السلام عليكم ورحمة الله وبركاته
(ماشاء الله تبارك الله)
كيفكم يا بطات ؟؟
وكيف كراريشكم ؟؟
في موضوعي اليوم رح اقلكم الاشياء اللي فادتني في نفاسي حييييييييل
طبعا ترى مو كلها انا مطبقتها ومجربتها بس بانزلكم كل اللي جمعته انا في دفتري عشان تستفيدون وخلوكم نشيطات سوو جدول وامشو عليه ترى كلها فتره وتعدي فياتعدي وانتي مبسوطه او تعدي وانتي ندمااانه ولا يفيد الندم بعد فوات الاوان
من اول ما ولدت كان ودي انزلها وانزل معها شكر لعضوه قليل في حقها كلمة شكر
لكن انشغلت بالكتكوت حقي الله يصلحه ويهديه وتشجعت لما طلبوني البنات انزلها
اول شي بعد شكر الله اشكر من كل قلبي العسسسسوله (قشر قهوه ):26:
الله يحقق كل امنياتها ويجزاها الجنه على تطوعها بمساعدة بنات المنتدى بدون مقابل
ان شاء الله تشوفها بحياتها توفيق وسعاده وباخرتها حسنات ونعيم
مهما قلت مارح اوفيها حقها وربي
انا ياطويلات العمر والسلامه قبل ولادتي بشهر شفت مواضيع قشر وعلى طول دخلت قلبي هالانسانه
وقلت ما بدهاشي
وعلى طوووول عالعطار جمعت اللي لقيته من اغراض
وبعدها رحت على محلات التخفيضات والقط لي علب بلاستيك شفافه
مع ان كثير قالولي انتبهي من هالاعشاب والخرابيط وووو...:(
كثيييييير حذروني لكن ما تحطمت ولا التفت لكلامهم
لاني مقتنعه ان هالفتره كثيير حسااسه
طبعا انا بكريه بس وحده من صديقاتي اهملت بعمرها
وبعد الاربعين صارت دموعها اربع اربع وهاتك مستشفيات ودكاتره و و ..
تقول حييييل اثرت على نفسيتها وعلاقتها بزوجها بقووه صار عندها مويات واصوات فضيعه والحمد لله الحين بعد معاناة مع الدكتوره رجعت احسن
انا عاد قلت مستحيل اهمل نفسي هالفتره رح اهتم واللي فيها فيها
رجعت بيتي وجبت شطرطون شفاف
ودفتر
ومقص
واكيد جبت الدفتر اللي مسجله فيه كل شي وجبت الطاحونه
فرشت تحتي سفره لاني صرت بطه ماعاد فيني اوقف وجلست قدام التلفزيون عشان اتسلى هههههه
اول شي بديت اطحن الاعشاب اللي تنطحن نوع نوع صارت ريحت الغرفه تقولون محل عطاره خخخخخ
واحطهم بعلب البلاستيك بعد ما خلصت رجيت كل علبه عشان تختلط وحطيت جوات كل علبه ملعقة بلاستيك شفافه
وبعدها كتبت اسم كل علبه وكيفيه استخدامها ووقتها في الدفتر وقصيتها اوراق صغيره
لزقت فوق كل علبه اسمها يعني حطيت الورقه اللي فيها الاسم وفوقها الشطرطون الشفاف العريض بحيث انه يغطي الورقه كلها
عشان ماتتقطع او تتبلل بالغلط
يتبببببع لا احد يرد
اللي طبقته هو موضوع العشر علب بس خليتهم 12 علبه وزودت اشياء بسيييطه
ورح اكتبهم هوون بالتفصيل
تجيبين عشر علب كبيره وصغيره ووسط
العلبه الاولى (الكبو) حجم العلبه (وسط)
خواجوا
فلفل هواء
كمون
قشر بصل
مر
تطحن كلها وتوضع في علبه وسط وتستخدم اخر 10 ايام من النفاس
انا زدت معها رشاد حب مو مطحون و10 حبات نوى تمر كل يوم حبه
الاستخدام :
تخصصين صحن فخار وله عروه او حديد وله عروه عشان تقدرين تشيلينه
وتحطين فيه قصدير وفيه جمر مولع طبعا الفحم الطبيعي افضل من الصناعي بس انا استخدمت الصناعي
وتاخذين معك فوطه تكرومون تلبسينها بعد البخور على طول عشان تحتفضين بحرارة البخور وما يدخلك هوا
تروحين الحمام تكرمون وتحطين الكبو على الجمر مع حبة النوى وتحطينه في الحمام الافرنجي عشان تجلسين فوقه
لازم يكون الصحن كبير شوي عشان ما يطيح فالحمام الافرنجي وتبتلشين ههههههه
انا كنت احط تحت الصحن كرتون حق جهاز الحراره حق ولدي واحط الصحن فوقه
وتجلسين فوقه المده اللي تقدرين انا كنت اقعد 5 دقايق الى 10 واطلع عشان ولدي الله يهديه اخاف عليه يرجع ويشرقماكنت ارتاح لاني خواافه
وبعدها تروحين طوالي عالفراش وتتدفين زيييييييين
العلبه الثانيه(علبة الطبخ )حجم العلبه (كبيره او وسط)
تحطين حبة سوداء "حبة البركه"
ماش
رشاد
كلهم حب بدون طحن
الاستخدام :
تحطينها مع الاكل حقك تطبخ معه مثل المرقوق والمرقه والشوربه
انا بصراحه ما استخدمتها الا حول 5 ايام بس انتو استمرو طول النفاس عليها
العلبه الثالثه (دواء القهوه)حجم العلبه (صغيره)
مر "مره"
عنزروت
مقل
رزنه
من كل شي نص فنجال قهوه
تطحن كلها وتوضع فالعلبه
الاستخدام:
يوضع منها ذرة في فنجال قهوتك
او ملعقه في ترمس قهوتك وتقهوي منه على طووول
العلبه الرابعه(السفوف 1)حجم العلبه (وسط)
وهو سفوف العشرين يوم الاولى
ماش
حلبه
فلفل اسود
تطحن من كل شي مقدار فنجال شاهي "بياله"
الاستخدام:
ملعقه او ملعقتين صباحا ومثلها مساء
طبعا السفوف لا يوضع مع العصير ولا الماء انما يوضع
مع شي حار "سااخن"
انا كنت اخذه فالصباح مع حليب محلى بالعسل اشرب الحليب واكل تمر اذا مابقي فالكوب الا شوووي احط ملعقه سفوف معه واشربه بسرررعه
وارجع اشرب بعده شوي حليب عشان الطعم يروح
وفالليل كنت اسوي نفس الحركه لكن مع شاهي الاعشاب
العلبه الخامسه (سفوف 2)حجم العلبه(وسط)
وهو سفوف العشرين يوم الاخيره
محلب
رشاد
حبه حلوه "شمر"
تطحت كلها ماعدا الرشاد
الاستخدام :
نفس السفوف 1
يتبــــــــــــــــــــــــــــعـ