وين تفضلوا لعيالكم روضة حكومية أم خاصة موجه لسيدا ت العين خاصه ووسيدات المنتدى عامة

عزيزتي ***جرناس&&
أنا عني حاطه بناتي في مدارس حكوميه لأن المدارس الحكوميه وبالذات المدرسات المواطنات بصراحه ممتازات في التدريس وتوفير الوسائل المناسبه للدرس وغير الهدايا التشجيعيه يعني أسلوبهم يحبب الطالبات فيهن وبعد الروضه لأن الروضات تطورت وصار الهم مناهجهم الخاصه يعني عندهم تقريبا 5 كتب وتظل في المدرسه بس الكتاب اللي يخلصونه يودونه البيت حق ولي الأمر وروضة الجمعيه زينه وكنت ناويه ادخل بنتي بس وحده نصحتني وهيه تشغل هناك اني ما أوديها لأن حمامات الأطفال مب نظيفه أو شي من هذا القبيل........وروضة محمد بن خالد ممتازه واعتقد انهم ياخذون 6000 درهم للروضه وصدقيني مب ذاك الفرق يعني فيه تقارب وبالنسبه للسن انا بنتي الأولى دخلتها صف أول وعمرها 5 و7 شهور بعد القرار وأختها لا كانت 6 سنين بس اللي دخلت وعمرها 6 سنين كان استيعابها أفضل من أختها لأنها أكبر ولو المسأله شهور بس تفرق..........

مشكورة أختي بالنسبة لروضة الخاصة لأني شفت انهم يدرسون الأطفال الحروف وارقام وحفظ قران وهذا يحتاجه التلميذ لأن المناهج تغيرت وتتطلب من التلميذ يكون عنده خلفية سابقة
أما الحكومة مايدرسون إلا أشياء بسيطة وممنوع تدريس الأطفال وايد
أما مستوى التلاميذ واعمارهم فبنتج جذي دخلت صف أول بعمر 7 سنوات وتعتبر كبيرة بالنسبة لبنات الصف الأول لأني شفت في سجل إحدى المدارس أن أغلبيتهم بعمر 5 سنوات أو 5 وخمس شهور او ثلاث او أربع

ومرة ثانية مشكورة

حبيبتي ما انتبهتي انا كاتبه عمرها 5 سنين و7 شهور ومنو قال ما يدرسونهم بالعكس الهم مناهج وكتب ويدرسونهم الحروف والمدود والأرقام وبعد القرآن ويعلمونهم كلمات بسيطه مثل طاوله، يد، باب وبالعكس اتغيرت المدارس وايد للأحسن وعلى راحتج اللي يعجبج ......حبيت بس أساعد وأعطيج من خبرتي ...

الأختلاف لايفسد في الود قضية
بس أنا وايد متردددة أدخلها الروضة الحين ولابعدين لأني لو دخلتها الحين مايقبلوها في الروضة لأنها بتكون 3 واربع شهور والروضة جالولي مانقبل إلا 3 وست شهور

نصيحه لوجه الله لادخلينها لين اتكمل الأربع سنوات لأتها ان دخلتيها صغيره بتلعوزج مب الحين يوم بتكبر ما بتكون في نفس مستوى بنات صفها لأنها أصغر منهن وصدقيني انا ما قلت ها الكلام الا من خوفي على البنت لأن بنتي ذكيه وشاطره بس اتحسين فيه فجوه بينها وبين باقي البنات........وحتى الحجم بنتي صغيره ه بين بنات صفها