الصابرة ص @alsabr_s

عضوة جديدة

وين اروح ارجوكم تساعدوني؟؟ انا بهم عظيم كتلة داخل الفم ؟؟

السلام عليكم ورحمة الله وبركاته..

اسعد الله اوقاتكم يا صبايا بكل الخير

بداية يا بنات انا صارلي اكتر من خمس اشهر بعاني من مشاكل كبيرة معظمها بتتمحور حول المرض اللي عجزت افهمه وما قدرت اعالجه

انا مشكلتي اني ما بعرف شو مشكلتي بالزبط http://www.*****.com/images/smilies/frown.gif

انا من خمس اشهر صار معي اختناق.. وصرت اتنفس بصعوبة بالغة.. رحت على الدكتور قال تضخم باللوز.. واعطاني مضاد حيوي وما نفع معي.. رحت على دكتور تاني اعطاني مضاد حيوي اقوى.. وكمان ما نفع.. ومعدتي تعبت من المضادات الحيوية..

ومن مستشفى لمستشفى ومن دكتور لدكتور لمدة شهر وما حدا عرف مشكلتي.. كل يوم لازم اعمل تبخيرة بالطوارئ.. موظفين المستشفى حفظوا شكلي..

بعدين ربي هداني لاختصاصي اذن وانف وحنجره.. رحت عليه حكالي معك تضخم بالقرنيات الانفية..

وقال لا تستخدمي مضادات حيوية لانو اللوزتين ملتهبات بسبب التنفس من الفم.. لانو مجرى التنفس من الانف مسكر

المهم اعطاني بخاخ للانف وقال لي داومي عليه تلات اشهر

بعد فترة تحسنت مشكلة انفي ولكن ظهرت مشكلة اكبر.. المشكلة اللي ما لقيت الها حل للآن وهي الشيء العالق بحلقي http://www.*****.com/images/smilies/frown.gif

والله صابتني حالة نفسية سيئة جداً بسببه

كل يوم ابكي ومنهارة حاسة حالي رح اموت منها

تعبت وتعبت اهلي و زوجي معي

علاقتي فيه ساءت بشكل فظيع.. واهلي تعبوا مني كل يوم بكاء وصراخ.. وصلت في الحالة اني كنت عوشك اروح على دكتور نفسي

كانت تصير معي تشنجات احس روحي طلعت.. والشي اللي بحلقي ما طلع http://www.*****.com/images/smilies/frown.gif

قلت لحالي لازم اعمل المستحيل مشان اعرف شو سببه

سويت اول شي تنظير للانف وطلع معي نفس ما قال الدكتور تضخم بالقرنيات

سويت تحليل غدة درقية وكانت النتيجة سليمة ولله الحمد

وسويت فحص وظائف الكلى و فحص جهد التنفس طلع كلو تمام

عملت صورة اشعة للرقبة طلعت سليمة

ما عجبتني الاشعة رحت سويت الترا ساوند للرقبة وطلعت سليمة ما فيه شي

رحت على بروفيسور متخصص بالاذن و الانف و الحنجرة وقال لي بالاضافة لتضخم القرنيات احتمال يكون فيه ارتجاع بالمريء واعطاني علاج قال لأسبوعين.. استخدمته وما نفع..

اخر شي نصحوني بصورة ملونة بالصبغة للمريء.. علشان اتأكد اذا كان فيه ارتجاع او لا.. سويت الصورة وطلعت سليمة الحمدلله.. ما عندي ارتجاع..

قلت خليني اروح على شيخ يقرأ علي.. لانو كانت نفسيتي تعبانه وما كنت اقدر اسوي شي

رحت اكتر من شيخ.. مرة بحكوا فيكي مس ومرة سحر. . تعبت اكتر.. وبعدين قريبتي قالت لي عن شيخ معروف وثقة.. رحت عليه عملي جلسة للرقية عن طريق وضع السماعات في اذني و تشغيل كاسيت لايات السحر والمس و الحسد لما خلصت قال يا بنتي ما عندك مشكلة روحية لانك ما تأثرتي بآيات القرآن بالعكس كنتي خاشعة..

قال لي مشكلتك عضويه بحتة

والان انا بعاني.. خوفي من المرض خف.. ولكن الشيء العالق بحلقي ما خف.. كتير بزعجني وبمنعني امارس حياتي الطبيعية.. يعني تخيلوا فيه كتلة بحلقكم لا بنزل ولابطلع كيف بكون شعوركم؟

والمشكلة طول اليوم ما بروح مرافقني 24 ساعة.. http://www.*****.com/images/smilies/frown.gif

وانا حاليا ما بعرف شو اعمل وين اروح شو الدكتور اللي لازم اروح عليه

الدكتور تبع الاذن و الانف قال هاد بلغم واعطاني بخاخ ومقشع للبلغم وما راح ابداً..

يعني حيرتي كل ما فيها بتزيد ومشكلتي بتتعقد

انا املي بالله كبير..

وبتمنى من كل قلبي ارجوكم قد ما تقدروا تساعدوني لاني بكرب ومعاناة شديدة..

والله بعلم بحجم المي وضيقي.. يا رب اللي بتساعدني او حتى تدعيلي.. ربنا يفرجها عليها و يعطيها لحتى يرضيها يا رب

و السلام عليكم ورحمة الله وبركاته..

يلزم عليك تسجيل الدخول أولًا لكتابة تعليق.

تسجيل دخول

أم بناتي 2 • 11 سنة

الله يشفيك ويعافيك ولكن استمري على الرقية الشرعية حمليها وخليها على طول في أذنك ....وأن شاء الله تشوفين كل خير يارب

الصابرة ص • 11 سنة

أم بناتي 2 :

الله يشفيك ويعافيك ولكن استمري على الرقية الشرعية حمليها وخليها على طول في أذنك ....وأن شاء الله تشوفين كل خير يارب

الله يشفيك ويعافيك ولكن استمري على الرقية الشرعية حمليها وخليها على طول في أذنك ....وأن شاء الله...

والله رحت على تلات رقاة واخر واحد قلي ما فيكي شي.. لو كان عندي مرض روحي لكنت تأثرت بالقرآن.. انا بس بدي اعرف شو الدكتور اللي بتناسب مع حالتي والله تعبت.. قبل شوي شربت ماء وطلع من حلقي.. يا ربي عفوك يا الله :(

لازورديه • 11 سنة

الله يشفيك يارب ويفرج عنك
شوفي اختي افضل شي ترقي نفسك بنفسك افضل من اي شخص ثاني
اقري ع نفس المكان حطي يدك اليمين وكرري الفاتحه سبع بكل يقين ان رب العالمين راح يشفيك
اقري ع مويه بعد كل فرض وانفثي عليها واشربي منها
وانفثي ع نفسك المهم لاتيأسي من رحمة الله
انا مريت بفتره الحمدلله وكنت احس بكوره بحلقي
لكن مع رقيتي لنفسي واستخدام القسط الهندي كان له دور
ماشالله والاستغفار باليوم الف مره
والدعاء يارب لك الحمد والشكر الله لايحرمنا نعمة الصحه والعافيه ويشفيك يارب من كل بلاء
داومي ع الاشياء هذي البسيطه اللي ان شالله فيها خير كثير بفضل الله وربي ينزلك العافيه يارب

اتران • 11 سنة

لازورديه :

الله يشفيك يارب ويفرج عنك شوفي اختي افضل شي ترقي نفسك بنفسك افضل من اي شخص ثاني اقري ع نفس المكان حطي يدك اليمين وكرري الفاتحه سبع بكل يقين ان رب العالمين راح يشفيك اقري ع مويه بعد كل فرض وانفثي عليها واشربي منها وانفثي ع نفسك المهم لاتيأسي من رحمة الله انا مريت بفتره الحمدلله وكنت احس بكوره بحلقي لكن مع رقيتي لنفسي واستخدام القسط الهندي كان له دور ماشالله والاستغفار باليوم الف مره والدعاء يارب لك الحمد والشكر الله لايحرمنا نعمة الصحه والعافيه ويشفيك يارب من كل بلاء داومي ع الاشياء هذي البسيطه اللي ان شالله فيها خير كثير بفضل الله وربي ينزلك العافيه يارب

الله يشفيك يارب ويفرج عنك شوفي اختي افضل شي ترقي نفسك بنفسك افضل من اي شخص ثاني اقري ع نفس...

تماما متفقة مع الاخت لازوردية وكمان ادهنى بالزيت المقرى كان عندى كتلة صغيرة تحت الابط كنت انضف المنطقة يوميا وادهنها بزيت مقرى تشافت اللهم لك الحمد والشكر
والدعاء فى ثلث الليل الاخير
وصلاةالقيام تخرج الامراض من الجسم وكترة الاستغفار
ولاتنسي الصدقة عجيبة
اسال الله العظيم رب العرش العظيم ان يعجل بشفائك ويسعدك مع زوجك والمسلمين

مكين • 11 سنة

وعليكم السلام ورحمة الله وبركاته
اختي من شرح حالتك لا ترقين نفسك ولا شي ولا توسوسين
انا عندي لوز مع لحميه وزوجي يعاني من الشخير واحتمال اللي عندك لحمية انصحك تاخذين من الصيدليه بخاخ ملح حق الانف ان شاء الله يهدي عليك
واذا مانفع روحي طبيب انف متخصص يعني استشاري انف واذن وحنجرة ومو اي طبيب طبيب متمكن ومعروف ان شاء الله يقدر يشخص حالتك وترتاحين