حتى ذا الطقاقه احلام رحمتنا وغنت فينا...كود يتغير الوضع
ايه بس الله يصلح الحال
من يوم اني في بيت جدي<<تبي تعلمكوم انه شي منذو مبطي
وانا اسمع بالسياحه
لين طلعت ذا الكلمه مع خشمي
افتح التلفزيون وتنط لي غصب واحد<<طبعا ذا القناة بيني وبينها علاقة حب
وعشان ابعد الحومه ..ولاني منيب احب احتسي بالسياسه...ترى ذا القناة وش زينها ومامثلها ..السماجه فيها توزع بخياش
وياحلم الله على خلقه
طبعا انا مايتعب نفسيتي الا التسذب...لاجابوا برامج عن السياحه ..وقابلوا مع مبزرتنا المخاف
اسمك ساره ياساره؟<<قاتل الله الغباء
تدرس ياشاطر؟<<لعنبوا بليسك غدا طولك وماتبيه يدرس
تحب اومك وابوك؟
<<بالله ذا سؤال لكن منيب شرهتن عليك ..شرهتي على ذا اللي رزك وكتب لك الاسئله...سبحان من جمعكوم...وقسم بصيييييييحانا قايلتن خل انتحر
...بس خل اطلع حرتيطيب كل هذا وقلنا مايخالف ترى الجماله زينه..وصبر جميل
لكن تجيني انت وخشتك وتسأل عن السياحه...!!! هذا مالا يقبله العقل والمنطق <<انزلعي مير
سياحه ميييييييين ياعمي
غاثين نفيساتكوم وكاميرات واعداد وتقارير يالعنبوا من علمكوم الاعداد ..ودراهمن تندفع وانواع التميلح
واخرتها رايحين تصورون فوق جبل قاحل..وشجر يقول ربي ارحمني...وناسن وقسم مبزرتهم ببجامات البت وزبيريات<<اخق انا عالستايل الاليم
لعنبوا بليسكوم لحد يدري عنكوم بس
ويقول المذيع مشاءالله تتقهوون ؟<<لا يرقصون
ناسن فوق جبل وش تبيهم يسوون ...ياخوي ماعندك حتسي ابلعها وانطم
وقسم اللي بيشوف ياجعله مايشوف...انه ليحرّم يصيّف...
يرحم اومكوم وشهي السياحه؟
حتى اماكن اماكن مايعرفون يختارون ترى وربي محنا هينين عندنا وربي ....وقسم مدري وين يشوفون معه
ترى ماعندهم مشاكل يصورون هنا ...كلشن توقعوه
صحيح عندنا حر ...لواهيب ...غبار....شتاء بلا امطار...يارب لطفك بس
صحيح كلشن يسكر بدري
صحيح الثمامه لحطونا ويقولون والعهده على الراوي البنات معاد يلعبون الا بالواسطه وطلعة الروح
صحيح عندنا خششن دايم مكشره تسنهم يكدون عليك
صحيح عندنا تسذب ولكاعه على شوية سماجه
صحيح العنوسه زادت والعزوبيه تفشت والصرقعه بدت تلعب بنا وهاتي يابلاوي
صحيح شوارعنا زحمه..وشعبنا صاكته الغلقه وطاقه الهدبدب
لكن برضو نظل حبايب غصبن على كل حاسد<<لاعمرتس تحتسين
واحنا وراكي واصلي ...والله معاكي واصلي
و*****الله بندخل التاريخ من اوسع ابوابه
خلااااااااااااااااااااص ملينا كلن تطور ورانا تسذا ...اللهم ياكافي
مدري ليش لاشفت ذا القناة ارجع عشرين سنه للوراء
الوانهم باهته الازرق يصير عندهم رصاصي احس حتى المذيعين وهم يقدمون مقصوصين قص ولاصقينهم...احس المذيع اكبر من الاستيديو...واحس واحس وقسم امترضت
انا بس اللي بقوله عشان ابري ذمتي...ترى والله انّا عندنا نعمه بس ماقدرناها..ولاطورناها..ولاج بنا خبرها
طيب طيب
مكه والمدينه ...لاخلا ولاعدم وقسم احبوكم وماتحتاجون اعلام...لاصليت ورى السديس والا الشريم والا المعيقلي اسأل الله الجنه ...بالدنيا ومافيها
اوما الرياض...فهي تبتسي عالبحر<<هو بس البحر جعله يزمتس
اما غيره ننتظر تعليقاتكم ..
ونصيحتي...يابرامجنا السياحيه الاليمه ...ياقصة حزن ملينا منها...بالله موسيقى حزينه
انا قايلتن من اول وشوله الخساير..ان ردت لذي طقوا لكم خيمتن في مضارب الباديه ومن قام قام الله معه والا اقعدوا فيبوتكم احسن
وشوله كل ذا الحوسه..انا منيب متعبتن نفسي معكوم
يااعضاء وياعضوات..يامال العافيه
وش رايكم بالسياحه والاعلام عندنا..العيب وين؟والا مافيه عيوب؟والا وش الوضع بالضبط
يعني ابي افهم وين رحتوله وين جيتوا له ...؟
اللي لقى مكانن يوسع الصدر يقولي ويسوي فيني خير....وبدعيله
مزايا ...عيوب ..تعليقات...الباب مفتوح للكووووووول ..وحياكوم
تفاعلوا
لا تحطموني
اهئ اهئ