د/دينا :

انا جيت بعد ما خسيت 6 كيلو بس لسه المشوار طويل ازيكم كلكم كلكم وحشتونى جدا جدا ومحتاجه مساعدتكم جدا طبعا زى مانتو عارفين انا عندى اندوميتريوزس والتصاقات وكنت ناويه اعمل حقن الفتره دى بس صاحبتى اللى قلتلكو عليها وطلبت منكم تدعولها وطنشتو عملت الحقن الشهر اللى فات وحصل حمل بس كيس الحمل صغير واحتمال الحمل مايكملش وربنا يعوض عليها سمعت دكتور فى التلفزيون بيقول ان اللى عندهم اندوميتريوزس لازم قبل الحقن يظبطوا البطانه المهم انا احترت دانا عاوزه اخس وحبوب منع الحمل فى اغلب الحالات بتخن _انا بتخن من الماى_ والبطانه اللى عندى كل الدكاتره اللى روحتلهم قالو مالهاش علاج قلت اسأل اعمل ايه واروح لمين المشكله الحقيقيه ان زوجى مابيحاولش يفكر معايا خالص ولا فى حد بيساعدنى الا النت وانتو بحثت فى الموضوع ده ومفيش حاجه بتوضح اى حاجه بصراحه اتخنقت وده اللى بعدنى الفتره اللى فاتت الحيره والفكر واسفه طولت عليكو

انا جيت بعد ما خسيت 6 كيلو بس لسه المشوار طويل ازيكم كلكم كلكم وحشتونى جدا جدا ومحتاجه مساعدتكم...

ام انس 2006 :

السلام عليكم يابنات اخباركم ايه وحشتوني جدا فطوم عاملة ايه دودو ايه اخبارك اشتقت ازيك وازي انوس عامل ايه ربنا يخليهولك يارب نيفو هترجعي تقلقينا عليكي تاني بقية البنات اخباركم كلكم ويا غادة اسمعيها مني متسكتيش انا قعدت 3 سنين في اول الجواز مكنش فيه اي اسباب لمنع الحمل وبالعكس والله مكنتش اروح لدكتورة او دكتور في المدينة الي انا عايشة فيها الا ولازم يعلق على خصوبتي العالية لأن تحليلاتي كانت مثالية وتبويضي ممتاز وفضلت ساكتة لكن بعد كده بعد الشر عنك التبويض ضعف جدا ولازم منشطات كتير وفيه احتمال كمان ربنا يعافيكي يارب يكون عندي اندوميتريوزيس لكن لسة في اولها يعني برده كنت سليمة اول الجواز وقبل ماتنوي تعملي انابيب عليكي بالاستغفار والصدقة والدعاء وعايزة اقول لك كمان على سورة البقرة تقرأيها كل يوم وطبعا اكيد كلكم سمعتم عن البنات الي بتقرأ البقرة وما شاء الله تحمل انا قرأتها فترة طويلة والحمد لله ربنا بصرني بأسباب يمكن تكون هي سبب منع حملي ونفسي ارجع اقرأها تاني >>>>> هتحكي قصة حياتك قصري محدش سألك اصلا

السلام عليكم يابنات اخباركم ايه وحشتوني جدا فطوم عاملة ايه دودو ايه اخبارك اشتقت ازيك...