مرة انا سالت شيخ على لبس البنطلون قدام الاولاد الكبار قال مكروه يعني احسن لو ما تلبسي بس انت حاولي انك تلبسي اشياء لزوجك ولما يكون لبنك موجود حاولي تلبسي اشي حلو ومستور بنفس الوقت يعني وازني

الله يصلحلك ذريتك ...
أنا أشوف اللبس عادي أهم شي ماينكشف الصدر كامل ولا تكون المناطق الحساسه واضحه..غير كذا عادي
أما بالنسبة لملابس النوم المغرية أوكي عند زوجك أنتي وياه في الغرفة لكن بتطلعين الحمام لازم تلبسين الأرواب الطويلة المفتوحه اللي لها رباط على الخصر تسترك وأنتي رايحه للحمام....
أما تعاملك مع زوجك تأكلينه ويأكلك مافيها شي.. بس التبوس والأحضان اللي توحي بشي ثاني لا لا لا قدام الأولاد لا...
أنا مع إن الزوجه تستقبل زوجها بالحضن والبوسه الناعمه الهاديه وهو جاي من العمل أو جاي من بره حتى الأولاد يكتسبوا هذا الشي من أمهم وابوهم...
والله يصلحلي ولك ذرياتنا ويقر أعيننا بهم..آآآآمين

انا عندي ولدين الكبير بأول ثانوي والثاني بأول متوسط البس الجنز والقصير الى الركب والكت , اما القصير مررره والميني شورت خليها لما ما يكونو مو متواجدين او نايمين , او رتبي لكم جلسه وتلفزيون في غرفة النوم اذا نامو العيال البسي الي تبين واسهرو عند التلفزيون بغرفتك واذا بتطلعين البسي روب على لبسك , انا حمامي بغرفتي بس حتى لو كنتي لابسه قميص نوم عاري وشفاف البسي عليه روب لاتطلعين كذا ابدا , وعلمي ولدك لايدخل عليكي الغرفه الا لما يدق الباب ان منتي على السرير نايمه تغطي بالبطانيه او الشرشف واذا كنتي جالسه البسي الروب وافتحي له الباب .

اما البوس والاحضان اذا كانت بوسه على الخد زي السلام لما تستقبلي زوجك وتضميه عادي وتأكليه ويأكلك بعد عادي اما غير كذا خليه لما تكونو لحالكم , واكيد زوجك فاهم الوضع ,

ومو دايم الاناقه بالعاري والضيق , ولازم تنوعي في لبسك اذا تلبسين عاري دايم زوجك راح يمل , البسي المستر والوسط ونوعي في لبسك اهم شي النظافه والاناقه والبساطه واريحه الي تطير العقل , واغريه ودلعيه بالحركات مو لازم باللبس .

عادي البس اي شي

متعود يشوفني كذا

و فعلا الزوج تصيبه حاله اذا كبر يستخف بزياده

و يصير يتورعن بتصرفاته قدام اولاده

خطييييييييير جدا اللي تسوين
حرام عليك تخلين ابنك يعيش في عذاب من الآن هو عمره تقريبا 12 يعني عنده طاقة ماتتخيليها
ولا يغرك إنه ماينتبه هو ينتبه ويعاني لكن أنت ماتحسين فيه
انت كذا تعينين الشيطان على ابنك
وحده تقول إن زوجها يقولها إنه من يوم كان في رابع ابتدائي وهو يعرف كل شيء ويعاني ومايقدر يفرغ هالطاقة الموجودة عنده وفي نفس الوقت مايبي يشوف أمه أو أخواته فيروح يبحث عن هالمناظر في أي مكان ويتلصص على الحريم
وحتى فيه مدرس جلس يسولف مع طلابه في أول متوسط وصاروا يقولون له أشياء تشيب الرأس وأهلهم مايدرون عنهم ولما سألهم من وين جبتوا كل هذا عندكم قنوات ؟ قالوا عندنا قنوات على الطبيعة اللي قال أمي واللي قال أختي
انتبهي لابنك ولبنتك أيضا فأنتي مسؤلة عنهم يوم القيامة وهم أمانة في عنقك
أحد الاستشاريين النفسيين يقول تجيني أعداد هائلة من البنات اللي يعانون من أخوانهم والسبب تصرفات الأبوين أمامهم
بالنسبة لزوجك تفاهمي أنت وهو وقولي له إنك راح تتركين بعض الأشياء من أجل ابنك
وخلي الأشياء هذي تقتصر على غرفة النوم أو الأوقات اللي يكون الابن غير موجود
الله يصلح ابنائك ويعينك على تربيتهم