يااااابنات طالبوا بالمصدر!!!!!

بسم الله الرحمن الرحيم 00

والله مدري ليه عندي احساس ان موضوعي راح يحذف!!

عموما كلمة حق وابقولها 00

ماتلاحظون المنتدى صار اكبر مصدر لترويج الاشاعات والاخبار المختلقه

جزء كبير من المواضيع اللي مايصدقها عقل ولا يقبلها منطق تنشر على اساس

انها وصلت من الايميل 00 طيب انا وش يدريني ان الخبر صحيح

المنتج الفلاني يسبب السرطان 00 طيب وين الاثبات اللي يخليني اتأكد من صحة الخبر

ليه اتسبب في كساد بضايع مسلمين واخسرهم رزقهم بسبب خبر قد تكون شركه

منافسه روجت له 000

ليه تنشرين خبر ماتعرفين صحته من عدمه قد تسببين فيه اضرار لاصحاب المنتج

وتضيقين فيه على الناس ممن امتنعوا من استخدام هذا المنتج رغم حبهم له وارتياحهم

عليه خوفا من المرض 000 تقولون فيه بدائل للمنتج اقولكم حتى لووووووووو

هذا مو تبرير اذا المنتج اجنبي وتبين الكل يقاطعه اطلبي المقاطعه لهذا السبب فقط

دون التلفيق والكذب 00

اغلب البنات لما اقولهم ذا الكلام تقول والله جاني الخبر ولأني اتمنى لكم الخير

قلت احذركم 000 طيب على عيني كلامك ونيتك محد يشكك فيها لكن على الاقل

ابحثي عن صحة الخبر اولا 00 واذا ماعرفتي اطلبي من يبحث لكن كتابه الموضوع

بلهجة الواثق من الخبر خطأ كبيييييييييييييييير

من ناحيه ثانيه وهذا يحزنني اكثر هو المواضيع اللي تحمل اخبار

كاااااذبه وملفقه وللأسف الهدف منها يكون الدعوه للتمسك بالدين00 وكأن

ديننا الاسلامي يحتاج لأثباتات حتى نقتنع بانه الحق وفيه المصلحه

والامثلة عليه كثيره واعتقد الكل يعرفها 00


لذلك انا من اليوم اي موضوع يحمل خبر معين راح اطالب صاحبة الموضوع

بالمصدر 00 صحيفه 00 موقع طبي 00 موقع اخباري 00 موقع ديني معترف فيه

يعني شئ موثق 000 لكن ايميل ولا منقول انا ماراح اقبله


عشان كذا يابنات نصيحه طالبوا بالمصدر عشان تبرون ذمتكم امام الله

ولا يصير ذنب قطع الارزاق في اعناقكم الى يوم القيامه 00




ملاحظه 000

احد اشهر المنتديات السعوديه بدون ذكر الأسم 00 اي موضوع لا يحمل

المصدر يحذف مباشره00 امنيه ان يطبق هذا النظام هنا!!