طمطم...ربنا يهديكى للصالح يا حبيبتى....و مين عارف يمكن ربنا يكرمك فى الشهر الراحة ده زي ما بيحصل مع ناس كتير...

دودو...ربنا يرجع مامتك بالف سلامة و الكيكة بتاعتك تستوي و تبقى زي الفل....

جزاك الله خيرا يا انسانة و فعلا انا باستغفر على اد ما اقدر و حازود و اجتهد اكتر ان شاء الله




والله يا طمطم الموضوع لسه متجمد لحد ما زوجى العزيز يحن عليا و يوافق هو شايف ان لسه بدرى و مادام مافيش موانع نستنى فرج ربنا....... بس العمر بيجرى يا طمطم و الفرص الله اعلم بعد كده حتبقى ازاى ....... ربنا يرزقنا كلنا من عنده و يفرجها علينا يا رب




ولا حشرية ولا اى حاجة يا ستى انا لسه حاتناقش مع جوزى في الموضوع لانه لسه مش موافق و على ما يقتنع و اعرف اخد اجازة من شغلى مش قبل تلات شهور و على العموم ترتيب ربنا احسن من ترتيبنا احنا الف مرة

و نعم بالله يا غادة , وربنا يعملنا كلنا اللى فيه الخير

عندك حق يا غادة وهو دة الى خلانى افكر فى العملية العمر بيجرى واحنا مش حسين لازم تحولى تقنعى زوجك قليلة العمر بيجرى والى ينفع النهاردة مش هينفع بكرة

السلام عليكم يابنات

اخباركم ايه وحشتوني جدا

فطوم عاملة ايه

دودو ايه اخبارك

اشتقت ازيك وازي انوس عامل ايه ربنا يخليهولك يارب
نيفو هترجعي تقلقينا عليكي تاني

بقية البنات اخباركم كلكم


ويا غادة اسمعيها مني متسكتيش انا قعدت 3 سنين في اول الجواز مكنش فيه اي اسباب لمنع الحمل وبالعكس والله مكنتش اروح لدكتورة او دكتور في المدينة الي انا عايشة فيها الا ولازم يعلق على خصوبتي العالية لأن تحليلاتي كانت مثالية وتبويضي ممتاز


وفضلت ساكتة لكن بعد كده بعد الشر عنك التبويض ضعف جدا ولازم منشطات كتير وفيه احتمال كمان ربنا يعافيكي يارب يكون عندي اندوميتريوزيس لكن لسة في اولها يعني برده كنت سليمة اول الجواز

وقبل ماتنوي تعملي انابيب عليكي بالاستغفار والصدقة والدعاء وعايزة اقول لك كمان على سورة البقرة تقرأيها كل يوم

وطبعا اكيد كلكم سمعتم عن البنات الي بتقرأ البقرة وما شاء الله تحمل

انا قرأتها فترة طويلة والحمد لله ربنا بصرني بأسباب يمكن تكون هي سبب منع حملي ونفسي ارجع اقرأها تاني >>>>> هتحكي قصة حياتك قصري محدش سألك اصلا