طيب ماتيجو يابنات نتفق على حاجة معينة نعملها كل يوم بس نواظب عليها

تعالوا نقرأ ورد يومى من القرآن ونعين بعض عليه
واللى تقصر تدخل وتعترف انها مقصرة

ونتفق يوميا على ساعة معينة نصحى فيها بالليل ونصلى كلنا قيام حتى ولو ركعتين
وندعى ربنا كلنا فى وقت واحد يبقى اسمنا بنعين بعض على طاعة وفى نفس الوقت
هى وسيلة نتبعها كلنا عشان ربنا ينظر لنا ويستجيب دعائنا

وتعالوا كمان نعمل روشتة علاج واحدة لينا كلنا

مثلا نداوم على شرب البردقوش وحبة البركة ونجرب التلبينة
ودى كلها علاجات اوصى بها الرسول
ويبقى بكده التزمنا بالقران والسنة فى علاجنا

وان شاءالله ربنا مش هيخذلنا

وانا حاسة لو عملنا كده والتزمنا شهرين تلاتة على كده
اننا كل ماهنيجى ندخل التجمع بتاعنا ده
هنلاقى خبر حلو لكل واحدة مننا

ونفتح بقى تجمع تانى فى قسم الحوامل ان شاء الله

انا معاكى يا بوبا وموفقة على اقتراحك الجميل دة

بوبا يا حبيبة قلبى...كل الوش ده و لسه سنه و شهرين زواج..بالراحة على نفسك يا بنتى القلق اللى انتى عايشة فيه ده...
اقري كويس يا حبيبتى و جمعى أوراقك و رتبى أفكارك....علشان تحددي انتى عملتى ايه و ناقصك ايه...و تابعى مع دكتور واحد تكونى واثقة من كفاءته....و طالما يا حبيبتى بعتى تحاليلك لدكتور عادل...يبقى رايي انك ترتاحى شوية و تستنى تشوفى هو هيقولك ايه....إما يطلب الحاجات اللى ناقصة...يا إما يكون ما أرسلتيه كافى انه يعملك خطة علاج تكسبى بيها وقت....و ان شاء الله ربنا هيقدم اللى فيه الخير...

و متشغليش بالك بقى بكل الكلام اللى فات عن الأكياس لحد ما كوكر تقولك على حد كويس تعملى عنده سونار...وممكن يا حبيبتى تاخدي التقرير و تبعتيه لدكتور عادل و هو ان شاء الله هيفيدك..

و بالنسبة لكلامى عن الاكياس و البويضات فركزي و النبى يا بوبا...انا قلتلك فيه اختيارين...او عملنا السونار بعد فترة التبويض و لقينا الجراب بتاع البويضة شكله متعرج يبقى كده اللى كان الدكتور بيقيسه قبلها ده فعلا بويضة و خرجت ..و اللى بيتبقى ده هو الجسم الاصفر اللى غما بيفضل فى الجسم لو حصل حمل او بينزل مع البريود لو محصلش...و لو عملنا سونار بعد البريود و ملقبناش حاجة يبقى مفيش أكياس و لا غيره...أما لو لقينا فبيبقى ده كيس و لازم يتعالج....علشان كده الفيصل مع الطبيب لو شك ان فيه كيس انه يعملك سونار بعد البريود مباشرة علشان يتأكد ...و يارب ما يلاقوا عندك لا اكياس و لا غيره...و يبقى كله تمام

و بالنسبة للتحاليل اللى بتدل على التكيس هى ال fsh, LH و بيتعملوا فى اليوم التانى او التالت او الرابع للبريود....و الافضل ان مفيش رقم منهم يزيد عن 10...و علشان نقول ان مفيش تكيس يبقى لازم ال Fsh يكون ضعف ال LH أو قريب من النسبة ديه ...ده الكلام اللى اكدهولى طبيبى...يعنى الخلاصة ان بيبان التكيس لما ال LH بيبقى عالى..و زي ما قلتلك طالما بيتناسب عكسيا مع البروجسترون...يبقى لما البروجسترون يعلى عندك فغالبا ال Lh هيكون قليل مما يعنى ضمنيا ان مفيس تكيس...و ده حصل معايا انا شخصيا ان الدكتور لما شاف تحاليلى لقى اا LH ضعف ال Fsh و البوجسترون قليل...و لما خلانى أعيد التحاليل بعد ما خدت الادوية طلب منى انى أعيد البروجسترون و البرولاكتين بس...و لما لقى البروجسترون على قالى انتى كده بقيتى تمام و هاديكى مهلة شهر علشان تنزلى وزنك... لكن برضه للامان ناقشى طبيبك فى النقطة ديه و اساليه هل تكتفى بالبروجسترون و لا لازم تعملى التحاليل ديه.؟

و اقتراحك يا حبيبتى تمام...بس انا هامشى معاكم فى الجزء الإيمانى لأنه فعلا ليه دور كبير ان مكنش فى علاجنا فعلى الاقل فى تقربنا لربنا و و ادخال السكينه لقلوبنا...

أما بالنسبة للحاجات الطبيعية فتوبة....لانها بتوجعلى بطنى و تخلينى طول الوقت حاسة بحالة من الغثيان

صحيح...مبروك يا أم فستوكى على شهادة التقدير....و عقبال الوزارة...أيوه كده ارفعى راسنا على طووووووووووووووول