انا ممنوعه

هلا فيج يا قلبو وين الغيبه ؟؟ حبوبه انا ما اعرف بالسوالف هذه مو شايفتني سالت كوين
بعدين انتي حامل في بنت والا ولد ؟؟ لان الجوتي مال ديور اللي شفته مال بنات !
وبليز اذا حصلتي كاتلوجات طلبيه لا تبخلين وانا بعد ابي اسال معارفي واي شي اعرفه راح
احطه لكم على طول .. نيي للجد بالنسبه حق اخوج بليز اذا راح تايلند قوليله يشوفلي شي حق
بيبي ولد يعني جنطه ولفه وجوتي او دلاغ مو مشكله وبعدين بتايلند يكون اصلي والا تقليد ؟؟ تأكدي من
المعلومه هذه لان انا ما يهمني اذا اصلي كان بها واذا تقليد يكون درجه اولى بليز <== طراره وتتشرط
وشوفيلي جم يقولج وحطي بالمنتدى عشان اذا عجبني السعر يمكن اخليج توصينه عشاني :)

ام غايب

هلا فيج والله يسهل عليج وتولدين بالسلامه .. ومن ناحيه الخوف كلنا بالهوى سوى
بس ما قلتي من وين يبتي سله الخوص هذه انا سألت عنها ومحد رد علي :( وشنو المفرش اللي حطيتي عليها
بليز ردي علي واذا تقدرين تصورينها يزاج الله الف خير :)
اي والله صاجه من ناحيه الفزه للبيبي عشان جذي انا ماني مطلعته وقت الاستقبال حتى امي تقول اخاف لا ينجبس الياهل :(
خصوصا ان هذا اول حفيد في بيتنا وانا اول وحده من خواتي يطلع لي كرش وايبلهم هديه :)

وينكم ؟؟؟؟!!!!!!!!!!!!!

الله يبارك فيكم بنات ...

عبقرية كويتية تلقينه بمذركير او مارك وسبنسر او بدبنهامز

مذر كير يلوع الجبد شفت لونين عنده ازرق واصفر بس دبنهامز وماكس اند سبنسر ما سألت هناك

هلا بالحوامل ...الله يسهل علينا

والله انا باقي لي اسبوع و ادش السادس بس مالي خلق اجهز
انشاء الله باخذ للبيبي من مذر كير و ماركس سبنسر لان اختي تاخذ منهم و يظلون عندها سنين كأنهم جدد والله ..شغل عدل اغسل والبس
الكفر بشوف A2Z او تروفاليو بالشويخ عندهم خوش كفرات و مرات يسون تنزيلات عليهم
و قميص المستشفى بشوف انور و الطاهر و جاسم هم بعد يسوون تنزيلات خاصة جاسم بمجمع النقره الشمالي

انتم شرايكم؟؟

ادعو لي حدي خايفه من الولاده و ماودي اخذ كمام مع اني بولد بالهادي بس ودي احس بطلعة الراس يقولون الدعاء مستجاب لحظتها وودي ادعي لخواتي...شرايكم بنات...؟؟؟؟