بصو أنا نفسى اكبر دماغى و مسالش جوزى حلل و لا لأ اعمل ايع و انا مش بعرف اتحكم فى نفسى؟؟
و انا يا نيفو جبت اجلهم ماشى الكلام و احسنلك تبطلى لحسن اروح للدكتور بتاعك و يروح منك فى شربة مية و تحتاسى متعرفيش تعملى ايه :30:
و أنا كمان عملت التحليل بتاع lh fsh
بس من سنة كده , بس جريت ابص عليه يا شيمو برده , و شكرا ليكى يا حبيبتى:icon28:
أنا بحب ازغرط كتير ديما كده مع نفسى

:42:ها ها ها ها العيد فرحة يا سلام و اجمل فرحة يا سلام غنو معايا اولو كتر يا رب افرحنا و اطرح فيها البركة و ذيد
اصل انا لقين نفسى لوحدى قلت اخد راحتى و اهبل شويتين

يا ربى عليكوا....يعنى تحبوا أحلفلكم على الميه تجمد انى و لا مكتئبة ولا حاجة....و لا تحبوا أتحزم و ارقص...
يا جماعة و الله انا فى قمة الروقان...والافكار السيئة ديه لما بتيجى و الله ما بتستغرق دقايق و بعدين بتعدي...بس هو انا كده لما باتكلم جد بتحسوا انى كئيبة....و بصراحة بقى بيوجعنى لما باقعد أضحك طول اليوم....

و احلفلكم بايه انى باكون فى احسن حالاتى لما باتحسب للأسو لأنى ساعتها بافرح بأقل حاجة زي العيل الصغير ....يمكن المثال اللى قلتهولكم صعب و كئيب...معلش انا آسفة و الله...هأقولكم مثل تانى زي الطالب اللى داخل امتحان و عينه على الفول مارك ...لو نقص درجة يبقى فى قمة الاكتئاب...لكن لو تحسب و عرف ان الخطأ وارد هيفرح لو حتى نقص درجتين تلاتة.....يا ريت تفهموا بقى و متتخنوش مخكوا...

وعلى فكرة أنا كلى نشاط و مستنية ميعاد الدكتور بفارغ الصبر...لانى اللى بيضايقنى انى أكون زي الاطرش فى الزفة...(و لوان جوزي بيقولى ده مفيش أحسن من كده...جد يطول يبقى عبيط)...يعنى واحد يقولك تبويضك كويس و هتحتاجى ابرة تفجيرية من غير منشط....ييجى التانى يقولك لا هتحتاجى تنشيط من غير ابر تفجيرية...واحد يقولك لازم علاج للبرولاكتين حتى لو مش عالى....و التانى يقولك دهحسب النفساوية و لا أؤيد أي علاج حتى لو بقيتى شبه علبة اللبن....

و بعدين انتى بالتحديد يا شيمولاتا متاخديهاش حلوانة فى سلوانة و تتحججى بيا علشان تكتئبى...انا اهه أنس بيخلينى أغنى العنب العنب...و آخر إجرام....يعنى لو كشرتى من هنا للأسبوع الجاي هاجيب الفنكة الكبيرة من رمال.....

و عايزة أقولكم على حاجة و الله فعلا و انا قاعدة فى عيادة الدكتور ساعات بتصعب عليا نفسى و اتضايق...لكن سرعان ما تتغير الحالة ديه بسبب جوزي و أنس اللى و الله بيبقى عامل زي الأراجوز فى العيادة و فى الآخر بندخل عند الدكتور و احنا مش قادرين نمسك نفسنا من الضحك......

يعنى الصورة مش دراما أوي ....و الحمد لله راضييييييييييين و مبسوطييييييييين و الأسعار رخييييييييصة و المرتب بيكفىىىىىى على رأي عادل إمام

يا ستى و لا يهمك و لا تتعصبى كده هوا انا بتغاظ برده لما حد يقوللى عندك اكتئاب , بس انا فعلا فهماكى و سيبك من كلام الاكتئاب ده
انا فعلا مش بقتنع بكلام الدكاترة خالص
:icon28:

أما انتى يا أم جوجو....فقريت انه لما يمتنع الزوج عن الجماع مده طويلة، ففى التحليل بيكون عدد الحيوانات المنوية أكبر لكن جودتها أقل و حركتها أسوأ....

فنصيحتى ليكى انكوا تفوتوا المرة ديه...و المرة الجاية يمتنع 3 أيام و يحلل فى الرابع...وياريت تطلبى ده منه بأسلوب لطيف لان الرجالة بيبقوا حساسين أوي تجاه الموضوع ده و بيبقوا على أعصابهم ليكون تحليلهم فيه حاجة... ويا ريت تفكريه باسلوب لطيف ان انتوا مش فى سبق و هتشوفوا العيب من مين بقدر ما انتوا عايزين حاجة غالية أوي و لازم فى سبيلها تطرقوا كل الأبواب...يعنى تحسسيه انه رايح يعمل مهمة قومية...مش مهم ينجح و لا يفشل...المهم انه يعملها...:)

و عدين ان شاء الله لما اروح للدكتور هاسأله على مدة صلاحية التحاليل...وانه يفضا إعادتها بعد أد ايه...وأكيد هاجى أقولكم على طول....