:26: السلام عليكم
شلون حواملنا اليوم الله يهون عليكم يارب
================

شوفى اختى الحامل عليك بتناول الطعام اللى يفيدك ويفيد الجنين
امى تقول ان اللى ينفع الحامل شرب اللبن واكل الخضرة والفواكة
واذا كنتى تبين ==طفل بطة وحلو اكلى الزبادى مع الخيار له فايدة طيبة للحامل
==========================

وهذه بعض الوصفات للمراة الوالدة (اى النفاس)

-------------

اول يوم تدخلين فى بيتك بعد الولادة
تكونين مهيئة غرفة تكون شرحة وفيها نوافذ للهواء واتكون ماثثة بالوان هادئه وجميلة
مثل اللون الاخضر-- او الازرق
ومايكون احمر او كحلى
تبون السبب-- لان النفاس تحس بأكتاب او ضيقة خلق ولازم يكون جو الغرفة طيب حتى ترتاح
واذا كنتى بالصيف والدة خلى التكييف معتدل
اما بالشتاء فعليك بتدفئة الغرفة لكى ولطفلك
يجب ان لاتكثرى من شرب الماء فى النفاس
واحذرى ان تاكلى الرشاد باول ايام النفاس
وداومى على شرب الحلبة فهى تساعد على انكماش الرحم وخروج الاوساخ
ويستحسن انك تضعين ترمز فيه شاى الحلبة عند راسك وكل شوى تشربين منها سكانه
وامى تقول شرب اللبن للنفاس موزين لها يخليها على طول مبلله من تحت ويحسس الزوج انها وسيعة
خلى وجبة الفطور عبارة عن --- خبز احنا نسميه بالكويت --خبز اايرانى-- او خبز تنور
مقطع ومرشوش بسمن ومخلوط دواء النفاس اسمه -- مردود--مع كوب حليب
والغداء-- شوربة دجاج --او مرقوق -وشوية من الرز مانصبر عنه بالخليج
وحبيبتى اللى يقول ان الرز يسبب كرش بالنفاس هذى معلومة خاطئة
انا والله بانفاسى اكلت رز بالغداء والعشاء
والحمدلله يوم طلعت الاربعين مافى بطن مرررررررره
بس كنت مااشرب بيبسى او برد او ماى بالنفاس
المهم نكمل الغداء-- قلنا شوربة او مرقوق وسلطة وخضرة اهم شى وعصير برتقال طبيعى علشان مايصيرلك امساك وتاذين من الخيوط
واما العصر عليك بشرب قهوة عربيه مع التمر المهروس بشوى سمن وحبة البركة طيب مررررره للتنظيف
واذا حسيتى بالجوع مافى مانع انك تاكلين فطاير او فواكة
بس وخرى عن البطيخ والرقى والكراث والبصل النى يخربك مررره
والعشاء اخريه شوى للساعة 10لان البيبى اكيد بيسهرك
وخلى اكلك يكون سلطة- مرقوق -او قبوط --او محاشى بالحلبة وحبة البركة
يعنى اللى تسويلك المحشى خليها تحط مع الحشوة حبوب الحلبة والحبة البركة وتطبخهم
واذا تحبينه غداء يكون احسن بعد
او شوربة عدس حسب الرغبة بس يكون شى موبارد
ونسيت اقولك ان فى بالعطار دواء اسمة طبخة الغورى00 هذى مرة ممتازة
اغليها بالماء واشربيها العصر او الصبح او بلليل عادى باى وقت

واما لبسك بالنفاس واضبى على لبس السروال الطويل مع الغفازات

تقول امى --ان النفاس بالاربعين بينفتح لها 40 عرق من جسمها وكل يوم بيسكر واحد مع ايام النفاس
ولازم الوحدة ماتخلى الهواء يدشها حتى ماتخرب
واكثر شى بيدش الهواء للمراة من الاصابع--
وبعد اذا نفاسك بالشتاء البسى طاقية واهم شى تغطين اذونك لان بعد بيدش الهواء بالراس ويسبب اصوات بالاذن والم فضيع بالراس
واذا جيتى تدشين الحمام لاتخلين فتحة هواء مفتوحة ==مثل الشباك او الشفاط والله انه بيطلع هواء هذا الشفاط طفيه واذا طلعتى من الحمام شغليه
والله امهاتنا لهم حكمة من الاشياء هذى صدقينى هى صج فيها شوى من الاستغراب بس خلينا نطبق واش خاسرين
مدام الزوج مايقرب لك بمرحلة النفاس سوى اللى تبين
ونسيت اهم حاجة وهى اللى ترجعك بنت تهبلين لابطن ولا توسع
وهى
تجيبين ماى صحة كبير
وتضعين فيه

ملعقة كبيرة 2مررره
ملعقة صغيرة 1علك مر
ملعقةنصف صغيرة عنزروت
7حبات محلب
واتخلينهم ينقعون مع بعض واتواضبين على شربهم كل صبح سكانة على الريق وقبل النوم ويستحسن بعد كل وجبة دسمة-تطلع كل الهواء اللى بالبطن والرحم وهذى شى مهم عندنا نسويه
وعليك بشرب شاى المرمية اذا تبين قوام رشيق
واماااااااااا الباحثات عن الجمال
روحى السوق واشترى هذى الكريمات وسويها وحطيها كل ليلة قبل النوم بس احذرى اذا مسكتى البيبى او تبين ترضعينة لاتمسكين حلمة الصدر وترضعينه بسمالله عليه البسى قفازات
جيبى فازلين وجلوسوليد واخلطيهم مع بعض ودهنى جسمك قبل النوم وخصوصا منطقة البطن والافخاذ والابط والارداف==لانهم يتاثرون بفترة الحمل ويتغير لونهم والرجول والركب والكوع ماننساهم والبسى دلاغات ونامى --وشوفى البياض اللى يهبل
واما الوجة اشترى سنفرة للوجة واحسن نوع هو نوع المشمش ضعىعلى الوجة وانتى جالسة بعض من السنفرة وافركى وجهك حركة دائرية وشوفى الوسخ اللى بينزل وبعدها اغسلى وجهك
واشترى كريم بين التايلندى- المدور الارزق من تحت وابيض من فوق الاصلى طبعا تلقينه 600 فلس واخلطى معاه شوى فازلين وكريم روز وحطيه قبل النوم وشوفى صفاء البشرة واللون
واما الشعر قبل ماتسبحين ضعى على راسك دهن زيت زيتون ساعتين او اى دهن اخر واغسليه بعدة
واذا صارلك شهر من التفاس ضعى سدر على شعرك وشوفى اللمعان والريحة تجنن
==========

وسوف اكتب لكم عن الطفل وكيف تتعاملين معه


:26: :04: :14:

هلا حبايبى وجبتلكم هالروابط
وهذا الرابط من اختنا العامرية جزاها الله خير

http://forum.hawaaworld.com/showthread.php?t=493245



وهذ الرابط للطفل اذا غص او اختنق من الاخت ام عزااااان جزاها الله خير تفضلوووو

http://forum.hawaaworld.com/showthread.php?t=256016



هذا الرابط من الاخت 11صبا11 وعلاج عن الهواء

http://forum.hawaaworld.com/showthread.php?t=334198



واما هذا الرابط من الاخت برقع جنز زرى وهو اكثر من رابط جزاها خير

http://forum.hawaaworld.com/showthread.php?t=380380


تكفووووووووووووون ادعولى بالولد الصالح والحمل الثابت
وكل جديد اجيبه لكم يابنات ديرتى يااحلا كويتيات

والله عشتي يا منار وما قصرتي ويعطيج الف الف عافيه

وعسى الله يثبت حملج ويهون عليج ويرزقج بالذريه الصالحه يا رب

بس ابيج تعطينا من خبرتج شلون نتعامل مع الجرح والخيوط

لان اللي قلتي كله اشياء نفهمها ونعرف وين نلاقيها عندنا بالكويت

للرفع :)

السلام عليكم شلونكم شخباركم بنات ديرتي

آنا ماراح اسافر الدكتور قال ما افضل انج تسافرين ضيق خلقي :(

فوصيت أمي اي شي تشوفه حلو حقي أو حق المولود تشتريه

سوالف النفاس تو الناس عليها ماراح اشتريها الا بالثامن (لهوم وحلبة وحسو وسويده) بوصي وحده اعرفها شغلها وايد حلو تسويهم بنفس اليوم اللي تطلبينهم منها ونظيفه وجربتهم بولادتي السابقه نظف بطني عدل

وعندي حزام ولادتي السابقه

بس بكمل باقي التجهيز على مهلي