هلا بأم وسام...
أكيد النصيب هو الي بيحدد الزواج الناجح من الفاشل بس المصيبة لما يكون الاختلاف في الدين مو بس على الجنسية

يتزوج مسلمة لأن بعشرته للأوروبية عرف قيمتها من وجهة نظري طبعا وعموما في الطلاق لما الرجل او المرأة بيعيد التجربة اكيد مش بنفس مواصفات الاولى
تتحقق مصلحة الطفل بعيشه مع المسلمة اكيد اذا كان اختيار موفق والهدف الدين
الام ماحد يحل محلها ولكن يمكن يكون في عوض او خيرة للولد يتربي في بيئة مسلمة واكرر اذا كان اختيار موفق👌
اذا كان في استقرار ما اعتقد انه بيكون عند الاطفال اضطراب هوية والاستقرار هذا يمكن يكون بانفصال الاب والام وعيش الاطفال في بيئة واحدة سواء عند الاب او الام
ليش بعض الاوروبيات يتخلون عن ابناءهم يمكن ما يبوا شي يقيدهم او تبي تشوف حياتها مع شخص اخر او يمكن بسبب الانفتاح والنسوية اللي خلتهم يفكروا بطريقة ماتشبه فطرة الام اللي تقدم نفسها على ابناءها
ان شاءالله انكون جاوبتك على كل الاسئلة 🤔

وللعلم الزواج من الاوروبيات في وقتنا هذا لا يجوز لأن من شروط الزواج من اهل الكتاب ان تكون من اهل الكتاب ومحصنة واغلبهم حاليا ملحدين وغير محصنات

من قالك الأمهات الأجنبيات يتخلون عن عيالهن الأغلبيه الساحقه منهن تراهن يكافحوا بإيديهم وسنانهم عشان تربية عيالهم وعشان حضانة عيالهم لو صار إنفصال تعلقا بعيالهم مو من أجل الماده الأمومه فطره بكل الأجناس حتى الحيوانات إحنا العرب واخدين الفكره غلط
أصلا لما يكونوا الأولاد قصر الأم تآخد كل شيئ الأولاد والبيت والنفقه والرجل يطلع صفر اليدين وفيهم إلي صار من غير مأوى ويبات بسيارته لأنه راتبه مايكفي للكراء لأنه يدفع النفقه لو ما يدفعها يسجن

فيه قصة إيطاليه كانت متزوجه بتونسي لما إنفصلوا طليقهاسرق أولاده وهرب بهم ورجع لتونس هذه الإيطاليه سافرت لتونس وهناك سرقت أولادها منه أكيد بمساعدة ناس وهربت بقوارب الموت مع الحراقه ورجعت بعيالها لإيطاليا لأنها قانونيا ما تقدر تطلعهم من تونس وتمر بالمطار إلا برخصه من الأب والقصه إنشهرت وعرضوها بالتلفزيون

أما الرجل العربي لما تروح السكره تجي العبره يتزوج الأجنبيه بالأول يصير طاير بالسماء وبعدها يتحرك المارد الشرقي إلي بداخله ويحبها تصير أجنبيه بروح عربيه وهنا تبدأ المشاكل ويحب عيله يصيروا مثل أولاد المشايخ تدينا
معادله مستحيله وبعد التجربه هذه يرجع لبنت بلده "كسكسله يرجع لأصله" أضنك فاهمه المثل نسمه

ليش الرجل ياخذ عربية مسلمة بعد مايفارق الأجنبية؟ مو شرط هذي مو قاعدة ثابتة بس اكيد تحصل، أعتقد لانه نفسه تبي شريك يفهم له ونفس العادات والدين واللغة اهم شي ياخذ راحته يعني حتى لو بلبل لغة زوجته الأجنبية بس حنين وطبع لغته الام يغلب وتشتاق وحلاة الثوب رقعته منه وفيه .

إذا كانت زوجة الاب تخاف الله فيه الولد يكون مصلحته تربية وعيشه اسلاميه بس اذا زوجة الاب موقدها من مصلحته مع امه والابو يشوفه هذي من وجهة نظري لانه يمكن بيتأذى او ينظلم مع زوجة الاب .

ايه يصير الطفل يعاني من ناحية الدين والهوية يعني ياه مسلم بس اسلام على ورق او نصراني بعد على ورق قليل اشوفك ملتزم والي ياخذ كتابية لازم دينه قوي ويعرف الشريعة وأحكام الأسرة والمجادلة بالتي هي احسن. او الي ياخذ كتابية هذي الي هاجر عشان جنسية وظروف الهجرة وبعد عندنا الأمراء والكباريه بس هذي اول وغالبا تسلم وربي وكيلها بس اسباب سياسية الزواج كذا .
في النهاية انا مانصح والكتابية مو نفس احين الاوروبيات الي تبي بس طلعات خرابيط وحرية شخصية الكتابية لها احكام