الله يجزاكم خير ويوفقكم اللي تقول وديه اقاربك او جيرانك يختلط فيهم للاسف مالنا اي قرايب في المنطقة اللي عايشين فيها والجيران كلهم مايحتكون ببعض في هالزمن نسكن شقة ونطلع سلام سلام من بعيد محد يزور احد حتى لو تحتك فيهم بالغصب مافي امل والمستشفيات زوجي رافض رفض تام هو تخصصه في مجال المركبات ويقول كلها عبارة عن مسكنات واغلب محتوياتها مسببة للادمان وتوقف خلايا المخ عن النشاط يقول بدخله حضانة واخليه يحتك بالاطفال ونصبر عليه لما يكبر وانا تعبت وانهد حيلي من ارفع راسي الحق وراه واجمع وامسح وانظف وامسكه انزله وهو يركض طالع نازل وصياح وصراخ وفوضى لها اول مالها تالي
مرات اقول من كثر مايستفرغ تعقدت نفسيته خوف واختناق لانه يطرش مع خشمه وحلقه مرة وحدة في وقت واحد عشان توسع المرئ اللي عنده والدكاترة يقولون لي اصلا تبرمج مخه انه اذا اكل واذا شرب سوائل يخاف يرجعها ومجرد دخولها مع حلقه يذكره بطريقة خروجها وسريانها مع خشمه وفمه لذلك كره الاكل والشرب وخصوصا الماي هذا عقدته واكبر عقده لو ننقط في فمه نقطة شرق وكح وشهق وحالة البيت كله يقوم واحيانا يستفرغ غير هذا الدكاترة مانعينه يضحك كثير او يبكي او ينطط او ييسوي حركات راسه تحت او رجلينهرفوق عشان مايستفرغ اللي ببطنه كذا مرة يلعب معانا مسيكين ويضحك وع طول يستفرغ عشان كذا مانقدر نلاعبه كثير والا يلعب كورة ولايضحك لانه ع طول يستفرغ شكواااااااااي لله معقولة يابنات وضعه الصحي هذا سبب نفسيته وعدائيته وفرط حركته لانه مايقدر يلعب براحته ولايضحك ولايمارس حياته بشكل طبيعي وكل وحدة ردت وربي انها خففت عن نفسيتي الشي الكثير وكل من دعت لي ربي يسعدها ويوفقها دنيا واخرة ووالله انها فضفضة من قلب بعد ماطفح الكيل وقعدت ابكي قبل شوي مثل ماقالت وحدة من الاخوات حبيت افضفض لكم واشكي ماعندي احد اشتكي له بعد الله غيركم واللي حولي كلهم مو مهتمين لانراللي يده بالماي مو مثل اللي يده بالنار ماعاشوا الليل والنهار وفي يدهم رغوة قطار العايلة والمنشفة ولاسهروا يغيرون الملابس والمفارش ويمسحون التطريش ولالحقوا بزارينهم في لقمة خمس وست ساعات ولاتعاونوا على طفل عشان ينقطون في حلقه بالابرة كن نقطة ماي ولاعاشوا كل شهر ثلاث اسابيع على المضادات سنتين ولاعرفوهم كل الصيدليات والمستشفيات والممرضين ولاسهروا سنتين لما تطلع الشمس ماتهنوا بنومة ليل ولاولا ولا لو اكتب واشكي من هنا لبكرة ماوصفت ربع معاناتي خلال هالسنتين والله في الاحوال والبنوك لاجو بيطابقون الصور على وجهي يقعدون يبحلقون ويضحكون يقولون مو انتي في هالسنتين زاد عمري عشر سنين وجهي امتلا نمش وكلف وتبقعات واسود اللي حول عيوني من السهر والتعب والبكا ونحفت نحفت بشكل مو طبيعي وصرت نفسية وفقدت الذاكرة تماما والله اني ادور المشط او الجوال الاقيه بالثلاجة واحط الشي واقعد ادوره سنة ولاالاقيه جوالي انزله بمكان عالهزاز او الصامت ونقعد ندوره يوم يومين ماادري وين ارضه من سماه لما نتعب ونلاقيه آآآه ياخواتي تكفووووون بالله عليكم ادعوا لنا الله يفرجها علينا ويرفع عنا هالابتلاء والله الذي لاإله الا هو اني انتهيت انتهيت تكفون لاتنسونا من دعواتكم كل ماتذكرتونا وكل من يدخل هالموضوع من قراء من خارج المنتدى لاتنسونا من دعواتكم اللي في مكة واللي عليهم امطار واللي مسافرين وفي اوقات الاستجابة اكتب وابكي والغصة في حلقي ربي اكشف عنا البلاء وعجل بشفائه ياحي ياقيوم يارب يالله ياكريم
أم جقوري
•
اسأل الله العظيم رب العرش العظيم ان يشفي طفلك
والله يصبرك ويصبرك ويصبرك
ويكبر يارب ويعوضك عن هالايام
ونصيحت لك خلي سوره البقره شغاله طول اليوم ابدا لاتقفلينها
واذا ماعندك شغل ادخلي انتي وهو فغرفه وقفلي الباب واجلسو فيها
يحوس غرفه ولايحوس كل البيت
والله يصبرك ويصبرك ويصبرك
ويكبر يارب ويعوضك عن هالايام
ونصيحت لك خلي سوره البقره شغاله طول اليوم ابدا لاتقفلينها
واذا ماعندك شغل ادخلي انتي وهو فغرفه وقفلي الباب واجلسو فيها
يحوس غرفه ولايحوس كل البيت
حلاوي~
•
بكيتيني ي اختي
دايم اقرا مواضيعك من قبل لا اسجل
وما انسى موضوعك حق ظهور الشيب فشعر طفلك جلست ايام افكر فيه
اللهم اجعل لاختي ام جقوري من كل ضيق فرج ومن كل هم مخرج اللهم اشفي طفلها اللهم اشفيه اللهم اشفيه شفاء لايغادره سقما
اللهم اجعله معافا في بدنه وعقله
ي اختي اصبري والله الدنيا هذا دار ابتلاء
الانبياء افضل خلق الله اصيبو بالبتلاء
ادعي له تصدقي عنه اعطيهدمويه زمزم بنيه الشفاء امسحي جسمه بزيت مقرئ فيه
ان شاء الله بعد كم يوم بروح المدينه
وباذن الله بدعي لطفلك
بس تكفييييين اصبري عليه من له غيرك
دايم اقرا مواضيعك من قبل لا اسجل
وما انسى موضوعك حق ظهور الشيب فشعر طفلك جلست ايام افكر فيه
اللهم اجعل لاختي ام جقوري من كل ضيق فرج ومن كل هم مخرج اللهم اشفي طفلها اللهم اشفيه اللهم اشفيه شفاء لايغادره سقما
اللهم اجعله معافا في بدنه وعقله
ي اختي اصبري والله الدنيا هذا دار ابتلاء
الانبياء افضل خلق الله اصيبو بالبتلاء
ادعي له تصدقي عنه اعطيهدمويه زمزم بنيه الشفاء امسحي جسمه بزيت مقرئ فيه
ان شاء الله بعد كم يوم بروح المدينه
وباذن الله بدعي لطفلك
بس تكفييييين اصبري عليه من له غيرك
الله يعينك عليه ويشفيه لك يارب ودوه مستشفي شوفو وش فيه حركاته اووفر لا زم تودينه تشوفين وش فيه
بعدين حرام عليك لا تضربينه ولا تصارخين عليه
بعدين حرام عليك لا تضربينه ولا تصارخين عليه
الصفحة الأخيرة
الاولاد نعمه لاجو صرنا مانتحملهم
انا كنت ادعي على نفسي ان عيالي مايكثرون
بحاله غضب واستغفر
واللحين صارت عندي مشاكل بالارحام
انتي لاتدعين عليه ولا على نفسك
خلي بالك طويل عليه انا عيالي اذا جننوني اقول بأعلى صوتي لا اله الا الله
اطلع الغضب كله بهالكلمه
اشوا من ادعي واضرب
اما بخصوص ولدك بعض الاطفال عنده فرط حركه
ولد خالتي نفس حالت ولدك عمره ٢ونص
لايتكلم وبس ياكل خيوط وشعر واسلاك
والجوال مايطيح من يده
وبس يخرب كل شي يخربه
والله ارحمها بس تطارد وراه ماتقعد
ودته المستشفى قالو مافيه توحد سليم
وحولوه على عياده التخاطب
وودته مشايخ
قالو مروع وهو صغير
ومعقد لسانه
الله يعينها ويعينك
بس لازم تدورين علاج له ياعند مشايخ او مستشفى
لاتتركينه