ههههههه
قلت موضوع يفطس ضحك من الردود يارب يسعدكم كلكم
ويدخل السعادة بقلوبكم

نفسك تقريبا اذا بسافر ماحب اطلع من البيت الا وانا منظفته ومخليته يلق واجلس اغسل بالملابس لاخر قطره وانظف لين اطلع مع الباب واجهز كل شي وبالاخير زوجي يطلع اشياء اكون ناسيتها ويقول وش تسوين كل هالوقت وانا منهد حيلي مابين تنظيف البيت وتجهيز الشنط
وبالاخير صار يزعل ويطلعني غصب ومايخليني اكمل تنظيف
وللحين رغم اني حاولت اخف واجهز قبل السفره بوقت بس لابد اتاخر وزوجي الله يهديه حار يبغى كل شي بسرعه وانا سلحفاه وزياده عندي 4اطفال 3بنات يعني لازم البسهم وامشطهم وصرت اكره الطلعات بسبة هالشي اول طول الاسبوع نطلع الحين اذا قال قوموا بنطلع اتذكر الحوسه اللي بتصير واكنسل الطلعه مع اني اكون متشفقه الطلعه لان الحين مع المدارس مانطلع الا جمعه وسبت


بس رضيت عن نفسي يوم شفت سلفتي اذا بنجتمع عند اهل زوجي اخلص من نفسي ومن اولادي ونروح بيت اهل زوجي وهي ماعندها الا ولد واحد وتجي وتكمل باقي مكياجها عندهم وتقول فلان اللي هو زوجها اعجلها ياحبي لها ماتدري ان حتى انا مكروشه من زوجي

ما شاء الله يا إن عليك روقان الله يعطيني منه

أنا ما أحب أركز إلا بشغلة وحدة ما أقدر ولو حاولت أمسك شغلتين بس أنجن

انا ماشوف ثقل ولااشوف مثاليه دامك تاخرين عن وقتك وتصفطين النلابس اخر لحظه ذا برووود موب ثقل

انتي مرتبة و تحبي المثالية لكنك غير منظمة وقتك أعتقد


عندك سفرة


أبدأي أكتبي بملاحظات الجوال
كل تفصيل لازم تحطيه بالشنطة الكبيرة و شنطتي الخاصة
و شنطة البيبي مثلاً
و كل ما أتذكر شي أكتبه


أبدأي بتنظيف البيت قبل أسبوع
اصحي بدري و روقي و بعدين ابديتعزيل شامل دقيق و زي ما تحبي و على الرااااحة
التزمي فيه و ترتاحي باقي اليوم


الصالة و المجلس يوم
غرف النوم يوم و المطبخ له يوم
دورات المياه و غسيل الملابس يوم
اغسلي الملابس بالبيت و وديها للكوي توفر عليكي وقت
و أبخر كل غرفة و أقفلها
و اصحي من بدري يوم السفر شيكي على كل شي تشييك سريع و بخور للبيت و خذي شاور و استعدي انتي و طفلك
لاحقة ع الراحة لما تسافري