بنات متى طيب نعتبر الموقف شماتة؟
اذا انا مثلا وحدة مضايقتني وفية احداث شينة صارت بحياتها وقعدت اسولف مع اهلي عنها واقول صار لها كذا وحسبي الله عليها ومن هالحكي
هل هذا يعتبر شماتة؟؟
انا ماقلت احسن تستاهل بس اتحسب عليها لانها مأذيتني

يااارب لا تبلنا

القصص كثيرة

فيه وحده متزوجة واخت زوجها اصرت الا تزوج اخوها على زوجته وفعلا قدرت تزوجه وصارت مشاكل كثيرة وصلت لطلاق الاولى بس الاولى كانت تحب ولد عمها وابو عيالها ورفضت تتطلق او تطلع من البيت واخت الزوج اصلا متزوجة بس نحاسة حريم الله يهدي الجميع وتمر السنين واخت الزوج عندها بنت متزوجة اخته اصرت الا تزوج اخوها وفعلا زوجته والكل قال ياسبحان الله الام زوجت اخوها وتشمتت في زوجته دارت السنين وصار لبنتها نفس الشي

قصه ثانيه

عمي الله يرحمه كان جدا تعبان وتنوم بالمستشفى خمسه شهور كان بغيبوبة واولاده وبناته يوميا عنده وعمي الثاني اكبر منه وصحته كويسه بس مايقدر يزور اخوه هذا عمي الثاني الله يهديه حاط دوبه ودوب المريض واذا احد قال له في غيبوبة يقول بكره يصحى مادري ليش عياله كل يوم عنده وكل ليله يبات معاه واحد من عياله اصلا هو مرتاح من قال لكم في غيبوبة مرتاح والكل يخدمه ومنوم بالمستشفى المستشفى افضل من البيت ومات عمي اللي بغيبوبه وما مرت كم شهر الا عمي الثاني بدت عنده نفس اعراض مرض عمي المتوفي ونفس الحاله



وصحيح بنات واولاد عمي الثاني ياااما هانوا اولاد عمي الاول بانهم مقصرين مع ابوهم مع انه كلهم يخدموه بعيونهم والحين الكل يهدر على بنات عمي لان السواق هو اللي مهتم في ابوهم



الله يهدي الجميع

قصه ثالثة

هذه صديقتي انخطبت بنتها على واحد مطلق المهم فيه وحده قريبه مني اتصلت علي متشمته كيف صديقتي تعطي بنتها مطلق هو ما تزوج بس فسخ الخطبه المهم قلت له النصيب كل واحد ياخذ نصيبه اهم شي هم سعيدين مع بعض

ما مر كم شهر الا بناتها ثلاث تطلقوا بينهم اسبوع فيهم المتزوجة وفيهم المخطوبة

الله يبعد عنا الشماته

انامن كثر مو متضايقه من زوجي هو فيه كرشه كل مره اقوله خفف اكل كرشتك كبرت ..او اقوله شوف كرشتك وين وصلت

الحين صار فيني قالون وبطني كبر

بس للشي الحلو بزوجي ابد ماعيرني مو مثلي انا