حبيبتي ام ساره وشوق انتي مبين عليج من نكج انج والده من قبل وما شاء الله هذه اختج بعد والده علمينا شنو ناخذ بالنفاس نبي شي نفهمه ونعرفه احنا البكريات واللي اول مره نولد في بيوت اهلنا ما نعرف شي انا اول وحده من خواتي وامي وخواتي ما يفهمون شي بالسوالف هذه ومحتاره ومتلعوزه :(

عبقريه كويتيه
اختي انا جربت الابره ووايد من صديقاتي واهلي جربوها وماسمعنا ان احد شكى من التبول اللاارادي.. بالعكس سهاله والحمدلله .. والكمام..يعتمد عليج انتي..يعني انا مافادني الكمام كلش..احس بس اني دايخه وراسي مقسوم نصين..بس كنت احس بكل اللي يصير واحس بالم الطلق ..يقولون لان كمام المواساه خفيف.. بس ناس نفعهم.. وخفف من احساسهم للالم..لانهم يكونون دايخين. بس مايمنع الاحساس بالالم مثل الابره... وانتي صلي استخاره.. وسالي دكتورج او دكتورتج.. والله يسهل ولادتج يارب ويرزقج بالذرية الصالحة امين.

هلا ياغاليات سبحان الله كل مااقرا زيادة عن دار الشفاء اكرههم اكثر سبحان الله خيرة من الله وجزاكم الله خير لزيادة معلوماتي عنهم الله يهديهم بس
حياتي عبقرية الي سمعتيه عن ابرة الظهر مو صحيح اساسا اغلب الحريم قامت تطلبها وماشاء الله مافيهم شي الكلام الي ذكرتيه قديم مرة ونادررررررررررر الحدوث واذا كان لها اعراض يقولك الطبيب ممكن تشعري بعدين بصداع بس ان شاء الله ماتسبب شي بس اذا تحملتي مع الكمام مالها داعي الابرة انا بصراحة هذا اول حمل ماجربت بس سمعت من الي جربوا والله يسهل على الجميع
بنات انا لزيادة الاحتياط اراجع بالحكومة والخاص وامس قالت الدكتورة بالصباح لازم اخذ ابرة من اجل رئة البيبي لان احتمال يصير ولادة مبكرة واستغربت ان بدار الشفاء مع انهم يدرون عن حالتي ما وصفولي شي والله غريبين

السلام عليكم

توني أشوف انه فيه موضوع يخص الكويتيات

آنا الحين بنص السادس وبديت القط واشتري رحت كل اللحظات اللي بالمهلب شريت طقم تقديم البيبي الكيس وقبعه وصدرية ديور بس مالقيت بجامة ديور حسافه بروح اشوف بعد اسبوع يمكن ينزلون شي وعمتي ما قصرت بعد توها يايه من فرنسا ولندن شرت لي بجايم وفنايل داخليه وطقم قبعه ودس وصدرية ودلاق وطقم ديور ثاني بس كل مخمل يعني شتوي يصلح حق عيد الأضحى مع الكيس

وآنا شريت لي قميص نوم واحد من الطاهر بروح اشوف قاسم ومجمع الأيوب بعد لي الحين ما شفته

اطقم الكفرات مجمع الرحاب فيه وبعد قالو لي ان سيتي سنتر فيه تنوع وفيه اطقم كفرات واااايد ناعمه وحلوه بس لي الحين ما شفتهم عشان اقيمهم

آنا اراجع بطيبة كلينيك لأن بيت اهلي قريب حيل منهم والحين بيفتحون جناح الولاده وفيه كل المستويات بس لي الحين ما شفت غرفهم ولا اسعارهم بس احتمال اولد هناك اذا عجبني واذا ما عجبني راح اولد بالمواساة انشالله

بكمل حق نفسي أول بشتري الكفر وقمصان نوم وملابس داخليه
وللبيبي شغلات بسيطه واخلص انشالله عمتي وفرت علي
وعندي سرير الاستقبال مال البيبي من ولادتي السابقه وايد حلو اخذته من اللجين اللي بليلى جاليري

بنات اذا تبون محلات راقيه وغاليه حق البيبي عشان الاستقبال روحو لغز الأطفال وكل اللحظات وكدستور هذول احسن المحلات وفيها كل الماركات اللي تبونها

الى اختي العزيزه عبقريه كويتيه حبوبه شنو تبيين تعرفين عن النفاس مثلا عن الأكل ولا بالنسبه عن الحسو والهوم ولا عن شنو تبين قولي وارد عليج وانا من عيوني