فوز الكويت :
شلونج >>>>>أما السهر صج يتسلطون علينا لبغينا إنام بس همن ياحلوهم ........
حاولي ترضعينها وايد يعني كل ساعتين ....كم تعطينها ؟؟ 60 م وشنو حليبها ؟؟
--زين اتسوين كدشي خواتج حتى انا اوصي خواتي كل ماراحو للسوق ...
ابخلص اجهاري ماباقي شي واطلع الله يعين

والله انا بديت اجهز الجنطة عشان اعرف شنو اللي ناقصني

حطيت 4 تبانات و4 فنايل داخلية و3 صداري وقبعه ودس ومهادين ولحاف ولفه وحده وكيس البيبي وفوطة وقميصين نوم استقبال حقي وبجامه وحده حق بالليل

وناقصني الملابس الداخلية ونعال حلو مع القمصان ونعال حمام وانتو بكرامه وفوطة للسباحة لي وفوط نسائية للولادة وطبعا ادوات الحمام لي بس

شلونكم يا حوامل الكويت الله يهون علي وعليكم آمين يارب العالمين آنا انقطعت عن النت بسبب ظروف خارج عن إرادتي والحين آنا بأول يوم بالأسبوع 39 وأنطر الولادة نطرة وهذا ثالث طفل لي وأراجع بالهادي عند الدكتورة ( أنيتا ) قالتلي الاسبوع اللي طاف الرحم مفتوح 1 سم وتبيني أمشي عشان ينزل الراس أكثر بس آنا ريولي وارمة ما أقدر أمشي وقالتلي شربي دارسين وخروع مع عصير عشان ينفتح الرحم أكثر شربت خروع مرتين ماكو فايدة والدارسين والينسون وتبخرت بحلتيتة مثل ما قالو بنات المنتدى مااااااااااكو فايدة ياجبل مايهزك ريح تقول الدكتورة يمكن أحط لج طلق صناعي مانبي البيبي يكبر أكثر من جذيه خفت ولا مرة جربته شرايكم إذا قالتلي دخول أدخل ولا لأ باجر موعدي معاها وتقرر شرااااايكم عفية لا تكشتون فيني

Beeby هلا والله حبيبتي الله يسلمج الله يبارك فيج حبيبتي انا كتبت قصة ولادتي في الصفحات اللي قبلها انا يبت بنوته نتفه سميتها ( الحور ):)

Beeby
هلا بأحلى اسم والله حبيبتي اذا كنتي زينة وبخاطرج تعيدين عيدي إذا مالج خلق فأنتي معذورة ...
حبيبتي محل بيبي لوف وين صاير؟
مامتو لحمادينو
تصدقين آنا بعد بديت أجهز جنطة المستشفى من الحين سبحان الله الوحد مايدري شيصير
وآنا بعد باقيلي الكماليات
ام سارونة وحمودي
الله يقومج بالسلامة يارب بس آنا أنصحج ضغطي على نفسج وأمشي على تراب البحر وإنشالله اييلج الطلق باذن واحد أحد