هلا اختي شجرة الدر

بغيت اسالك مشتركه بجمعيتين ؟

بصرآحه انا سويت جمعيه 200 ريال وحنا 12 وحده وطلع لي 1200 ريااااال وطلعت لي جوال فيها بس ملييييييييييت

ودي ادخل بجمعيه بعدد قليل مثلا اربع اشخاااص من 300ريااال وبكذاااا حلو يصير كل اربع شهور يجيك 1200

تفك لك ازمه وتقضين لك حاجه

اتمنى ربي يسير الامور واوفر واضبط اموري

حلوة وصغيرونة
والله يا عيوني مشتركة بثلاث جمعيات مو 2 ومثل ما قلت لك أخلي استلامي لها في الوقت اللي أكون محتاجتها فيه لغرض معين والمبلغ اللي انا مخليته للجمعيات ثابت 600 تقريبا بس أسهم الجمعيات تختلف يعني أحيانا 400 و100 و100 وطبعا أحب دايما جمعية الصيف أخليها الأكبر لأن احتياجاتي أكثر ولأنه يدخل فيها مقاضي العيد والمدرسة وتكون موسم التخفيضات .
وأحيانا 200 و 200 و200. يعني على حسب الجمعيات المتاحة لكن أنظم لها قبل تنتهي الجمعية واحجز من بدري المكان اللي أبغاه ..
يعني مثلا الجمعية اللي باستلمها ان شاء الله في رمضان داخله فيها ب 100 وباستلمها ألف ريال مع المية حقتي لأننا 11 وحدة وأنا أستلم قبل الأخيرة يعني بعدي وحدة وتخلص الجمعية...وطبعا لو فكرت ادخر 100 شهريا ما قدرت لكن الجمعية تلزمني وألف ريال مبلغ حلو ما شاء الله بالإضافة للمتبقي من المصروف لأني باطلع منه 200 تقريبا تكملة أغراض المدرسة والباقي لي ولعيالي وطبعا ماني محتاجة ولله الحمد أي مشتريات لأني خلاص قضيت كل لوازمنا واحتياجاتنا

وبالمناسبة ..ترى فكرتك مرة حلوه ..فكرة الجمعية اللي 300 كل أربع شهور صادقة والله كل 4 شهور يكون معاك 1200 ممكن تسوينها انت وخواتك أو خوات زوجك أو صديقاتك بس حلاوتها ان العدد ما يزيد شكلي باقتبس الفكرة منك ههههههههه

حلوة وصغيرونة

الجمعية 200 ريال 12 شخص تطلع 2400 ريال مو 1200

أنا علي دين لأخوي 3000ريال
ولأمي400 ريال
ولأخوي الثاني100ريال

نهاية التسديد رح تكون بإذن الله شهر ذو الحجة

وبعدها أبي أوفر مبلغ 300ريال من راتبي كل شهر عشان أشتري ذهب على شهر شعبان العام القادم إذا ربي عطانا عمر

أخوي بسلمه بكرة/800ريال
يبقى من الديون= 2700 والله يكون في العون

يالله يابنات شجعونا مانبي نضعف ونصرف هالقريشات الي ماأمداني افرح بجمعتهم