يابناااااات مقهووووره

اول شي انا خذت اليوزر من صديقتي مو لي
فقدت يوزري القديم وايميلي انسرق مو هذي سالفتي :(

ياطويلات العمر انا كتب لي ربي الزواج بعد الثانوي علطول وماقعدت معه ولا شهرين ماحبيته ماطقته وياليته يعاملني برحمة حتى ضرب ضربني لاني مااطيقه وبطلوع الروح طلقني بعد ماخلاني 8 شهور وامه تتلفظ علي اني بزر ولا اتحمل المسؤليه والله بعد طلاقي انه حتى شرفي تكلمو فيه هو وامه وخواته والله حسيبهم اي خطوبه بعد طلاقي ماتتم ولا كنت اعرف السبب بعد ماصار عمري 23 عوضني الله وانخطبت لشاب طيب ومصلي ومذكور بالطيب اشترطت على ابوي اكلمه ماودي الله يبلاني مره ثانيه مااتحمل ضرببتين بالراس وفعلا تم الي ابي مكالماتنا بسيطه ومقننه يعني نتكلم اوقات مغرب ولا عصر اهلي متواجدين بس بعيدين شوي حسيت ان قراري سليم بالموافقه عليه حددنا يوم الملاك وكان هو المستعجل قبل الملاك بيومين قال لابوي طليقها جاني يتكلم بشرفها ويقول ويقول طيب شلون يتكلم بشرفي وهو مالمسني انقهرت انهرت ابوي قالي الحمد لله ماتورطنا معه واتفركش كل شي عرفت ان طليقي مستقعد لي بالزواج مايبيني اتزوج ابد وادعي عليه بكل سجده الله ينتقم منه ويوريني فيه يوم
المهم بعد هالسالفه تجيني خطوبات ماارتاح وينكمش قلبي منهم وارفض اقول اقعد بعز ابوي ولا اتزوج اي زييجه الي يجييني متزوج وانا ماابي متزوج واذا رفضت الناس تهينني يقولون وش تبي تراها مطلقه !! ياناس واذا ومطلقه تراني بنت ولي روح ولي احلام مثلي مثلكم ماشفت الفرح ابد وقلبي انكسر من عمري 18 ماعمري ضحكت وبهموم الله اعلمها ويوم تطلقت ياليتني شفت الفرح لا استقعد لي اكثر واكثر
علشان لا انكر نعمة ربي خطوبوني شباب بس ماابي شاب ماتزوج قبلي ماابيه يعايرني بشي :(
خطبني شخص هالكلام قبل اسبوع واتصلت امه قالت ولدي مطلق وعنده ولد انا خفت ماابي عيال اخاف اظلمهم الحين اكيد مابسوي شي بس لا جو عيالي اكيد بميل لعيالي وهذي الفطرة واخاف اظلمهم قسم بالله
المهم وقلت لامي اسألي وش سبب الطلاق من زوجة امه وتاكدي وكل هالفتره استخير استخير اذا فيه خير يسر لي الموضوع واذا شر اصرفه عني باهون سبب وكلمت امي امه وقالت وش سبب الطلاق قالت لها هو ماطلقها ناوي يطلقها :32: بس يقول لا خطبت بطلقها قالت لها امي الله يسخر لولدك ويسخر لبنتي قالت ليش هو مايبيها ولا انا ولا ابوه مانبيها ومدري وشو قالت امي لا خلاص الموضوع انتهي وموفقين

انقهرت يابنات ليش الغش بالزواج مستهينين فيني علشاني تطلقت ؟ ومتوقعه اني بقبل وضع ولدها الغير رجولي
وتنصب علينا وتقول تارك لها البيت ويدفع اجاره وهو عندنا بالبيت
مااحب ادعي على احد بس تحسبت عليها حسبي الله ونعم الوكيل في الي يغشون بنات الناس ياحرام يابنت الناس ام ولدهم الي غافله ماتدري عن مخططاتهم

ياساتر مخافة الله صارت شي سهل الله المستعان

كذبو بكل شي الا بالزواج :angry2: هذا مستقبل وعمر وعيال

لي سبع سنوات والله مافرحت ابد ومكسور خاطري عند كل الناس :( الله لا يكسر خاطر مسلم ويستر على كل بنات المسلمين ويزوجهم الازواج الصالحين