اللهم بارك لنا في رجب وشعبان وبلغنا رمضاااان 💜

انام بدري على ساعه 11 لأن معي دوام .. اقوم للسحور طبعا اكل شي بسيط من فواكه و باقي الفطور كذا نظامنا ما نكثر .. بعد السحور انام لحد س8 و بعدها اقوم اتجهز للدوام وارجع س12 و نص تقريبا .. ارجع الظهر اصلي و انام لحد العصر اقوم اصلي بعدها على المطبخ اساعد امي و اخواتي 😋.. طبعا فطورنا يتكون ف العادة من طبق مالح مثل معجنات و مكرونة 🍝و غيره و طبق أو اثنين حلو🍨 و الطبق الرئيسي🍜🍲 مع السلطة🍱 .. وأهم شي الفواكه🍏🍌🍍 لأن ابدا بيها فطوري مع اللبن و التمر🍶 فقط وبعد صلاة المغرب رياضة المشي لمدة تقريبا 45 دقيقة في البيت بعدها صلاة التراويح و بعدين العشاء الوجبة الرئيسية .. طبعا اقرأ قرآن بعد صلاة العصر و بالليل وقبل النوم .. في اليوم ما يقارب جزئين .. وهذا جدولي .. رزقنا الله و إياكم صيام شهر رمضان و قيامه اللهم امين يارب العالمين

الله يبلغنا رمضان ونحن بصحة وعافية و يكتبنا فيه من الصائمين القائمين ويعيننا على فعل الطاعات ويتقبله منّا و يمتعنا بلمتنا بأحبابنا




متى تصحين؟ متى تنامين؟
نظام النوم يتغير لما يبدأ رمضان
وش تفرزنين من قبل رمضان؟أفرزن سمبوسة اسبوعياً الباقي بنفس اليوم إلا إذا عازمين للفطور أجهز من الليلة اللي قبل
كيف نظامك للبيت من تنظيف و اهتمام؟ البيت يتنظف قبل ما أنام ومسح الأرضيات كل يومين أو ثلاث وإذا شفت بقع أمسحها على طول وبعد الفطور أرفع السفرة وانظف المطبخ وأغسله وارتب عالسريع وأكنس البيت واتحمم قبل صلاة العشاء
أطفالك كيف نظامك مع أكلهم في النهار؟ (و اسال العلي العظيم في هالرمضان ان يرزق كل محرومة و تجي تبشرنا)إذا صحوا أحط لهم أشياء خفيفة إلى وقت الفطور ويأكلوا معانا
وش برامجك المفضلة ب رمضان؟ الحمد لله كم رمضان يعدي وأنا ما تابعت التلفزيون مع أني نفسي أشوف برنامج الشقيري بس وقته مو مناسب أحب أحط التلفزيون على صلاة التراويح بمكة أحس بجو رمضان كذا
سُفرة فطورك من ايش تتكون؟ أهم شي عالسفرة التمر والقشطة الفواكه والسلطة والشوربة ولقيمات أو شعيرية
لو عندك جمعة فطور ل رمضان ايش تجهزين من الليلة الاولى ؟ أجهز الأواني اللي بقدمها والسمبوسة و حشوات الفطاير واذا بسوي صينيات بالفرن أجهزها وأحطها بالثلاجة والحلا والتمر ما أكثر الأصناف إذا كثرت ياكلوا من كل صنف شوية ويبقى أكل كثير ما أعرف أيش أعمل فيه
قبل لا يبدأ رمضان كيف تقتصدون في مصروفكم من ناحية اغراض رمضان أجيب المقاضي مثل أي شهر ما أجيب كميات كبيرة لأن رمضان ينتهي وباقي أغراض كثير
الله يبلغنا رمضان ويمتعنا فيه ❤️🙏🏻

مع رد الاخت

انام بعدصلاة الفجرزاصحى قبل الظهر اصلي الضحى وابداء اشتغل بعد صلاة الظهرواخلص بدري واغسل المواعين

وانام ساعة بعدين اقراء قران بعد صلاة العصر اجهز الكاسات والفناجيل والبيالات والتمرمن الظهرواحطهم ع طاولة في الغرفة اللي نفطر فيها

قبل المغرب احضر السفرة واقلي واخلص واجلس ادعي لين ياذن المغرب

بعد الفطور اغسل المواعين وارتب المطبخ وابخر البيت

وبالنسبة للسحور اصلحة الظهر واحطة بالثلاجة و ارتاح في الليل بس اسخنه وخلاص

العصير والحلى اصلحها من الليل واعجن عجينه كبيرةواقسمها وفي الفريز وكل يوم اطلع كيس

واللقيمات بعد اعجن واقسمها وكل يوم اطلع كيس وتطلع طازجة ماتفرق

التنظيف انظف في الليل واغسل الحمامات الله يكرمكم وامسح السيراميك واشغل الفواحة

تعطي جو حلو

السمبوسة والشوربة اصلح حق يومين او ثلاثة وارتاح

طولت عليكم