تدخلون فيه ,, ماعلينا ,,نخش في المهم
:42::42:
شلونكم يالغوالي
ابي كل ست وصبيه تقولنا وين رايحين بالصيفيه؟>>>ابوك يالاسئله المحرجه:01::01:
ياترى بربوع بلادنا ,,ولا ( آوت ) يعني برا
مو تلعبين علينا تقولين في لندن وباريس ,,واخرتها نلقاتس تفاحطين ورى
بزارينتس بأبها ,,ولا فالتن بساطتس وقيهوتس انتي وابو الشباب على
شاطئ جده>>>يازين الروائح بهالشاطئ,اللي وده يمرض يروح بس ياخذ
له لفحه من هكالسموم ,,
والجواب يكون بكل صراحه ,,وكما هو مبين على اللافته
يمنع منعا باتا دخول الصواريخ والارانب ,,
انا عن نفسي لا هذي ولا هذي ,ابقضي اجازتي في ربوع بيتنا
وامام هواء المكيفات العليل ,,والسبب هو ان الاخوات العزيزات
ماشاء الله اللي توها والده ,, والله موعدها نهاية العطله
يعني خوش توقيت ,,بس الله يهون عليهم,,:44::(:06:
انا اصلا مالي خلق اسافر>>>>> اللي مايطول العنب يقول حامض
وسلامتكم يالغوالي ,,,
