ياقلبي انا عارفه قصتك مع ولدك وادري انه تعبان واعتبر كلامك هذا فضفضه من كثر الكبت... بقولك كم حاجه وعسى الله يجعل فيها سبب في التخفيف عنكم....



اول شي ارقي ولدك مثل ما قلت بس ارقيه بالقرآن كامل خذي كل يوم جزء واقريه وانفثي ع الولد وعلى موية شربكم وعلى زيت زيتون لين ماتخلصين القرآن..


ادهني ولدك بالزيت كل ليله والمويه اشربوا واطبخو منها....


ثاني شي الدعااء الدعاء ادري انك تدعين لكن ابيك تدعيين بيقييييييييين كيف يعني..؟

يوم تدعين بيقين يعني انك متأكده من الإجابه.. خل املك بالله كبيييير بثي همك لربك شفت يوم تفضفضين لنا الحين..؟


صلي ركعتين وفضفضي لربك كذا بكللللل بساطه... (وإذا سألك عبادي عني فإني قريب اجيب دعوة الداع اذا دعان) ..


فيه دعوة دايما ادعي بها اذا رفعوا ضغطي عيالي اللي هي(ربنا افرغ علينا صبرا)

وربي لها تأثييير فوري ع طول اهدى..


ولدك ولدك انت تعرفين ان امراض الدنيا فيه الله يقر عينك بشفاه فلا تزيدينه مرض بالضرب قددددددد ماتقدرين ضميييييه حتى وان اخطى اياً كان الخطأ ضميه وحطي عينك بعينه وفهميه الخطأ وانك زعلانه منه مافهم اليوم بكره بيفهم ماعليك....


كلللل الالعاب حقه شيليها وخبيها عنه اسبوع اسبوعين قد ماتقدرين وبعد فتره طلعي له لعبه لعبين لين يمل منها وخبيها وطلعي غيرها لان كذا بيشتاق لها....


طولي بالك عليه الله يعينك واطلبي من الله ان يمدك بالصبر واحتسبي عند الله اجرك لاتقولي هذي دعوة لا والله اسأل الله ان تكون محبه من الله لك فا بتلاك.. لان اكثر الناس بلاءً الانبياء ثم الأمثل فالامثل....

ادعي دااايما ان ربي يسهل لك سبل علاجه لاتحددي الطريقة خليها ع الله.. قولي يااارب اجعل لي من لدنك فرجا ومخرجا....

معليش تحملي قد ماتقدرين اصبري واحتسبي واطلبي الله المعونه والصبر على ما ابتلاك احمدي الله عندك واحد اعرف وحده عندها 2 فيهم فرط حركه وشافت الوييييل معاهم وفوق ذا صابره ومحتسبه انا ما اقول انك مو صابره لا والله.. الله يجزاك الجنة ع تعبك...


علقي قلبك بالله دااااااائما....


استغفري دااااائما كل ماحسيت نفسك ساكته اذكري الله....

غسلي بيتك بماء ورد وافتحي الشبابيك خلي الشمس تدخل...

الولد قد ماتقدري ارفعي الأشياء الخطيره عنه واي شي ممكن يركب ع ويطول اغراض المطبخ خبيه عنه دون مايدري علشان مايبكي عليك....

دام زوجك صابر معاك الحمدلله تتعاونون سوى...

ابتسمي ايوه ابتسمي دام الله معك ومطلع على وضعك فماراح يضيع تعبك صدقيني الله ارحم بك وبولدك من اي مخلوق....

حاولي تشغلين القرآن بالبيت 24 ساعة اقري البقرة بالبيت او شغليها
يوميا...


هذي بعض الافكار اللي جت ببالي وإذا لقيت
افكار ثانيه تفيدك راح اكتبها بإذن الله

اعذريني اذا كنت قللت من حجم همك او ما افدتك

اختي احيانا تصرفاتنا مع اطفالنا تعكس شخصياتهم ..

الضرب الصراخ الدعاوي و و و الخ كلها تاثر بالسلب ع الطفل وتخليه عنيد ومايهتم بلي حواليه لن صار عنده تلبد ..

هو طفلك يمكن عنده فرط حركة واحتمال كبير لنو ماياكل لنو فيه علاقة بين فقر الدم وفرط الحركة عند بعض الاطفال .. انتي قفلي الغرف وقت الي ماتستخدموهم وارفعي المفتاح فوق ماراح يطاله .. بالنسبة انه يشيل الحفاظ اطفال كثير مثله يخلعون الملابس و الحفاظ خاصة لى بدأوا يتجهزوا للتعلم الحمام ..

دام طفلك حركي ويحب الخراب حاولي كل يوم تطلعيه حديقة وخليه يركض و يتعب .. خليه يلعب بالرمل اذا مايحطه بفمه .. ترا فرط الحركة مو بيده حاولي تكوني اكثر حكمة بالتعامل معاه مو هو يعصب وانتي تعصبي وابوه يعصب مايصير .. وبدل ماتدعي عليه وقت الغضب ادعي اله قولي الله يهديك او الله يصلحك .. بالنسبة للعب الاطفال يحبوا التلوين و الخربشة افرشي بلاستيك ع الارض و حطي الاوراق و الالوان وخليه يشخبط الين يطلع الي براسه و ارفعي الصحون و كلشي في دولايب فوق .. وخلي جلستكم بغرفة وحدة بس ..

مدري وش اقولك اكثر غير الله يهديه و يصلحه و ان شاء الله تشوفيه زي ماتحبي بس انتي هدي اعصابك معاه وراح يهدا ومعليش لو خرب او كسر اهم شي مايأذي نفسه كلشي يتعوض بعدين اهم شي انتبهي اله وراح يكبر ويتغير ويهدا ..


واذا ماتقدري تروحي المستشفى عشان ذا الموضوع فيه بالمكتبات كتب ع فرط الحركة و كدا فيها معلومات راح تفيدك مثل كتاب ابني ذكي ولكن رائع جدا و كتب كثيرة انتي روحي واختاري واقراي ..

يااختي انتي وين ساكنه لو بالمدينه وديه سلامه يشوفه يعرف ايش فيه باذن الله
وامسكي اعصابك حاولي ماتصارخين عليه ولا تضربيه
وجربي تلعبي معاه العاب حركيه بالسياره وتجري معاه وتاخذيه معاك عند اخوانك يلعبوا معاه
وخليه يلعب بالرمل كثير واعطيه فاتح شهيه
وعادي مايتكلم ذحين فيه بعض الاطفال على اربع سنوات يبدا يتكلم بس ولدك عشان حركته كثيره مايستوعب الكلام حاولي فيه ينطق ماما وبابا كرريها عليه كل شوي لين يستوعبها وينطقها
امنعي عنه الحلويات والسكريات ابداً لا ياكلها واعطيه رضاعه اذا ماياكل لانه توه سنتين صغير
وعليك بالدعاااء في الثلث الاخير من الليل ان الله يصلحه ويشفيه وشربيه ماء زمزم مقري فيه ودهنيه بزيت زيتون
اسئل الله العظيم ان يشفيه لك وتشوفيه من اعظم المشايخ وانتبهي تجزعي وتقنطي من رحمة الله واعلمي ان الله
اذا احب عبداً ابتلاه اصبرري

ربنا يساعدك و يشفيه يا رب ، وديه دكتور اعصاب خلي يشوف حالته يمكن يعطيك علاج و ترتاحي من حركته شوية ،،، و هو كمان مسكين هذا الشي مو بيده و كمان مو بيدك ، بس العلاج سنة لازم توديه و ان شاء الله ربنا يشفيه و يخليه لك

الله يشفسه شفاءا تاما يارب العالمين و يعينك يارب اختي لا تضربينه استغفري و احتسبس الاجر و ارفعي كل شئ فيه خطورة و لازم تعرضيه على طبيب نفسي ممكن يكون عنده فرط حركة و ممكن تكةن عنده فطريات في المعدة هي السبب في حركته الزايدة لازم تعطيه فيتامينات لانه ماياكل اوميغا 3 و حديد و فيتامين د يارب يشفيه و يهديه يارب