دلوعة حمني
مشكوره والشر ما يجيج :)

السلام عليكم

مشكورين لكل اللي سألو عني .. دلوعه حمني والورود الجميله شلونكم حبايبي

اقولكم قصه ولادتي

ولدت يوم الجمعه اللي فات الساعه 7 الصبح قعدت عادي من النوم وسويت ريوق حق ابو حمني ورديت نمت الساعه 9 الصبح قعدت من النوم ورحت الحمام ابي اغسل ونطلع انا ويا الغالي والا الماي ينزل علي انا ما توقعت ان هذا ماي البيبي وقلت عادي يمكن شي طبيعي طلعت من الحمام ابي البس والا الماي نزل مره ثانيه قلت حق ريلي قالي مستشفى على طول طبعا الكل نايم بس امي الله يخليها قاعده وريلي دق عليها اول ما قالها الو على طول صرخت وقالت له بنتي شفيها ليش انها مو متعوده على اتصال ريلي من الصبح قالها بنروح المستشفى نزل عليها الماي طبعا انا مبجر عن موعد بـ واحد وعشرين يوم رحنا المستشفى وسولي سونار والا راس حمني فوق والماي قاعد يصب علي قالو عمليه انا هني قعدت ابجي وريلي دمعت عينه وقعد يبجي خايفين محنا عارفين شنو نسوي ندق على حماتي ليش ان عندها خبره جهازها مصكر نايمه ويابو الورقه عشان يوقع على العمليه وهو يقولي خلاص يا قلبي الله يبي جذي وانا ابجي منهاره وقع على الورقه وهو مسكين يرجف وخذوني على طول بدولو ملابسي ولبسوني لبس العمليات وانا ابجي طبعا خايفه قلت لهم الحين راح اولد قالوا اي قلت لهم ابي اهلي ماي فملي اناخلصت جملتي والا امي قاعده تناديني حليلها بعد عمري اول ما كلمها ريلي طلعت من البيت هي واختي العوده ويوني المستشفى شوي حماتي دقت علينا وقعدت ابجي بالتلفون واقولها بيسوون لي عمليه وقالت انا يايه شوي والا المستشفى كله انترس اهلي واهله وحاشني هبوط وعرقت وحسيت ان الضغط نزل عندي وصرت اقول يالله ولدوني مليت وكل شوي ييني طبيب يطل علي ويقولي لا تخافين المهم الساعه 12:30 تقريبا دخلوني العمليات لا تتخيلوني احساسي وانا داشه رهبه وخوف مو طبيعي وطبيب التخدير والسسترات يحركوني ويسمون باسم الله وطبيب التخدير واقف على راسي يقرا علي قرأن ويقولي لا تخافين والثاني قاعد يربطني وكل ما يربط ايدي يقول توكلت على الله وقروا علي ايه يا مخرج النفس من النفس والطبيب ياني وقالي تشهدي وانا لا اراديا قعدت اقرا ايه الكرسي وقعدت ادعي اللهم اني اسالك باسمك الاعل ورضوانك الاكبر هونها علي .. يا ذا الجلال والاكرام هونها علي .. لا اله الا انت سبحانك اني كنت من الظالمين .. ووقت ما يبون يحطون علي الاكسجين اخر كلمه سمعتها توكلت على الله وبنجني طبيب التخدير وبعدين ما وعيت على نفسي الا انا قاعده اصارخ باسم ريلي واسمع ريلي يقولي حمني شحلوه شزينه وقعدت اصيح من العوار ويعطوني ابر تخدير ثاني يوم خلوني امشي طبعا بالغصب صرت امشي واروح الحمام .

الحين الغازات ذابحتني وعطوني دوا للغازات وحمني بعد عمري صارت فيه غازات وطلع فيه شويه بوصفار بس ما ادري شفيني نفسي مسدوده عن الاكل وطبعا كنت ارضع اول الايام بس الحين ما ارضع عشان الغازات اللي فيني .. تخيلوا ما اكل شي اللهم بس لقمتين على الغدا وصحن سلطه وابي اعرف متى ارجع مثل اول احس بطني بعد منتفخ ويقولون لي الاطباء ان الرحم بعد ما رجع مكان جم يبيله الرحم عشان يرجع ؟؟ وبطني متى يرد مكانه ومتى اربط ؟؟

السلام عليكم

ياحلو جمعتكم ماشاء الله انا الحين باخر الثالث وخلصت 12 اسبوع وانا مغتربة حاليا مو بالكويت بس بعد 3 شهور راجعة ان شاء الله
وهذا رابع حمل قبلة اجهاضين الله يتممه على خيييييييير

عبقرية الحمد لله على السلامة ويتربى حمني بعزكم ان شاء الله

بنات اللي معاي غلاوي والاء شلون راح تتصرفون برمضان والله اخاف من معدتي تلعوزني

عبقرية كويتية ألف الحمد لله على سلامتك انت وحمني الله يخليه لج

حبيبتي لازم تاكلين زين علشانج انت والياهل دامج اترضعينه طبيعي والرضاعه بعد تساعد على رجوع الرحم لمكانه

دلوعةحمني>>>>> إشلونج يالغالية ياب يقومج بالسلامه
غلاوي>>>>>>> أن شاء الله كل شي تمام نسأل عنج
قلبك تلج قلبي نار>>>>> الله يعينج أنل بعد بداوم الاسبوع الياي وماادري اشلون اح اقدر اداوم الله يعينا
رتوجة>>>>>>> اشلونج ترى على اسم بنتي
توبه + أنا ممنوعه=40 اشلونج ان شاء الله بخير ولله يهونها عليج يارب
سما الكويت>>>>>> الف مبروك الحمل وحياج الله عندنا