اشحالكم و شخباركم و شو مسوين ....؟؟؟
حبايبي و الله العظيم يبت الكم شي يجنن يبيض المنطقه الحساسه و الابط و الركبه ..... الحمد لله و أخيراا الصراحه انا كنت من اللي يعانون من هالبلوى الللي فبنات الدنيا و خاصة بنات الخليج ...
لا و الصراحه شي عجيب و ما يتوقع اما اذا عندكم خبره بهالشي فزيادة الخير خيرين ...
الحينه خلاص قررت اتزوج خخخخخ :laugh2:
وناااااااسه بعد شهر بصير لمبه ...... :icon28: :icon28:
الصراحه انا الحينه كملت اسبوع من استخدامي لهالشي و ان شاء الله من باجر بيكون لي بداية الاسبوع الثاني .....
المنتجات اللي استخدمها للتبيييض ..............@@@
1. الأسكينــــــــــــول ........ ( طبعا فيه منه بالليمون و الخيار و انواع كثيره )
و هذي صورة من احد الانواع و طبعا ينباااع بالجمعيات التعاونيه و السوبرماركت
و أنا استخدم اللي ( بالخيار و احيانا الليمون ) .... لانه معروف الخيار و الليمون يفتحون الاسمرار ....
2. الصابونـــــــــه الســــودااااااااء
و هذي صورتها ....
و ايظا تباع بالجمعيات و السوبرماركت او مع العطارين ... و الصراحه انا من الامارات ... يعني اللي خارج الامارات لا يسالوني لاني ما اعرف وين تنباع ...
و انا اشتريتها من الشارقه ( خيمة الشعب ) ..... و هي صناعة فلبينيه .... تباع بـــ 10 أو 15 درهم و فيه اماكن يبيعونها رخيصه بــ 5 دراهم .... لا يقصون عليكم بــ 50 و 60 اوكي .... و مكتوب عليها ...
(( تفتح المناطق الصعبه مثل بين الابط وبين الفخذين والكوعين والركبتين والاماكن الداكنه في الجسم والوجه وتقشر الجلد الميت وتنعم ))
و انا استخدمها بعد للحب اللي بويهي و الصراحه من رابع يوم شفت النتيجه بعيوني ممتاااازه و ربي الشاهد علي كل كلمه اقولها صدق من تجربتي الشخصيه .... :27:
طبعا الطريقــــــــــــه :
اول شي نستخدم هالاشياء مرتين باليوم الصباح و المساء ... يعني تسبحين تفركين المناطق السوده اللي بجسمهم بالصابونه السوداء مع التدليك الخفيف لمدة دقيقتين .... بعدين بعد ما تخلصين انشفي جسمج من الماي و امسحي بقطنة اسكينول عالمناطق اللي تبين تفتحينها .... ماعدا الابط .... لا يستخدم فيه الاسكينول لانه يغلق المسامات انا سمعت انه مب زين و الله اعلم ...
جذي تسوين بالصبح و المساء ... و لا تنسون تلبسون الشورت اللي يمنع الاحتكاك بين الفخذين لانه سبب رئيسي في اسمرار المنطقه و اقصد هنيه ( الاحتكاك )
و لا تنسون بعد اذا بديتي بهالشي لازم تكون المناطق نظيفه يعني مافيها شعر اوكي ...
و الباط يبيض من الصابونه السوداء ..و حاولي انه هالمطقه ما تخليها تعرق وايد لانه العرق يسبب الاسمرار بعد يعني الاهم النظافه هي اللي تخلي الجسم صحي و صافي و و و الخ
و بس لمدة اسبوع ان شاء الله بتلاحظون الفرق ... و الصراحه بتلاحظون الفرق خلال ايام فقط من استخدامكم لهالشي بس مرتين يوميا و هالشي مهم بعد ما تتكاسلون ...
المهم خبرتكم و انتوا بكيفكم ...
و السمووووحه عالاطاله
وعليكم السلام ورحمة الله وبركاته
اختي $ أسيرة العيون $
يعطيك العافيه لطريقتك السهله والغير مكلفه
جزاكِ الله خير وبارك بكِ