لا سيبك من موضوع التحليل ده خلاص مش مهم اللى يحصل يحصل , هوا زعل خلاص و انا مش مستعدة اضايق نفسى على التحليل انا بسال اروح للدكتور بتاعك و لا مركز جنين و اتوكل على الله فى التلقيح الصناعى؟؟؟؟؟؟؟؟؟؟؟؟؟؟؟؟؟؟؟؟؟

انتى عارفة ان فيه دكتور كان مصر يدينى مهدأ و جوزى مقتنع تماما, بس انا مرضيتش , و خدت دوا ينزل البرولاكتين هوا مكنش عالى اوى بس يعنى 19

لا يا حبيبتى...التحليل بتاعه مهم جدا...و هاقولك ليه...لان لو لا قدر الله فيه حاجة ساعتها اي حاجة هتتعمل مش هيبقى مكتوب ليها الفشل..و بعدين يا بنتى ده هما غيرنا هو تحليل واحد و بيعرفوا منه كل حاجة....و لو اتاكدنا ان تحليله سليم يبقى بنقفل على الناحية ديه تماما و ساعتها بيبحثوا معاكى انتى عن الاسباب...

أمانة عليكى تصالحيه و تراضيه ...بجد يا بنتى بيبقوا حساسين أوي تجاه المواضيع ديه زي العيال الصغيرة...

و بعدين أنا فعلا كان عندي نفس سؤالك....دكتور عادل و لا دكتور حسام اللى فى جنين....مين فيهم أشطر و أكثر تخصصا فى مجال تأخر الإنجاب؟...أكيد السؤال ده فيه حد من الأخوات هيفيدنا فيه...

بس أنا مبدئيا مرتاحة أكتر لدكتور عادل...لانى مستتقلة أوي موضوع انى أروح لمركز متخصص فى العقم و غيره دلوقتى...انا لسه مكملتش سنه منذ تركت المانع...عموما لو حد عنده فكره عن النظام فى مركز جنين للى لسه هيروح يستكشف عنده ايه يبقى يقولنا...

و نصيحتى ليكى...متفكريش فى تلقيح و لا غيره قبل ما تخلصى كل التحاليل و الأشعات و منهم تحليل جوزك...

ما احنا عملناه من سنة و نص كده و مكنش وحش يعنى شغال , و بعدين رحت لدكتور ابو الغار قاللى يعنى ممكن تلقيح صناعى يزود الفرصة بس الكلام ده من 6 شهور
و بعدين انا بحايل فيه كل شوية يروح يطنش (هوا مستغلس الموضوع )