعنا اول ذكر حنقوم باحياءه وهو استغفر الله 100 قبل الافطار
الافطار وده النظام
اللي دكتورة هنادي في المنتدي ادتهولي ان شاء الله بمشي عليه
واليكي البرنامج الغذئي التالي لاسبوعين من الان

الإفطار:
كوب من الحليب + 3 تمرات

بعد الافطار بربع ساعه :
طبق سلاطه كبير مشكل
+ طبق خضار سوتيه
+ قطعة لحم كبيره أو 1/4 دجاجه أو سمكه متوسطة الحجم أو علبة تونه صغيره مصفاه من الزيت
+ طبق متوسط ارز او مكرونه(6ملاعق كبيره)أو 3/4 رغيف خبز بر


بين الافطار وصلاة العشاء :
ثمرة فاكهه + كوب زبادي قليل الدسم
او طبق متوسط مهلبية قمر الدين او الجزر والبرتقال


السحور:
====
كوب زبادي قليل الدسم
+ قطعة جبن ابيض منزوع الدسم بملعقه كبيره من الزيت والطماطم والفلفل
+ 3/4رغيف خبز اسمر + بيضه مسلوقه
أو 2ملعقه كبيره فول مدمس مضاف اليها معقة زيت كبيره + حبة فلافل
+3/4 رغيف خبز
+ خضروات ( طماطم او خيار أو فلفل او جرجير أو بقدونس او فلفل أخضر )


المسموح :
3 ثمرات الفاكهه خلال اليوم باكمله
المشي لمدة ساعه يوميا
النوم بعد الأكل بساعتان
الفاكهه أو الشاي بعد الأكل بساعه


الممنوع :
المشروبات الغازيه
الحلويات
المسليات
المسبك
العصائر الزائدة التحليه
الشيبسي
البفك
التين والبلح والعنب ( مسموح بتناول ثمرة على الأكثر يوميا أو عنقود عنب صغير)

فطارنا بالهنا والشفا الاقتراحات التالية
اختاري مسجد بعيد عن البيت وانزلي بدري بعدالفطار علي طول امشي نصف ساعة للمسجد رايحة ونصف ساعة راجعة مشي بجد مش عايزين دلع
او لو حتصلي في البيت يبقي اصلي علي طول بعد العشا علشان متكسلين وللي في البيت حنعمل تمرين البطن 50 مرة بعد الترويح علي طول او قبل وبعد وممكن تختاري اي تمارين تحبيها علي الاقل نصف ساعة
الذكر بتاعنا اسغفر الله 100 مرة بعد الترويح

بين الترويح والسحور ده وقت العناية وان حبدأ بالعناية بالشعر وحاعمل حمام زيت
زيت لوز حلو + زيت خروع + زيت سمسم يتحطوا على بعض ويسخنوا شوية على النار وتحطيهم على فروة اراس وتعملى تدليك 5 دقايق وتجيبى فوطة سخنة وتلفى بيها شعرك وسبيه ساعتين واغسليه ...بس

يعني ممكن تعمليه وتدخولي تنامي وقبل السحور تغسله

الذكر 100مرة وتحضير السحور ومننساش النوايا ولسة معايا حاجات تانية واهو كل يوم نعمل حاجة لحد اخر رمضان

الممنوعات
المسلسلات
الافلام
المسبقات
الفرجة علي التلفزيون فقط قناة الرحمة والناس والمجد قران او اي قناة دينية حرام نصوم عن الحلال ونفطر علي الحرام

جزاك الله خير

الله يجزاك خير ونظامك حلو بس انا مش ناويه امشي على نظام اكل معين
الفطور 3تمرات مع لبن وقطعة حلى
بعد التراويح شوربه وكم حبه سمبوسه مع عصير
وسلطه وان شاالله عالاقل احافظ على وزني ثابت

ماشاء الله نظامك ممتاز الله يتقبل الطاعات ويجعلك من العتقاء من النار

باركـ الله فيك أختي لؤلؤة وجعله في موازين حسناتكـ