موضوعكم راااااااائع يعطيها العافية صاحبة الموضوع
قرأت الردود لين رقم 80 والأفكار حلوة ومفيدة وحبيت أشاركم بأفكاري وطريقتي
أنا برضه مو موظفة وزوجي يعطيني مصروف لي ولأولادي الثلاثة ...طبعا المصروف هذا داخل فيه : ملابس ،أدوات زينة وعطور وكماليات لي وللأولاد،هدايامناسبات ، ترفيه ، فاتورة جوالي. وهو بصراحة ما يقصر يعني أحيانا يحط أشياء من عنده للأولاد غير المصروف.. طبعا أنا يدي فرطة درجة أولى مو إسراف لا ..ما أحب أخلي بخاطري وخاطر عيالي شي وبكذا ما يكفينا المصروف خاصة ان معظم الأشياء مثل ما قلت لكم داخلة فيه وما ألجأ لزوجي بعد الله الا في المآزق الشديدة جدا لأني قلت له عطنا مصروف وانا أكفيك نفسي وعيالي .
لكن حليت فرطة اليد اللي عندي بالجمعيات : يعني أدخل جمعيات بمبالغ صغيرة في شهور محددة يعني على سبيل المثال ..دخلت جمعية واخذتها آخر رجب علشان أستفيد منها في موسم التخفيضات وقضيت لنفسي وعيالي كل مقاضي العيد الأساسية والكمالية ما شاء الله واشتريت اللي نفسي فيه من التخفيضات بدون ما أضغط نفسي واشتريت بعض الأشياء برضه للمطبخ ، وشريت شنط المدرسة لعيالي يعني ما شاء الله قضيت مقاضي عليها القيمة .
الجمعية الثانية بآخذها آخر رمضان وانا طبعا لي مبررات في اختيار اوقات الجمعيات ..واخترت هذا الوقت لأني العام الماضي راتب رمضان جا بدري ويوم جينا في شوال بنطلع بنتمشى بنرفه أولادنا الميزانية ما تحتمل يادوب باقي الراتب يكفي للاحتياجات الأساسية فطلبت استلمها في آخر رمضان علشان اقدر اجيب منها باقي مستلزمات المدرسة (يمكن تكلفني بين 100-200 ريال بالكثير) والباقي نصرف منه في طلعاتنا ونزهاتنا خاصة اننا في رمضان ما نروح ملاهي ومجمعات ومولات فأعوض الأولاد في شوال قبل المدرسة.
الجمعية الثالثة : خليتها في إجازة منتصف العام الدراسي وهكذا...كل وحدة تشوف متى الوقت اللي تحتاج فيه مبلغ مالي أكبر من دخلها أو مصروفها تدخل جمعية تستلمها في هذا الوقت وهذي طريقة ممتازة للي ما يقدرون يمسكون الفلوس مثلي لأنها بتلزمك بالدفع والانضباط الشهري .
وأتمنى أكون أفدتكم بتجربتي
والله انا احس الي تقدر توفر هاذي انسانه جاده وحازمه لان احيانا توفرين مبلغ وبعدين تضعفين عند اول طلعه للسوق
موفقين ومباركين ان شاءالله
موفقين ومباركين ان شاءالله
الصفحة الأخيرة
وكيف استعداداتك للعيد والشهر الفضيل 0رمضان