nmnm21
والله بابا يقول انه مدح في زوجته كثير وقاله ان زواج الثاني مش انتقاص من قدرها ولا لعيب فيها وانها غالية عنده كثير ،،،وهذا اللي جنني اكثر اذا هو يعز زوجته ليش يتزوج عليها ؟؟؟؟ وماما تقول لي اكيد فيه شئ ناقصه لكن لانه شهم ونبيل ما يتكلم في نقائص ام عياله وجلست تقنعني انها من شيم المروءة والمرجلة ان الزوج يحافظ ع اسرار زوجته ؟؟؟ انتي اش رايك يا nmnm21 ؟؟؟؟؟؟؟؟
_____________________________________________________

عصير الخوخ ،، حبيبتي انا اعرف الرجل من محيط العمل عمري ما سمعته عنه الا كل خير احيانا نكون في اجتماع ويقوم هو يأم الرجال في الصلاة،، واي انسان يحتاج مساعدة يفزع معاه وما يرده خايب وشكله مقبول كثير،، وتجيه مضايقات من البنات اللي مش كويسات وعمره ما يلتفت لهم تعرفي لو كان عمل غلطة وحدة وهو له فوق 15 سنة يشتغل في هذاك المكان كان طلع عليه طراطيش كلام لكن الرجل قمة في الاحترام ويخاف من رب العالمين كثير ،، وهذا اللي محيرني أن الرجال كل شئ فيه فوق الخيال بس متزوووووج ،، وانا باستخير وبعمل بنصيحتك يالغالية ومحتاجة دعواتك ،،،
_____________________________________________________

لحظه فرح ،، عزيزتي شكرا ع مرورك وبعدين ارضاء الناس غاية لا تدرك كل وحدة عندها ظروفها اللي تشكل تفكيرها ومنهجها في الحياة ،،، لازم نتقبل الرأى الآخر حتى لو كان ضد رغباتنا ،، ومشكورة حبيبتي ع تفاعلك وحماستك وقلبك الكبير ،،،،
_____________________________________________________

اذا تبين تعيشين براحة بال وانتي ثانية اول ثلاثة شهور ابتعدى عن الناس يعنى انغمسى باى نشاط تحبينه بالنت بالكتب باى شي المهم بعدى قد ما تقدري لانك لازم تسمعي كلام يمين وشمال الحريم ما يقصرون ما فكرو ان هالثانية ممكن تكون بنتهم او اختهم او عزيزة عليهم


ثاني نقطة لا تسالينه ابدن ابدن عن اى شى يخص زوجته الاوله يعنى تخيلي انك الاولى وبسسسسسسسسسسسسسسسسسسسسسسسسسس انسى انه متزوج قبلك


ثالث نقطة بعد ما تهدا النفوس حاولى تحببي ابناءه وزوجته بك واى موقف تسويه حطى نفسك بمكانها وشوفى شلون نفسك تهدا وماراح تردى باى كلمة


قدمي اى خدمات تقدرين عليها من باب تعاون لاخت لك مسلمة انسى انك تشاركينها بزوجها


واحرص ابتعدى عن حريم اخوانه الثانيات لانه يمكن يكون بينهم وبين زوجته الاوله حزازيات فتكوني انتي الضحية خلى همك بس زوجك وامه وابوه وعياله وزوجته الى هى اختك الثانية

======================== نصيحة مجرب

اختي نجلونا...
تسلمين على هالموضوع ..
بس انا داشة عشان اطرح اسئلة على الزوجة الثانية.. مو عشان اعطيج نصيحة.. و المسامحة..
بس عندي اسئلة من زمان تدور في بالي.. و زاد دورانها في بالي (حلوة دورانها هذي هااا) من بعد ما تزوجت...
طبعا عقب الزواج اكتشفت ان الحياة الزوجية عبارة عن مشاركة.. و معظمها تنطوي على المشاركة في كل شيء.. و ما ادري عن البنات الباقيين بس انا في نظري ان هالمشاركة يومية و تكون حتى في ابسط ابسط الامور في المنزل.. مثال على ذلك حتى مشاهدة برنامج او مسلسل معين و انتي مع ريلج..
و السؤال اللي يدور في بالي دايما عن الزوجة الثانية..
هي ما تبي نفس هالحياة؟؟؟
ما ودها في مشاركة زوجها لها في كل شيء.. قصدي كل شيء كل شيء.. من اول ما يقعد من النوم لحد ما يرجع ينام بالليل؟؟؟ و خاصة ايام العطل و الاجازات؟؟
اكيد كل امراة في الدنيا تطمح و تطمع في هالشيء، و انا استغرب من الحريم اللي ممكن انهم يتخلون عن هالحياة عشان بس لا يكونون عوانس..
و انا اخص بالحديث البنات اللي ما سبق لهم الزواج مو المطلقات و الارامل لان هذيلا لهم وضع خاص و ظروف خاصة جدا..
بس البنات اللي للحين ما تزوجوا و عمرهم ما تعدى الثلاثين او حتى 35 (لان حاليا المجتمعات صارت متفتحة اكثر و صارت تتقبل انه البنت ما تتزوج لهالعمر).. فكيف يقدرون يبدون حياتهم و هما عارفين انه ازواجهم مو لهم طول الوقت... و بعدين فلنفترض انه كان بينهم قصة حب.. فمن وجهة نظري في هذي الحالة احس انه الزواج الاول محكوم عليه بالفشل 100% و الزوجة الاولى محكوم عليها بالظلم مليون بالمئة.. لان ما فيه انسان يقدر يحب شخصين في وقت واحد..مهما قال لا اقدر و راح احبهم هما الاثنين نفس الكثر.. ما راح يمشي الموضوع و في هالحالة بيكون يا انه يقص على نفسه او يقص على الزوجة الاولى و الثانية..
اختي نجلونا.. ترى الحياة الزوجية و خاصة بالنسبة لبنوتة صغيرة مثلج راح تكون احلى لما يكون ريلج متفرغ لج 100%.. حلو انج تبدين حياتج و انتي عارفة انج الانسانة الوحيدة عند ريلج.. حتى لو كان يحبج.. ترى في النهاية حياته راح تكون مقسومة على بيتين.. و انتي لقمتج دايما بتكون مقسومة على نصين..
لا تعتبرين كلامي الاخير كنصيحة لاني بالفعل ما اقدر انصحج في هالموضوع بس اعتبريه فقط تعليق.. لا اقل و لا اكثر
و موفقة اختي

8
8
8
تعليقك حلو سلمت يداك


اختي حبيبتي صاحبة الموضوع

اعتقد اسمك نجوله والله نسيته من الردود الي تنرفز

سبحان الله يابنات ترى مااحد ماخد ازواجكم ولا احد يعرفكم عشان يروح يخطب زوجك

حرام الكلام الي تكتبونه بحق زوجه التانيه

حرام

مابين عين ونتباهتها يغير الله من حال الى حال

ياريت الي عندها دعوه لصاحبة الموضوع تدعي لها احس لها من التجريح الي ماله داعي
والله لوتقرا ردك زوجة تانيه وتشوف انكم كاتبين مالها ضمير وضالمه ومادري وشو وقالت حسبي الله عليك صدقيني غير ربي يستجيب دعوتها لانكم نعتوها باشياء من خيالكم لانكم حرمتم عليها شي حلله ربي لها ولنا في رسول الله قدوة حسنه


ولا شوفو رد بلبلونه وهي زوجه اولى شوف وش كاتبه
عسى الله يبارك فيك يابلبلونه ويعطيك سعادة الدارين انت واصيدلانيه وكل من كتبت كلام محايد


وبعدين مين الي قااااااااااااااال لكم مايستمر زواج التانيه
بالعكس هي الي لها كل الدلع والكرم
قبل لاتطلقون الاحكام حافظي على زوجك شوفي وش ناقصه ليه فكر بتانيه

وبعدين عشانها بعيده تقدرين تسبين فيها وتقولين كلام جارح ام زوجك عشانه قريب منك
ماراح تتكلمين عليه
هو راح ودق الباب وخطبها مثل ماخطبك وعمل لها فرح وقدم لها مهر مجابها من الشارع

الله ينور بصيرتك يارب ويكتب لك الي فيه خير يارب
ويحفظ لكم ازواجكم جميعا

ملامح نجد
الله يسعدك ويوفقك دنيا وآخرة ،، كلامك ريحني كثير وخلاني افكر في حجم المسؤولية لو تزوجت من رجل متزوج ،، بكون انا اللبنة الاساسية في الزواج وراح اتعب اكثر من الكل علشان اوصل للسلام مع نفسي قبل الناس اللي بدخل حياتهم وراح اكون مرفوضة ومنبوذة وهذا الطبيعي بالبداية بس مثل ما قلتي اهم شئ الزوج والاهم منه الخوف من الله والصبر والحكمة،، الف الف شكر لك ع النصيحة الغالية