انا سافرت النمسا .....رحت لفينا حلو جوها بالصيف معتدل يميل للبرودة........متطورة .اهلها راقين وطيبين.اسواقها حلوة.....بس الاحلى بالنسبة لي المدن الصغيرة في النمسا....زرحت لبادن ولسيفلد.......تجنن....زاول شي تغير من السفر المعتاد لانك تسكنين في الاوتيلات الي تكون تديرها عائلة وتكو حلوة وطبخهم يجنن...طبعا هو اوتيل كبير وفيه طباخين...الجو بارد يعني تلبسين ربيعي الى شتوي.....نادر ماتركبين السيارة لان كل شي ينطال بالرجل..المطر بشكل مستمر والبط والسناجب .......كانك في افلام كرتون......بس احى شي سيفلد.

انا رحت برشلونه هي مدينتي المفضله رحت لها 3سنوات وراء بعض اخرها الصيف الي فات اجلس من7 ال9 ايام مره حلوه بس روحي يا في جون او جولاي لاتروحين في اغسطس لانه حر مره حلوه وجوها حلو وفي فندق على البحر مره حلو اذا بغيتيه قوليلي ورحت روما وميلانو مره موحلوين لاتعامل ولا فنادق سكنت احلى فندق في ميلا نو صح حلو بس كئيب ومبانيهم سوداء ماعجبت زوجي ابد بس انا عجبتني عشان التسوق وترا في اغسطس المحلات مسكره شهر كامل اجازه( باريس) مافيه كلام طبعا روعه (جنيف ) ماحبها مره شينه وممله(فينيسا)تاخذ العقل مره حلوه رحت لها شهر عسل(النمسا )فينا يعني بس سالسبرغ مره حلوه واحب اروح المناكو ونيس لو 3 ايام في الصيف لانهم روعه
كمان انصحكم بكروز في البحر لمده اسبوع (رحله بحريه في باخرة ) مره حلو اما على الدول الاسكندنافيه اوعلى الريفيرا واطاليا.
واي معلومات اخرى انا في الخدمه .

ودي يا ام مضاوي تعلمينا بالتفصيل عن برشلونة........وحر الى اي درجة لان بنسافر من نص شهر سبعة الى نص اغسطس........وان مافيه كلافة تفصلين لنا في كل الي رحتي له وكيف التكاليف كانت؟؟؟؟

ام البنات انا مره خاشه مزاجي جنوب افريقياء بس كل مين قالي خوف وايدز؟؟؟؟؟؟؟؟؟؟وانا منقبه رايك ما تبهذل وبالنسبه لالاسعار كيف ياليت
وحده تقولي زوجها راح تبع جهه حكوميه وانهم حذروهم من الخروج من الفنق نظرا لانعدام الامن وش رايك وعطيني فكره كامله عن الاسعار المولات الفنادق

اخت دوودي ممكن تقولين لي عن المناطق في النمسا كيف حجزتي لها لاني لما كلمت شركة سياحة قالوا احنا ماعندنا هالشغلات ممكن تحجزين من هناك لما تروحين النمسا..وكم كلفتك الرحلة تقريبا لان نفسي اروح لو اسبوع لمدينة حلوة..وجنوب افريقيا دخلت مخي لكن لما سالت قالوا يبيلك شهر هناك.وانا عندي ظروف مااقدر غير اسبوع