كوبونات الراقية تسجيل الدخول

فاطمة الزهراء912
فاطمة الزهراء912 •
الف مليون مبروك يا رمال والله تستهلى الف شهادة تقدير
:icon28::icon28::icon28:
رمـــــال
رمـــــال •
boba boba boba boba :
اشتقت اليك ايه اخبارك ياقمر شوفى ياستى انا اصلا هنا عاملة زى العامية ولا عارفة حاجة ولا مستقرة على شئ يعنى ناس تقول المستشفى الفلانى احسن حاجة وناس تانية تقولى لا ايه اللى وداكى هناك روحى للدكتور فلان وهكذا انا عملت تحاليل الهرمونات كلها وده كان فى شهر 9 اللى فات والحمد لله مكانش فيه غير هرمون الغدة الدرقية اللى فيه زيادة بسيطة بس الدكتور ادانى علاج اسمه التروكسين 50ملى والحمد لله حللت بعدها للغدة وطلعت النسبة كويسة وبقيت الهرمونات الحمد لله والبروجيسترون فى شهر 9 كان 37.5 ومرة تانية عملت البروجيسترون وكنت واخدة كلوميد وابرة تفجيرية وكان 62.9 وفى دكتور قالى ان النسبة دى معناها مفيش تكيس بس خلينى اسألك يا اشتقت انا اول مرة عملت سونار الدكتورة بتاعة السونار قالتلى البويضة حجمها 32 اتنين وتلاتين وكانت مستغربة قوىوده كان فى اليوم ال13 والبويضة دى كانت فى المبيض الشمال وقالتلى عندك كيس على اليمين والبريود نزلت بعدها ب 15 يوم يعنى معنى كده ان البويضة خرجت بعد السونار بيوم ومرة تانية عملت السونار بس كان بعد ميعاد التبويض رحت فى اليوم ال 15 وكان تبويضى تقريبا وقتها فى اليوم ال13 والدكتورة قالتلى مفيش بويضات خالص وانا توقعت ان البويضات تكون خرجت ودى الدكتورة اللى قالتلى فى تكيس وفيه كيس بس على اليمين والسونارين كانوا فى مكانين مختلفين والفرق بينهم تقريبا 3 او 4 شهور واخر مرة دى كنت واخدة كلوميد والدكتور قالى تكيس بسيط بس ماجابش سيرة الاكياس كان مركز قوى فى البيويضات وقالى الاكياس مش بتبان بالسونار المهبلى اما بقى ياستى الدكتور اللى انا بتابع عنده بيقولى انه حتى لو كيس وحجمه سنتىواحد او اتنين سنتى بنتجاهله لانه فى بعض الاحيان بيروح لوحده مع ان دكتور عادل لما كلمته قالى لو حتى نص سنتى ماينفعش نتجاهله بس قوليلى يا اشتقت ايه التحاليل اللى بتبين اذا فيه اندومتريوزيس ولا لا وعلى فكرة انا مش واقفة فى مكانى ولا حاجة ومش بتجاهل رأى الاطباء بس زى ماتقولى كده ثقتى فى ربنا مخليانى بقول يا اما النتايج دى مشكوك فى امرها يا اما حتى لو هى صح فممكن تيجى علىاهون سبب وربنا يرزقنى برضه
اشتقت اليك ايه اخبارك ياقمر شوفى ياستى انا اصلا هنا عاملة زى العامية ولا عارفة حاجة ولا مستقرة...

السلام عليكم ورحمه الله وبركاته

بوبا حبيبتى .. بصى يا بوبى انا تهت وسط الكلام الكتييييير والاشعات والفحوصات اللى انتى عملتيها لانها كلها بتتعارض مع بعضها تقريبا ومفيش حاجه واحده بتأكد حاجه تانيه لا كلها متضاربه بشكل مخلينى مش عارفه ارد عليكى فى ايه ولا ايه .. ولما بوصل انا شخصيا للمرحله دى انا بثبت مكان واحد ودكتور واحد اعمل معاه كل حاجه علشان تبقى كل حاجه بتشرح التانيه فاهمانى وعلشان المسائل يكون ليها تفسير منطقى اكتر من كده

اولا بالنسبه للكيس اللى شفتيه اهه الاخوات ماشاء الله ام انس واشتقت اليك وفوا وكفوا ياريت تكونى قريتى الكلام بعنايه لانه كلام مظبوط جدااا وصح وانا شخصيا كنت بشوف الكيس المعووج ده احيانا فى السونار بتاعى بعد خروج البويضه

وبالنسبه للالتهابات تقدرى تقولى عليا بقى معايا دكتوراه فيها :rolleyes: لانى قعدت بتاع 6 او 7 شهور اعانى منها معاناه غير طبيعيه وفضلت وراها لحد ما خفيت منها بنسبه 80 % فا اى سؤال فى النقطه دى انا تحت امرك يا عيونى .. بس عايزة اقول لك انتى حاسه بأى اعراض للالتهابات دى ولا تخمينات منك يعنى ؟ وبعدين الانبوب اللى مسدود ده ليه مليون سبب علشان يتسد مش بالضرورة الالتهابات هى السبب خصوصا انك بتقولى مش جتلك اعراض التهابات بالشكل الفظيع يعنى وكمان الدكتورة لما اخدت عينه من المهبل وعنق الرحم مكانش فيها حاجه.. وعايزة اقول لك ان لو كان سبب الانسداد هو الالتهابات كان زمانك حسيتى بيها فى عنق الرحم وفى الرحم وكنتى حسيتى بوجع جامد جدا قبل ما توصل للانابيب يا قلبى .. يعنى بإختصار انا بستبعد قصه الالتهابات انها تكون سبب فى انسداد الانبوب .. ومش عايزاكى تتوهمى ولا توهمى عقلك انها الالتهابات..اتفقنا؟

وانا معاكى انك لو هتعيدى الاشعه يبقى تعيديها فى مصر افضل لانى بصراحه عندى حاله من انعدام الثقه فى الطب بره مصر خصوصا فى دول الخليج وكفايه اللى حصل لك فى الاشعه دى مفيش داعى لتكرار الالم وكمان ما تطلعيش بنتيجه موثوق فيها صح ولا لا .. فا اى حاجه تسمعيها وتستغربيها من الدكاترة هناك فوتيها لحد ما ترجعى مصر (مع احترامى لجمع اطباء الخليج طبعا :cool: ).. فا انسى كده قصه اشعه الصبغه تانى وسيبى النقطه دى لحد ما تنزلى مصر ودكتور عادل ساعتها يبقى يحكم بنفسه ان كان لابد تعيديها ولا لا وان كانت الاشعه دى مظبوطه ولا لا .. وانا عندى احساس ان كل اللخبطه اللى انتى فيها دى هتصفصف على حاجه بسيطه جدا وتتعالج بسرعه بأمر الله ماتقلقيش خالص

بالنسبه لقصه الخلطات فا انا ليا فيها قول .. انا مبقتنعش بأى من الخلطات اللى بيكتبوها البنات فى المنتدى هنا .. مع انى كنت بشجعها جدا فى البدايه وكانت اول مرة اشوف بنات بيشكروا فيها وانها جابت معاهم نتيجه ومش عارف ايه واكتشفت بعد كده ان كل ده وهم ولما بقيت اقرأ اكتر فى المنتدى لقيت ناس اخدوا اعشاب عن جهل وللأسف بوظت لهم الدنيا ودخلوا فى المنتدى وحذروا من الخلطات لكن للاسف ناس كتير مقتنعين بيها .. فا بعدت خالص وحمدت ربنا انى ما عكتش .. وقلت لنفسى خلينى فى اللى اعرفه احسن انا مش ناقصه بوظان كفايه اللى احنا فيه فا بلاش اجازف واخد حاجه معرفش نتيجتها معايا هتكون ايه .. برغم ان الاعشاب فى حد ذاتها علاج آمن وانا مش بنكر ده لكن خلط الاعشاب على بعضها هو اللى مش صح طبيا .. وكمان مش بفضل انى اخد اعشاب وخلطات من دماغى لانى مش خبيرة فيها .. طبعا انا بستثنى من كلامى ده العسل الابيض وحبه البركه وحاجه كمان هى عين الجمل ودول لانها حاجات لو اخدتيها مش هتأثر عليكى بالسلب ابداااااا
واعتقد ان الخليجيات بيلجأوا يا عينى للخلطات دى لانهم مش لاقيين اطباء كويسين يحلوا لهم مشاكلهم الصحيه فا بيدوروا على اى قشايه يتعلقوا بيها والقشايه دى هى الخلطات والتمريخ وخلافه علشان كده تلاقى عندك فى الكويت موضوع الخلطات ليه شعبيه جامده بس كله بيكون وهم حقيقى .. ولو نويتى تاخدى خلطات يبقى ارجوكى ليا طلب عندك .. اعملى سيرش عليها فى الانترنت الاول وعلى مكوناتها وايه اثارها وايه مميزاتها واعرفى الاول قبل ما تاخديها

بالنسبه للتحاليل اللى المفروض تعمليها اشتقت اليك حبيبه قلبى ردت عليكى بكللللل حاجه ضروريه تعمليها يا بوبا انا شايفه انك عملتى تحليلين بس همه الغدة الدرقيه وتحليل البروجيستيرون طيب فين باقى التحاليل اللى قالت لك عليها اشتقت اليك ؟؟ ال( ال اتس )و ال( اف اس اتش) و(البرولاكتين) .. (وخلى بالك ان الاتنين الاولانيين همه اللى بيبينوا التكيس) وبعدين لاحظى حاجه مهمه جدااا ان التحليل الواحد بيختلف من شهر لشهر يا امى يعنى ما تعتمديش على نتايج تحاليل انتى عملتيها من فتره فاتت لا لازم تتابعى اول بأول التطور بتاع هرموناتك من خلال التحاليل دى .. وفى معلومه بخصوص الاندومتريوزيس هى ان المرض ده مش بيبان من اى تحاليل لا ده بيبان بالمنظار وده انا سمعته اكتر من مرة من دكتور عادل فى البرنامج بتاعه وبرده انتى ممكن تتأكدى منه شخصيا ..

وبعدين قصه السونار والبويضات دى لخبطتنى خالص يا حبيبتى واعتقد انها عامله لك ربكه لانها كل مرة بشكل وكل مرة فى مكان وكل مرة مع دكتور شكل وده مش صح خالص ..

بصى بقه انا لو مكانك هقول تبتدى من جديد الكام شهر اللى فاضلين لك دول قبل ما تنزلى مصر واول حاجه تعمليها انك تستخيرى على اى مكان هتروحى له واى دكتور هتروحى تتابعى معاه وتسألى كويس على دكتور شاطر وان شاء الله ربنا هيسخر لك احسن دكتور علشان تتابعى معاه ..
تانى حاجه هى انك ترمى اللخبطه دى ورا ضهرك وتقولى له انك مش عارفه عندك ايه وعايزة تبتدى معاه وتعملى معاه كل حاجه علشان تعرفى راسك من رجلك وعلشان ترتاحى من لخبطه السونار دى وتبدأى معاه بالتحاليل وبعدين متابعه التبويض وتشوفى فى النهايه ايه رأيه وبعدين لما نشوف ايه رأيه نحدد على اساسه هنعمل ايه خلاص ؟ وفى نفس الوقت ده لما تسمعى رد الدكتور اللى عندك تعرضيه على دكتور عادل وتعرضى عليه كمان نتايج التحاليل علشان يقللك ان كان الطبيب ده كلامه مظبوط ولا لا ولو كلام عادل بيوثق كلام الدكتور اللى عندك يبقى خلاص امشى مع اللى عندك لحد ما تنزلى مصر
المهم انه يكون كويس علشان مش يبوظ لك حاجه لا احنا عايزين نتابع مع حد كويس علشان يوفر عليكى الحاجات اللى هتعمليها فى مصر خصوصا ان وقتك هنا قليل وكمان ممكن يديكى علاج يوفر المشوار على دكتور عادل وتبقى كده كسبتى وقت فى العلاج الصح وانتى عندك
انا طبعا رغيت اكتر من اللازم بس معلش انا حاسه بالدوخه اللى انتى فيها دى وكان لازم نفكر سوا هنعمل ايه :33:
kokar_2001
kokar_2001 •
صباح الخير يا بنات

معلش انا داخلة بسرعة عشان حاسة انى عاوزة انام بس انا داخلة ارد على بوبا

بصى يا ست البنات انا مش فاكرة اسم الدكتور بس هو موجود فى بوحمرة كلينك اللى موجود على الدايرى الرابع و تروحيلو تمشى فى الشارع اللى فيه جعيتا كأنك رايحة على الدايرى الرابع و قبل ما توصلى للدايرى فى شارع على اليمين مش ممهد تخشى فيه المركز على ايدك اليمين و هو فى السرداب

راجل محترم و مصرى و اللى قالتلى عليه دكتورة بتاعة المستوصف الحكومى اللى جنب سلطان بس انا بصراحة مش فاكرة اسمه و هو بياخد من المصريين تقريبا 7 دينار بدل من 10 دينار

ربنا معاكى يا حبيبتى
و اذا على التحليل ممكن تروحى المركز الصحى اللى انتى تبعو و تعملى التحليل دى انا عملتها فى معمل دار الشفا كلفتنى 25 دينار لكن فى المركز الصحى الحكومى ممكن تتكلف النص بس فيهم عيب انك بتاخدى النتيجة بعد شهر و من عند دكتورة المركز يعنى لازم تروحى للدكتورة الاول و هى تحولك تعملى التحليل
و ان شاء الله النتيجة تكون كويسةو تطلعى ذى الفل

و على فكرة انا مرة تطلعلى كيس من التنشيط بس راح فى نفس الشهر لان الدكتور كتبلى على حبوب منع الحمل لمد 15 يوم فمشتو الحمد لله و مرجعش تانى

و اى حاجة انا فى خدمتك بجد و متتردديش انك تطلبى منى اى حاجة احنا اخوات و فى غربة و لازم نسند بعض


رمال انا مش فاهمة موضوع النيشان اللى اخدتيه لكن لاقيه البنات بتهنيكى فعموما مبروك و انتى تستهلى بجد لانك دايما موجودة و معانا و ربنا يكرمك و يرزقك ساعة سهلة يا رب


يا بنات معلش انا بنام على روحى دلوقتى و لما اصحى حدخل تانى
بحبكم جميعا
رمـــــال
رمـــــال •
نيشان ايه يا كوكر البنات بتهرج اساسا ... ولا نيشان ولا حاجه مفيش ولا حتى عصايه مقشه ...
فاطمة الزهراء912
فاطمة الزهراء912 •
رمـــــال رمـــــال :
نيشان ايه يا كوكر البنات بتهرج اساسا ... ولا نيشان ولا حاجه مفيش ولا حتى عصايه مقشه ...
نيشان ايه يا كوكر البنات بتهرج اساسا ... ولا نيشان ولا حاجه مفيش ولا حتى عصايه مقشه ...
دى يا كوكر شهادة التقدير بتاعة رمال